პოლიტიკა
გაუქმებული ჯავშნები ქუთაისში - თურნავამ იმერეთის ბიზნესმენებთან შეხვედრა გამართა
FaceBook
ეკონომიკის მინისტრმა, ნათია თურნავამ ქუთაისის ტურიზის ცენტრში სასტუმროების წარმომადგენლებთან რუსეთიდან ჯავშნების გაუქმების შედეგად წარმოქმნილ პრობლემებზე შეხვედრა გამართა.

იმერეთში მოქმედმა სხვადასხვა ტუროპერატორებმა და სასტუმროს წარმომადგენლებმა მინისტრს თავიანთი პრობლემები ინდივიდუალურად  გააცნეს. 

სასტუმროს მეპატრონეების უმრავლესობის თქმით, რუსეთიდან ფრენების აკრძალვამ და მოწოდებებმა იმის შესახებ, რომ რუსეთის მოქალაქეებისთვის საქართველოში ყოფნა საფრთხისშემცველია, მძიმე დარტყმა მიაყენა და რუსეთიდან ჯავშნების რაოდენობამ იკლო.

"ამ მოვლენებისა და რუსეთის პრეზიდენტის განცხადების შემდეგ 95% გაგვიუქმდა რუსეთიდან ჯავშნები, რომელიც ივლისისა და აგვისტოს თვეში იყო. ეს დიდი დანაკლისია ჩვენი კომპანიისთვის. ერთ-ერთი მსხვილი ჯავშანი "ალფა ბანკიდან" გვქონდა, 150 კაციანი, რომელიც გაგვიუქმდა პრეზიდენტის განცხადების შემდეგ. სახელმწიფო უწყებას არ აქვს უფლება პრეზიდენტის ასეთი განცხადების შემდეგ ჩამოვიდეს აქ და კონფერენციები გამართოს", - ამბობს ტურისტული კომპანია Check-in Goergia-ს" ერთ-ერთი დამფუძნებელი. 

შეხვედრაზე ისაუბრეს, ასევე, ტურიზმის კუთხით ქუთაისში არსებულ სხვა პრობლემებზეც. 

"2008 წლის შემდეგ ქუთაისში ერთი უბანი არ გარემონტებულა, მოშლილია ინფრასტრუქტურა, არ არსებობს რეკრეაციული ზონა. განვითარება გვინდა ძალიან და თუ თქვენი სურვილიც ეს არის, დაუთმეთ რამდენიმე წელი ქუთაისს და მოგვაქციეთ ყურადღება, რადგან ქალაქის ბიუჯეტი ამ საკითხებს ვერ წვდება ", - ამბობს სასტუმრო "სოლომონის" მენეჯერი, მერაბ გოგონაძე.

შეხვედრაზე მან, ასევე, ქუთაისის საერთაშორისო აეროპორტში მგზავრთა გადაყვანასთან დაკავშირებულ პრობლემაზეც ისაუბრა. მერაბ გოგონაძის თქმით, ქუთაისის აეროპორტიდან ბათუმსა და თბილისში უფრო მარტივად ჩადის ტურისტი, ვიდრე ქუთაისში. მისივე თქმით, ადგილზე ტაქსის მძღოლები ვიზიტორებს ძვირ თანხას ახდევინებენ, ტურისტები კი ამ მიზეზით ქუთაისის მონახულებას, ავტობუსებით თბილისსა ან ბათუმში გამგზავრებას ამჯობინებენ.

ნათია თურნავამ შეხვედრაზე აღნიშნა, რომ ამ საკითხის მარტივად გადაწყვეტა შესაძლებელია და აღნიშნულის პრობლემის გადაწყვეტის პირობა დადო. 

ბიზნესმენებმა შეხვედრაზე ბანკიდან გამოტანილი სესხების პრობლემაც დასვეს. მათი უმეტესობა ამბობს, რომ ბიზნესის დასაწყებად ბანკებიდან სესხები ჰქონდათ გამოტანილი და მთავრობას ამ საკითხში დახმარება სთხოვეს.

ეკონომიკის მინისტრის თქმით, ის მსგავს შეხვედრებს საქართველოს სხვადასხვა რეგიონში მართავს. მისივე თქმით, მას მალე ექნება შეხვედრა პრემიერ-მინისტრ მამუკა ბახტაძესთან, სადაც შეხვედრებზე წამოჭრილ პრობლემს განიხილავენ და მიიღებენ გადაწყვეტილებას, თუ როგორ დაეხმარონ დაზარალებულებს.


ამავე თემაზე:

გაუქმებული ჯავშნები რუსეთიდან - რა ხდება ქუთაისის სასტუმროებში
Print E-mail
FaceBook Twitter
მსგავსი სიახლეები
სამტრედიაში ყოფილი ცოლის
მკვლელობაში ბრალდებულ გიგა აბრალავას გამოძიება შემაკავებელი ორდერის
შეუსრულებლობასაც ედავება.
16:15 / 20.02.2020
სამტრედიაში ყოფილი ცოლის მკვლელობაში ბრალდებულ გიგა აბრალავას გამოძიება შემაკავებელი ორდერის შეუსრულებლობასაც ედავება.
გიგა აბრალავას, რომელმაც
სამტრედიაში, სამოქალაქო  რეესტრის შენობაში ცოლს ყელი გამოჭრა,
წინასწარი პატიმრობა შეეფარდა.
14:18 / 20.02.2020

გიგა აბრალავას, რომელმაც სამტრედიაში, სამოქალაქო  რეესტრის შენობაში ცოლს ყელი გამოჭრა, წინასწარი პატიმრობა შეეფარდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.