საზოგადოება
რას სთავაზობენ ახალი წლის ღამეს ქუთაისში მოქმედი ბარ–რესტორნები სტუმრებს
FaceBook

ქუთაისში არსებული ბარ–რესტორნები სტუმრებს ახალი წლის შესახვედრად მათთან ეპატიჟებიან.


განსხვავებულ და მრავალფეროვან საახალწლო პროგრამას ჰპირდება საახალწლო დღეებში კლიენტებს ბარ–რესტორანი „სეზამი“.  მენეჯერის თქმით, საახალწლო ღონისძიება ღამის პირველი საათიდან დაიწყება და დილის შვიდზე დასრულდება.


„საღამოს წამყვანი ანი რაზმაძე იქნება. სტუმრების განწყობაზე იმერეთის მხიარულთა და საზრიანთა კლუბის წევრებთან ერთად ილუზიონისტები იზრუნებენ. მენიუს ღირებულება 50 ლარია, რომელშიც საახალწლო მენიუც შედის“, – ამბობენ „სეზამში“.


23 საათიდან მიიღებს სტუმრებს რესტორანი „კვამლი“ და ის ღია მთელი ღამის განმავლობაში იქნება. როგორც რესტორნის მენეჯერი გვეუბნება, მენიუ აქამდე მოქმედი იქნება და ერთ ადამიანს 50 ლარის გადახდა მოუწევს.


„კლიენტი, მენიუს, თავისი სურვილისამებრ, 40 ლარის ფარგლებში აარჩევს. სტუმრების განწყობაზე საღამოს წამყვანი ზურა ნიჟარაძე იზრუნებს, ხოლო დღესასწაულს მუსიკალურად ცოცხალი ბენდი გააფორმებს“, – ამბობს „კვამლის“ მენეჯერი.


პალატი საახალწლო შოუს გამართვას 22:30 საათაიდან გეგმავს, რომელიც ღამის პირველ–ორ საათამდე გაგრძელდება. საღამოს მუსიკალურად ბენდი „confusion” გააფორმებს. მენიუს ფასი აქაც სტანდარტულია და ის 50 ლარი ეღირება.


„დაუკრავს DJ ZAPA -ც. საღამოს წამყვანი თორნიკე ჭელიძე იქნება. რაც შეეხება მენიუს, ის ახალი წლისთვის დამახასიათებელი იქნება და გვექნება გოჭი, საცივი და ა.შ“, – ამბობს „პალატის“ მენეჯერი.


კარაოკე საღამო, გათამაშებები, გრანდიოზული ფოიერვერკი – ამ და სხვა სიურპრიზებს ჰპირდება სასტუმრო კომპლექს „ბაგრატი 1003“ რესტორანი კლიენტებს. სასტუმროს მენეჯერის თქმით, რესტორანი მომხმარებლებს 12 საათიდან გათენებამდე მოემსახურება. მენიუს ფასი აქაც 50 ლარია.


„თამაშდება ჩვენი სასტუმროს ნომერი ორ პერსონაზე, სპა სალონის მომსახურება, ჩვენი ბრენდირებული სასმელი“, – ამბობენ „ბაგრატი 1003“–ში.


ბარ–რესტორანი „ალმანო“ ახალი წლის ღამეს სტუმრებს საგზურს სთავაზობს. მენეჯერის თქმით, გათამაშდება 6 ერთკვირიანი საგზური ბაკურიანში. ასევე, იმღერებს ჯგუფი „არა“. დაწესებულება 31 დეკემბერს საღამოს 12 საათიდან დილამდე იმუშავებს. მენიუს ღირებულება 50 ლარია.


ახალი წლის ღამეს არ იმუშავებს არტ კაფე "ბლუზი" და "თეთრი ქვები".

FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში, ლადო მესხიშვილის თეატრის წინ, 19:00 საათზე, რუსული ოკუპაციის წინააღმდეგ მორიგი საპროტესტო აქცია გაიმართება.
"თავისუფლებასთან წააგებთ", "რუსეთი ოკუპანტია", "პარლამენტი ოკუპირებულია"
სამტრედიის რაიონულმა სასამართლომ შვიდი წლის გოგონას გაუპატიურებაში ბრალდებული დამნაშავედ სცნო.
ქუთაის-გაენათის ეპარქიის წინამძღოლი, მიტროპოლიტი  კალისტრატე, ბაგრატის ტაძარში გადაასვენეს.
ქუთაისის ელექტრომობილების საწარმოს მშენებლობის პროექტს წარადგენენ. ღონისძიება ქუთაისში, დავით აღმაშენებლის მოედანზე 22:00 საათზე დაიწყება.
ქუთაისის საკრებულოს დეპუტატმა ნანა კოსტავამ, რომელიც სიძულვილის ენაში არის დადანაშაულებული, ფრაქცია "ქართული ოცნება-კონსერვატორები"  დატოვა.
თეთრ ხიდზე მინა, წინასწარი შეტყობით, განზრახ არის დაზიანებული.
მამაკაცი, რომელმაც ბინაში, სადაც მისი ოჯახის წევრებს ეძინათ, სავარაუდოდ, ცეცხლი განზრახ გააჩინა, უგონო მდგომარეობაშია.