ქუთაისიპოსტი

ბაღდათის მუნიციპალიტეტის ადგილობრივი მთავრობა პირველ ეტაპზე იმ ადამიანებს დაეხმარება, რომლებსაც სტიქიამ საცხოვრებელი სახლები დაუზიანა.

მერია  პალმების შესაფუთად  ტენდერი გამოაცხადა.

იმერეთის 140 სოფელი მომავალი წლიდან ინტერნეტიზაციის პროგრამაში ჩაერთვება.

მანათობელი ფიგურების აღდგენა-მონტაჟის სამუშაოების 22 დეკემბრის ჩათვლით უნდა შესრულდეს.

ქუთაისის მერია 22 შპს-ს ფლობს. აქედან, 10 ორგანიზაცია მუშობს. დანარჩენი წლებია მხოლოდ ფურცელზე არსებობს.

მოსახლეობა ხონის მთავრობისგან  გზისპირზე სანაგვე ურნების და საპირფარეშოების მოწყობას ითხოვს.

საქართველოში გადაწყვეტილების მიმღებ თანამშდებობებზე არ არიან ქალები წარმოდგენილი.

ქუთაისის მერიამ სოციალური საცხოვრისის მშენებლობის მიზნით, ბაზრის კვლევა დაიყო.

ქუთაისის მერიას ადმინისტრაციულ ხარჯებში 6 000 ლარი დაემატა.

ქუთაისის მერიამ უნებართვო მშენებლობების გამო მიმდინარე წლის იანვრიდან ოქტომბრამდე  57 ფიზიკური და იურიდიული პირი დააჯარიმა. ჯარიმიდან მიღებულმა  თანხამ, 1 ოქომბრის მონაცემებით, 46 000 ლარი შეადგინა.

ქუთაისის მერიამ მიმდინარე წლის იანვრიდან ამ დრომდე ელექტრონული აუქციონიდან 2 მლნ 400 000 ლარის შემოსავალი მიიღო.

ქუთაისის მერიამ ადგილობრივი ბიუჯეტიდან  საფეხბურთო კლუბ "ტოპრედოს" 1 მლნ 900 00 ლარამდე აქვს გადარიცხული.

2016 წლის ბიუჯეტის პროექტს ქუთაისის მერია საკრებულოს მიმდინარე წლის 15 ნოემბერს წარუდგენს.

ელექტრონული აუქციონი მხოლოდ სამჯერ შედგა.

ადგილობრივ თვითმმართველობაში პრემიების გაცემა სააღდგომოდ მოხდა.

" ყველას აქვს უფლება კონკრუსის წესით დაიკავოს რაიმე პოზიცია და ნათესაობა არ უნდა იყოს შემაბრკოლებელი".

ქუთაისის მერიამ უნებართვო მშენებლობაზე მიმდინარე წლის იანვრიდან ოქტომბრის ჩათვლით 57 პირი დააჯარიმა.

2016 წელს მუნიციპალიტეტებისთვის ინფრასრტუქტრული პროექტებისთვის გამოყოფილი თანხები იგივე რაც მიმდინარე წელს იყო.

სახელფასო დანამატები საჩხერის ადგილობრივ თვითმმართველობაში დასაქმებულმა ყველა თანამშრომლმა მიიღო.

საჩხერის მუნიციპალიტეტის ბიუჯეტში მიმდინარე წელს მივლინებისთვის 33 400 ლარია გათვალისწინებული.

ქუთაისის ადგილობრივ ბიუჯეტში 526 000 ლარის ცვლილება შევიდა. საბიუჯეტო ცვლილება მიმდინარე წელს 5-ჯერ განხორციელდა.

"ნაციონალური მოძრაობის" ქუთაისის ორგანიზაციაში ადგილობრივი ხელისუფლების მიერ ინფრასტუქტურული პროექტების შეკვეცის ხარჯზე საბიუჯეტო ცვლილებებს აპროტესტებენ.

ბაღდათში საქალაქო გზების რეაბილიტაციისთვის ორჯერ ჩავარდნილი ტენდერის და საგზაო სამუშაოების 2 წლით გაჭიანურებისთვის "ნაციონალური მოძრაობის" ადგილობრივი ორგანიზაცია მუნიციპალიტეტს ადანაშულებს. ოპოზიციის წარმომადგენელთა თქმით, ტენდერში გამარჯვებულ კომპანიას, რომელიც შემდგომში დაჯარიმებული იქნა, მუნიციპალიტეტსა და პარლამენტში ლობირებდნენ.

საუბარია სხვადასხვა დროს ტენდერში გამარჯვებულ ორ კომპანიაზე -  შპს "ტერექსი-XXI" და სს "ერღოკატ მაკედონია ა.ტ.ე.ვ.ე-ს საქართველოს ფილიალიზე" (ნახეთ პირველი ნაწილი)
"დაინტერესდნენ შესაბამისი უწყებები სატენდერო კომისია რა კონკრეტულ კორუფციულ გარიგებებში იყო შესული "ტერექსთან". მაქვს ინფორმაცია ამის შესახებ, რაზეც საკრებულოს და სატენდერო კომისიის თავმჯდომარეები გავაფრთხილე. ასეთი ტიპის გარიგებები ჩემს რეგიონში არ მოხდება," - განაცხადა ელისო ჩაფიძემ.

