ვიდეო
სოფელი წყალტუბოში, სადაც არც სკოლაა და არც საბავშვო ბაღი (ვიდეო)
FaceBook
წყალტუბოდან 4 კილომეტრში მდებარე სოფელ ხომულში მცხოვრებლები, წლებია სკოლისა და საბავშვო ბაღის გახსნას ითხოვენ.
სოფლის ერთადერთი სკოლა დიდი ხნის წინ დაინგრა და ახლა იქ სასაფლაოა, ხოლო ბაღის შენობა ორი წლის წინ აშენდა, რამაც ადგილობრივებს იმედი გაუჩინა, თუმცა, ბაღს არც ერთი დღე არ უფუნქციონირია. ერთსართულიანი შენობა, რომელიც ადგილობრივ ბიუჯეტს 315 675 ლარი დაუჯდა, მიტოვებულია. 



წყალტუბოს ერთ–ერთ ყველაზე დიდ სოფელში, სადაც 2014 წლის აღწერით, 1500 ადამიანზე მეტი ცხოვრობს, ადგილობრივთა თქმით, 20–მდე ბაღის ასაკის ბავშვია, რომლებსაც ყოველდღიურად ქალაქის ცენტრში უწევთ სიარული. სკოლის არარსებობას დიდი ხანია შეეგუენ. თუმცა, მათი თქმით, მცირეწლოვანი ბავშვების ქალაქის ცენტრში ტარება განსაკუთრებით უჭირთ.

"წყალტუბოში დამყავს უფროსი ბიჭები, რომლებიც უკვე სკოლის მოსწავლები არიან და ახლა მესამეც ქალაქის ბაღში შევიყვანე. შიდა ტრანსპორტი დადის, მაგრამ მოუხერხებელი გრაფიკი აქვს, დილით 8 საათზე გადის და 30–40 წუთი ბავშვებს სკოლაში უწევთ ლოდინი ვიდრე ზარი დაირეკება, მეორე გასვლა 10–ის ნახევარზე აქვს და ბაღში გვაგვიანდება. აქ ვინც ცხოვრობს, ძირითადად, ავტომანქანებით დაყავთ ბავშვები, მაგრამ ეს ხარჯებთან არის დაკავშირებული და ყველას არ აქვს ამის შესაძლებლობა", – ამბობს სოფიკო გიორგაძე.



"ქალაქთან ასე ახლოს და ასე მოწყვეტილი სოფელი სხვა არ არის. თან ყველაზე დიდი სოფელია წყალტუბოში. მცირეწლოვანი შვილი მყავს და იძულებული ვარ ქალაქში ვატარო. აქ რომ გაეხსნათ ეს ბაღი, გავიდოდი უცებ, დავტოვებდი ბავშვს და ჩემს საქმეს გავაგრძელბდი სახლში", – ამბობს თამრიკო ფანცხავა.

წყალტუბოს მუნიციპალიტეტის ააიპ ბაგა–ბაღების გაერთიანებაში ამბობენ, რომ 2017 წელს, როცა ბაღი აშენდა, თვითმმართველობის არჩვენების შემდეგ მოსულ ახალ ხელისუფლებას ბაღის ფუნქციონირებისთვის საჭირო თანხა ბიუჯეტში არ დახვდა, თუმცა, როგორც ირკვევა ხარჯები წყალტუბოს მუნიციპალიტეტს არც 2018 წლის ბიუჯეტში გაუთვალისწინებია.

გაერთიანების ხელმძღვანელი, გიორგი იობიძე ამბობს, რომ ამჯერად ბაღის გახსნა გადაწყვეტილია და სკოლამდელი აღზრდის დაწესებულება სოფელ ხომულში სავარაუდოდ, თებერვლიდან დაიწყებს ფუნქციონირებას, თუმცა, უცნობია, როგორ შეავსებს ბაღების ააიპი კონტიგენტს შუა სემესტრში.




FaceBook Twitter
მსგავსი სიახლეები
ქუთაისში, ტაბიძის ქუჩაზე გზის სარეკონსტრქუციო სამუშაოები ერთი
 თვეა განახლდა, თუმცა,
12:47 / 21.08.2019
ქუთაისში, ტაბიძის ქუჩაზე გზის სარეკონსტრქუციო სამუშაოები ერთი  თვეა განახლდა, თუმცა, "ინტენსიური მუშაობის" ნაცვლად, როგორც ამას მერიაში აცხადებენ, ადილზე მისვლისას მხოლოდ ორი მუშა დაგვხვდა. 

ქუთაისის ისტორიული მუზეუმის ყოფილი
შენობა რვა წელია  მიტოვებულია.
15:26 / 13.08.2019

ქუთაისის ისტორიული მუზეუმის ყოფილი შენობა რვა წელია  მიტოვებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
სპეც. მასწავლებლისა და საგნობრივი პედაგოგის პოზიციაზე, ქუთაისში 26 საჯარო სკოლის მიერ  93 ვაკანსიაა გამოცხადებული. 
ვანის არქეოლოგიური მუზეუმის მშენებლობა და მიმდებარე ტერიტორიის სარეკონსტრუქციო სამუშაოები დასკვნით ეტაპზეა.
ბოლო სამი თვის განმავლობაში პოლიციამ სექსუალური შევიწროების 11 ფაქტი გამოავლინა.
შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის პოლიციის დეპარტამენტის ქალაქ ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო ღონისძიებების შედეგად, ძარცვის ბრალდებით 1982 წელს დაბადებული გ. გ. დააკავეს.
ქუთაისის ეთნოგრაფიული მუზეუმის შენობაზე განთავსებული საათი,  რომელიც ორ კვირაზე მეტი გაჩერებული იყო, დღეს ამუშავდა.
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ მემორანდუმი გაფორმდება.
ქუთაისში 26  საჯარო სკოლის მიერ  59 ვაკანსიაა გამოცხადებული მასწავლებლის პოზიციაზე.  
ხონში მცხოვრებმა 12 წლის მარიამ მურღვლიანმა ძალოსნობის ტურნირზე ისევ გაიმარჯვა, რითაც საქართველოს ორგზის ჩემპიონი გახდა.