ჯანდაცვა
ქუთაისში მოსწავლეთა 70%-ში პათოლოგიები გამოვლინდა
FaceBook
ქუთაისის კერძო და საჯარო სკოლის მოსწავლეთა 70%-ში სქოლიოზისა და ბრტყელტერფიანობის პათოლოგიები გამოვლინდა. 8843 მოსწავლის პროფილაქტიკური კვლევები ქალაქში არსებულმა პოლიკლინიკებმა განახორციელეს, რისთვისაც ადგილობრივი ბიჯეტიდან 20 000 ლარი დაიხარჯა.
დაწყებითი კლასების მოსწავლეებს პროფილაქტიკური გამოკვლევები სხვადასხვა დაავადებების - სქოლიოზის, კრიპტორხიზის, თიაქარის და რეფრაქციის გამოსავლენად ჩაუტარდათ.
"ბავშვმა მითხრა, რომ სკოლაში ექიმმა ტანსაცმელი გახადა და შეამოწმა. თუმცა, ამ შემოწმების შედეგად რა გამოვლინდა, არაფერი უთქვამთ. კარგია ასეთი აქციის მოწყობა, მაგრამ პათოლოგიის შემთხვევაში მკურნალობაშიც შეღავათები რომ იყოს, უკეთესია. მკურნალობა ხომ ძალიან ძვირია," - ამბობს ერთ-ერთი მოსწავლის მშობელი.
მოსწავლეების პროფილაქტიკური გამოკველევის ჩატარებისთვის ქუთაისის მერიამ, გამარტივებული შესყიდვის გზით, ქალაქში მოქმედი 4 პოლიკლინიკა - #4, #3 ბავშვთა, #1 პირველადი ჯანდაცვის ცენტრი და შპს "გგ" შეარჩია.
3300 მოსწავლის ჯანმრთელობა გამოიკვლიეს #1 პირველადი ჯანდაცვის ცენტრის მედიკოსებმა, რაშიც კლინიკამ ბიუჯეტიდან 7316 ლარი მიიღო. ცენტრის ხელმძღვანელი, გიორგი მიმინოშვილი ქუთაისიპოსტთან საუბარში აღნიშნულ პროგრამას დადებითად აფასებს და ამბობს, რომ პროფილაქტიკის შედეგად გამოვლენილ პათოლოგიები, ხშირ შემთხვევაში მშობლების ყურადღების მიღმა რჩებიან, რაც მოგვიანებით სავალალო შედეგით სრუდება.
"პროგრამის შედეგად იმ მიმართულებით მოხდა გამოკვლევები, რასაც ბავშვთა ამ ასაკში საყოველთაო დაზღვევა არ აფინანსებს, ამიტომ ეს მნიშვნელოვანია," - აცხადებს გიორგი მიმინოშვილი.
ქუთაისის მერიის ჯანმრთელობის დაცვის სოციალურ საკითხთა და იძულებით გადაადგილებულ პირთა სამსახურის ინფორმაციით, პროფიკლაქტიკური გამოკვლევები ქალაქის 38 საჯარო და 8 კერძო სკოლის მოსწავლეებს ჩაუტარდათ. I და IV კლასის მოსწავლეებს - ქირურგიასა და ორთოპედიაში, ხოლო V და VI კლასელებს - ოფთალმოლოგიაში.
"სასწავლო წლის ბოლომდე მშობლები მიიღებენ ინფორმაციას გამოვლენილი პათოლოგიების შესახებ და მათ მიეცემათ რეკომენდაცია შემდგომი მკურნალობა ჩაუტარონ ბავშვებს," - აღნიშნა სამსახურის უფროსმა, გია ჩიჯავაძემ.
გამოკვლევების შედეგები მერიის სოციალურ სამსახურს ჯერჯერობით სრულად არ მიუღია. თუმცა, ამ დროსითვის არსებული ინფორმაციით, მოსწავლეთა 70%-ში სქოლიოზისა და ბრტყელტერფიანობის პათოლოგიები გამოვლინდა.
დეა მანაგაძე
Print E-mail
FaceBook Twitter



მსგავსი სიახლეები
პირბადე და დისტანციური თერმომეტრი
ის ატრიბუტებია, რომლებიც პანდემიამ ყოველდღიურობას
შემატა.
09:50 / 12.06.2020
პირბადე და დისტანციური თერმომეტრი ის ატრიბუტებია, რომლებიც პანდემიამ ყოველდღიურობას შემატა.
კლინიკა „ლჯ და კომპანიის“ ადმინისტრაციის გადაწყვეტილებით, ბავშვთა
დაცვის საერთაშორისო დღეს, პროფილაქტილკის მიზნით, უფასო აქცია
გაიმართება.
 
12:45 / 29.05.2019
კლინიკა „ლჯ და კომპანიის“ ადმინისტრაციის გადაწყვეტილებით, ბავშვთა დაცვის საერთაშორისო დღეს, პროფილაქტილკის მიზნით, უფასო აქცია გაიმართება.

 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.