რეგიონი
"5 ბავშვიდან სამი ჩაიჭრა“ - როგორ ჩააბარეს საატესტაციო გამოცდები ბაღდათში მოსწავლეებმა
FaceBook
ბაღდათის მუნიციპალიტეტის 21 საჯარო სკოლიდან საატესტაციო გამოცდები 8 სკოლაში ჩატარდა. ადგილობრივ საგანმანათლებლო რესურსცენტრში განმარტავენ, რომ საატესტაციო გამოცდებზე ბავშვები იმ სკოლებში გადანაწილდნენ, სადაც კომპიუტერული ბაზა მოწესრიგებული იყო.
თუმცა, რამდენმა მოსწავლემ გაიარა გამოცდა ან რამდენმა ვერ გადალახა ზღვარი ამის შესახებ ინფორმაცია არ აქვთ.

"ყველა ინდივიდუალურად რეგისტრირდებოდა, ჩვენი გავლით არ მომხდარა და ამიტომაც არ გვაქვს ამის შესახებ ინფორმაცია", - ამბობს ბაღდათის საგანმანათლებლო რესურსცენტრის უფროსის მოვალეობის შემსრულებლი, ხათუნა ახალაძე.

დაზუსტებული ინფორმაცია ამის შესახებ არც საქართველოს განათლების სამინისტროში აქვთ. უწყებაში ქუთაისიპოსტს განუმარტეს, რომ ამ დროისთვის მხოლოდ სავარაუდო მონაცემი აქვთ. მათი ინფორმაციით, საატესტაციო გამოცდაზე ჩაჭრილ მოსწავლეთა რიცხვი ქვეყნის მასშტაბით 11 ათასამდეა.
"დაზუსტებული მონაცემები და სტატისტიკა მომდევნო კვირისთვის გვექნება", - განმარტავენ განათლების სამინისტროში.

ზურა ტაბეშაძემ საატესტატო გამოცდები ბაღდათის მუნიციპალიტეტის სოფელ წითელხევის ტარიელ კვირიკაშვილის სახელობის N1 საჯარო სკოლაში ჩააბარა.
როგორც თავად ამბობს, მისთვის ყველა გამოცდა თანაბარი სირთულის იყო და ყველაფრის მიუხედავად თავი მაინც კარგად გაართვა.

"ყველაფერმა ძალიან კარგად ჩაიარა, ყველა გამოცდა წარმატებით ჩავაბარე. ჩემი ჯგუფიდან თორმეტი ბავშვი ვაბარებდით და ყველამ დადებითი შედეგი ვაჩვენეთ. პირადად ჩვენთან არანაირი ხარვეზი არ ყოფილა გამოცდების მიმდინარეობისას", - ამბობს ზურა ტაბეშაძე.
ასევე, წარმატებით გაიარა საატესტატო გამოცდები ბაღდათის მუნიციპალიტეტის, სოფელ დიმის N1 საჯარო სკოლის მოსწავლემ, ლინდა მაღლაკელიძემ. თუმცა, ამბობს რომ 23 მოსწავლიდან ზღვარი ხუთმა ვერ გადალახა.

"5 ბავშვიდან სამი ჩაიჭრა ინგლისურში და ორი მათემატიკაში. ჩემთვის უფრო რთული მათემატიკა იყო. გამოცდაზე შესული ყველა ბავშვი დამოკიდებული იყო თავის შესაძლებლობაზე. იმის შანსები, რომ ბავშვები ერთმანეთს დახმარებოდნენ არ ყოფილა. დამკვირვებელი განათლების სამინისტროს წარმომადგენლი და არ ერეოდა საგამოცდო პროცესში. იყო ზომიერად მკაცრი და თავაზიანი. გამოცდების მსვლელობის დროს არანაირი ხარვეზი არ ყოფილა", - ამბობს ლინდა მაღლაკელიძე.

მათემატიკის გამოცდის ჩაბარება გაუჭირდათ ბაღდათის მუნიციპალიტეტის N1 საჯარო სკოლაშიც. ამ სკოლაში საატესტაციო გამოცდა 23-მა მოსწავლემ გაირა. აქედან, ექვსმა ვერ გალახა მინიმალური ზღვარი.

"სიმართლე გითხრათ ყველა გამოცდა ძალიან გამიმარტივდა გარდა მათემატიკისა. თუმცა, ისიც წარმატებით ჩავაბარე. მხოლოდ მე არ ვიყავი ისეთი ვისაც მათემათიკის გამოცდა გაურთულდა. სწორედ ამ საგანში დაიდო ყველაზე ცუდი შედეგი, რადგან ექვსმა ბავშვმა ვერ გადალახა მინიმალური ზღვარი", - ამბობს ანა გველესიანი.

მოსწავლეები განმარტავენ, რომ გამოცდების დროს არანაირი ტექნიკური ხარვეზი არ ყოფილა. რაც შეეხება, ორი საგანის (მათემატიკა და ინგლისური) ტექსტებში სირთულეს, განმარტავენ, რომ საკითხები გავლილი ქონდათ.
"ყველა საკითხი გავლილი და ნასწავლი გვქონდა უბრალოდ, შედარებით რთული საკითხები იყო ტესტებში", - განმარატვენ მოსწავლეები.

მე-12 კლასის მოსწავლეების გამოსაშვებ გამოცდები 24 მაისს დასრულდა. გამოცდების ეროვნული ცენტრის ინფორმაციით, გამოცდებისთვის 48 ათას-ზე მეტი მოსწავლე იყო დარეგისტრირებული.

თეონა წითაძე
Print E-mail
FaceBook Twitter



მსგავსი სიახლეები
15:14 / 11.09.2021
"წარდგენის ჩაშლა სცადეს" - ასე აფასებენ ოპოზიციური პარტიის წევრები დღეს ვანში მომხდარ ინცინდენტს.
ტყიბულში, გიორგი გახარიას პარტიის 
მაჟორიტარობის კანდიდატმა, კლინიკა
11:56 / 10.09.2021
ტყიბულში, გიორგი გახარიას პარტიის  მაჟორიტარობის კანდიდატმა, კლინიკა "თერჯოლამედის" ქირურგმა თენგიზ ჭიქაბერიძემ,  კანდიდატურა მოხსნა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.