ქუთაისიპოსტი

"კურორტის რეაბილიტაციისთვის მოზიდული მილიონობით ლარი წყალში იყრება"

3 კილომეტრიანი გზის რეაბილიტაცია  2018 წელს უნდა დასრულდეს

ქუთაისში განჯის ქუჩის პირველი ჩიხის მოსახლეობის თქმით, საბჭოთა პერიოდის შემდეგ ქუჩის რეაბილიტაცია არ მომხდარა.

თერჯოლის მუნიციპალიტეტში ნავენახევის მღვიმეში ტურისტული ზონის მოწყობა იგეგმება.

ქუთაისის მერიამ "საქართველოს პატრიოტთა ალიანსის" ქუთაისის ორგანიზაციას გაფრთხილება მისცა.

რეაბილიტაცია არ შეეხება შენობის გარეფასადს.

5000 ლარიანი ჯარიმის გამო, ოჯახი შესაძლოა საცხოვრებლის გარეშე დარჩეს

ქუთაისს მუდმივი წყალი,  სავარაუდოდ,  2020 წელს ექნება

ქუთაისში ბაგრატის ტაძრისკენ მიმავალი საფეხმავლო კიბეების რეაბილიტაციას კომპანია "თეგეტა მოტორსი" განახორციელებს.

ქუთაისის ცენტრალურ ნაწილში, ბროსეს ქუჩა მიმდინარე სარეაბილიტაციო სამუშაოების გამო გადაკეტილია.

ქუთაისში იმ ქუჩებს შორის, რომელთა რეაბილიტიაცია მიმდინარე წელს უნდა მოხდეს, ტყიბულის ქუჩის მე-2 შესახვევი არ მოხვდა.

ქუთაისის მერია მიმდინარე წელს ქალაქის მასშტაბით ქუჩების რეაბილიტაციას გეგმავს.

"დაპირება ამ პიროვნებას მივეცი, რომ ხიდს გავაკეთებდი და ბავშვები თავისუფლად შეძლებდნენ სკოლაში სიარულს," - ამბობს გამგებელი.

ნიკეას ქუჩაზე ბორდიულები, გზის გამყოფი გამწვანების ზოლი და გარე განათების ბოძები მოეწყობა.

ყველაზე მეტი ოდენობის თანხა საგზაო ინფრასტრუქტურის მოწესრიგების პროგრამისთვის განისაზღვრა.

ელექტროენერგიის მიწოდება  აბონენტებს 15 ოქტომბერს შეეზღუდებათ.

ამორტიზებული სახლი, ავარიული იატაკი და ყოველი წუთი საფრთხის ქვეშ

ბაღდათში საქალაქო გზების რეაბილიტაციისთვის ორჯერ ჩავარდნილი ტენდერის და საგზაო სამუშაოების 2 წლით გაჭიანურებისთვის "ნაციონალური მოძრაობის" ადგილობრივი ორგანიზაცია მუნიციპალიტეტს ადანაშულებს. ოპოზიციის წარმომადგენელთა თქმით, ტენდერში გამარჯვებულ კომპანიას, რომელიც შემდგომში დაჯარიმებული იქნა, მუნიციპალიტეტსა და პარლამენტში ლობირებდნენ.

საუბარია სხვადასხვა დროს ტენდერში გამარჯვებულ ორ კომპანიაზე -  შპს "ტერექსი-XXI" და სს "ერღოკატ მაკედონია ა.ტ.ე.ვ.ე-ს საქართველოს ფილიალიზე" (ნახეთ პირველი ნაწილი)
"დაინტერესდნენ შესაბამისი უწყებები სატენდერო კომისია რა კონკრეტულ კორუფციულ გარიგებებში იყო შესული "ტერექსთან". მაქვს ინფორმაცია ამის შესახებ, რაზეც საკრებულოს და სატენდერო კომისიის თავმჯდომარეები გავაფრთხილე. ასეთი ტიპის გარიგებები ჩემს რეგიონში არ მოხდება," - განაცხადა ელისო ჩაფიძემ.

ტყიბულის მაჟორიტარმა იმერეთის ყოფილ გუბერნატორთან ზაზა მეფარიშვილთან გამართულ შეხვედრაზე გამგეობის წარმომადგენელთა კონკრეტული გვარები დაასახელა, რომლებიც მისი თქმით, "ტერექსთან" გარიგებაში იმყოფებიან. ჩაფიძემ კომპანიის წარმომადგენლის, ადგილობრივი ბიზნესმენის, ლაშა კლდიაშვილისა და პავლე კუბლაშვილის საერთო ინტერესებზეც აღნიშნა.

საჯარო რეესტრის მონაცემების მიხედვით, შპს "ტერექსი-XXI" 2009 წლის 1 ივლისს ქუთაისში დარეგისტრირდა. იმ დროისთვის კომპანიის წილები ამგვარად ნაწილდებოდა - 50%-იან წილს გერონტი ნიკაჭაძე ფლობდა, 40%-ს გიორგი მახარაძე, ხოლო 10% ბორის ბიბილაშვილს ეკუთვნოდა. თუმცა, კომპანიაში წილების მესაკუთრეები პერიოდულად იცვლებოდნენ.

ბაღდათის მუნიციპალიტეტთან ტენდერის გაფორმების დროს კომპანია "ტერექსის" 100%-იანი წილის მფლობელი გიორგი ჯინჭარაძე გახლდათ.