ტყიბულის მაჟორიტარმა იმერეთის ყოფილ გუბერნატორთან ზაზა მეფარიშვილთან გამართულ შეხვედრაზე გამგეობის წარმომადგენელთა კონკრეტული გვარები დაასახელა, რომლებიც მისი თქმით, "ტერექსთან" გარიგებაში იმყოფებიან. ჩაფიძემ კომპანიის წარმომადგენლის, ადგილობრივი ბიზნესმენის, ლაშა კლდიაშვილისა და პავლე კუბლაშვილის საერთო ინტერესებზეც აღნიშნა.

საჯარო რეესტრის მონაცემების მიხედვით, შპს "ტერექსი-XXI" 2009 წლის 1 ივლისს ქუთაისში დარეგისტრირდა. იმ დროისთვის კომპანიის წილები ამგვარად ნაწილდებოდა - 50%-იან წილს გერონტი ნიკაჭაძე ფლობდა, 40%-ს გიორგი მახარაძე, ხოლო 10% ბორის ბიბილაშვილს ეკუთვნოდა. თუმცა, კომპანიაში წილების მესაკუთრეები პერიოდულად იცვლებოდნენ.

ბაღდათის მუნიციპალიტეტთან ტენდერის გაფორმების დროს კომპანია "ტერექსის" 100%-იანი წილის მფლობელი გიორგი ჯინჭარაძე გახლდათ.

დღეს კომპანია შეცვლილი სახელით აგრძელებს საქმიანობას. 2014 წლის 5 მაისს შპს "ტერექსი-XXI"-ს სახელწოდება შეეცვალა და "ჯავა გრუპი" გახდა. კომპანიის მფლობელების მიერ გაკეთებულ განაცხადში (EN749678) მითითებულია, რომ ცვლილება კომპანიის უფრო ეფექტურად მართვის მიზნით მოხდა.

ცვლილება მესაკუთრეებმაც განიცადეს. პარტნიორთა კრების 2014 წლის 31 დეკემბრის ოქმით ირკვევა, რომ გიორგი ჯინჭარაძემ და ვახტანგ ნათაძემ, მათი კუთვნილი წილები ამჟამინდელ დირექტორს, (100%) დავით გოგოლაშვილს უსასყიდლოდ საკუთრებაში გადაცეს.

აღსანიშანვია, რომ შპს "ტერექსი-XXI" 2014 წლის 25 ნოემბრიდან შავ სიაშია შეყვანილი. კომპანიას ერთი წლის ვადით ტენდერში მონაწილეობის უფლება არ აქვს. მოვალეთა რეესტრის მიხედვით ირკვევა, რომ ფირმას სულ 21 კრედიტორი ყავს.
შავ სიაშია, ასევე, სს "ერღოკატ მაკედონია ა.ტ.ე.ვ.ე-ს საქართველოს ფილიალიც", რომელსაც 1 წლიანი ვადით ტენდერებში მონაწილეობის უფლება 2014 წლის 29 აგვისტოდან შეეზღუდა.

ბერძნული კომპანიის საქართველოს ფილიალი 2012 წლის 24 აპრილს დარეგისტრირდა. მისი მფლობელი საბერძნეთის მოქალაქე პერიკლის სილივანისია.

საბერძნეთში "ერღოკატ მაკედონია" 1996 წელიდან მოქმედებს. იგი ტექნიკური, სავაჭრო, სამრეწველო, ტურისტული და ქვის მომპოვებელი კომპანიაა. ფირმის ძირითადი საქმიანობა ცემენტისა და მზა ბეტონის წარმოებაა. მისი საწესდებო კაპიტალი 1996 წლისთვის 40 000 000 დრაჰმას შეადგენდა, ხოლო 2010 წლისთვის 627 951, 28 ევროს.

ბერძნული კომპანიის ფილიალისა და "ტერექს XXI"-ის მმართველობას შორის კავშირს, რაზეც "ნაციონალური მოძრაობის" წარმომადგენელი მიუთითებდა, გამორიცხავს ბაღდათის მაჟორიტარი დეპუტატი. პაატა კიკნაველიძის თქმით, "ერღოკატ მაკედონიამ" სამუშაოების შესრულება არასწორი მენეჯმენტის გამო ვერ შეძლო.

"ეს არ არის ერთი და იგივე სუბიექტები. ეს ბერძნული კომპანიაა, რომელსაც ქართველი აქციონერი მართავდა. პროფესიით მეგზევე არ იყო ის ადამიანი ვინც კომპანიას მართავდა და ვერც მენეჯმენტი იყო გამართული," - ამბობს პაატა კიკნაველიძე.

ბაღდათის მაჟორიტარის ინფორმაციით, კომპანია "ტერექსი-XXI"-ის საქმე პროკურატურას გადაეცა და გამოძიება გაფლანგვის კუთხით მიმდინარეობს. რა ახალი დეტალები გამოიკვეთა და როგორ მიმდინარეობს გამოძიება, ამის გარკვევა მცდელობის მიუხედავად, პროკურატურასთან შეუძლებელი აღმოჩნდა.

ბაღდათის საკრებულოს თავმჯდომარის ინფორმაციით კი კომპანია "ტერექსი-XXI" ადგილობრივი ბიუჯეტის მიმართ დავალიანებას ეტაპობრივად იხდის.

როგორ და რა პირობებით მოიპოვეს ტენდერში გამარჯვება ზემოთაღნიშნულმა კომპანიებმა და რატომ ვერ შეძლეს ტენდერით გათვალისწინებული პირობების შესრულება, როგორ და სად გაქრა ბაღდათის გზებზე ბიუჯეტიდან გამოყოფილი მილიონები?  - ნახეთ პირველ ნაწილში