დღეს კომპანია შეცვლილი სახელით აგრძელებს საქმიანობას. 2014 წლის 5 მაისს შპს "ტერექსი-XXI"-ს სახელწოდება შეეცვალა და "ჯავა გრუპი" გახდა. კომპანიის მფლობელების მიერ გაკეთებულ განაცხადში (EN749678) მითითებულია, რომ ცვლილება კომპანიის უფრო ეფექტურად მართვის მიზნით მოხდა.

ცვლილება მესაკუთრეებმაც განიცადეს. პარტნიორთა კრების 2014 წლის 31 დეკემბრის ოქმით ირკვევა, რომ გიორგი ჯინჭარაძემ და ვახტანგ ნათაძემ, მათი კუთვნილი წილები ამჟამინდელ დირექტორს, (100%) დავით გოგოლაშვილს უსასყიდლოდ საკუთრებაში გადაცეს.

აღსანიშანვია, რომ შპს "ტერექსი-XXI" 2014 წლის 25 ნოემბრიდან შავ სიაშია შეყვანილი. კომპანიას ერთი წლის ვადით ტენდერში მონაწილეობის უფლება არ აქვს. მოვალეთა რეესტრის მიხედვით ირკვევა, რომ ფირმას სულ 21 კრედიტორი ყავს.
შავ სიაშია, ასევე, სს "ერღოკატ მაკედონია ა.ტ.ე.ვ.ე-ს საქართველოს ფილიალიც", რომელსაც 1 წლიანი ვადით ტენდერებში მონაწილეობის უფლება 2014 წლის 29 აგვისტოდან შეეზღუდა.

ბერძნული კომპანიის საქართველოს ფილიალი 2012 წლის 24 აპრილს დარეგისტრირდა. მისი მფლობელი საბერძნეთის მოქალაქე პერიკლის სილივანისია.

საბერძნეთში "ერღოკატ მაკედონია" 1996 წელიდან მოქმედებს. იგი ტექნიკური, სავაჭრო, სამრეწველო, ტურისტული და ქვის მომპოვებელი კომპანიაა. ფირმის ძირითადი საქმიანობა ცემენტისა და მზა ბეტონის წარმოებაა. მისი საწესდებო კაპიტალი 1996 წლისთვის 40 000 000 დრაჰმას შეადგენდა, ხოლო 2010 წლისთვის 627 951, 28 ევროს.

ბერძნული კომპანიის ფილიალისა და "ტერექს XXI"-ის მმართველობას შორის კავშირს, რაზეც "ნაციონალური მოძრაობის" წარმომადგენელი მიუთითებდა, გამორიცხავს ბაღდათის მაჟორიტარი დეპუტატი. პაატა კიკნაველიძის თქმით, "ერღოკატ მაკედონიამ" სამუშაოების შესრულება არასწორი მენეჯმენტის გამო ვერ შეძლო.

"ეს არ არის ერთი და იგივე სუბიექტები. ეს ბერძნული კომპანიაა, რომელსაც ქართველი აქციონერი მართავდა. პროფესიით მეგზევე არ იყო ის ადამიანი ვინც კომპანიას მართავდა და ვერც მენეჯმენტი იყო გამართული," - ამბობს პაატა კიკნაველიძე.

ბაღდათის მაჟორიტარის ინფორმაციით, კომპანია "ტერექსი-XXI"-ის საქმე პროკურატურას გადაეცა და გამოძიება გაფლანგვის კუთხით მიმდინარეობს. რა ახალი დეტალები გამოიკვეთა და როგორ მიმდინარეობს გამოძიება, ამის გარკვევა მცდელობის მიუხედავად, პროკურატურასთან შეუძლებელი აღმოჩნდა.

ბაღდათის საკრებულოს თავმჯდომარის ინფორმაციით კი კომპანია "ტერექსი-XXI" ადგილობრივი ბიუჯეტის მიმართ დავალიანებას ეტაპობრივად იხდის.

როგორ და რა პირობებით მოიპოვეს ტენდერში გამარჯვება ზემოთაღნიშნულმა კომპანიებმა და რატომ ვერ შეძლეს ტენდერით გათვალისწინებული პირობების შესრულება, როგორ და სად გაქრა ბაღდათის გზებზე ბიუჯეტიდან გამოყოფილი მილიონები?  - ნახეთ პირველ ნაწილში

ბაღდათში საქალაქო გზების რეაბილიტაციისთვის ორჯერ ჩავარდნილი ტენდერის და საგზაო სამუშაოების 2 წლით გაჭიანურებისთვის "ნაციონალური მოძრაობის" ადგილობრივი ორგანიზაცია მუნიციპალიტეტს ადანაშულებს. ოპოზიციის წარმომადგენელთა თქმით, ტენდერში გამარჯვებულ კომპანიას, რომელიც შემდგომში დაჯარიმებული იქნა, მუნიციპალიტეტსა და პარლამენტში ლობირებდნენ. ოპოზიციის ბრალდებას ბაღდათის მაჟორიტარი დეპუტატიც და მუნიციპალიტეტის წარმომადგენლებიც აბსურდულს უწოდებენ.

ქუთაისში მოქმედი 38 საჯარო სკოლიდან შენობის რეაბილიტაცია მხოლოდ 6 სკოლაში მოხდა. სკოლებს რეაბილიტაცია 2013-2014 წლებში ჩაუტარდათ, რომლისთვისაც ბიუჯეტიდან 1 197 339 ლარი დაიხარჯა.