„ვხედავთ ჰიბრიდული ენერგეტიკული ომის ნიშნებს“ - პრემიერი „ნამახვანჰესის“ მოწინააღმდეგეებზე

14:24 / 29.03.2021

პრემიერ - მინისტრმა ირაკლი ღარიბაშვილმა, რიონის ხეობაში 105 მეტრიანი კაშხლის მშენებლობის წინააღმდეგ ბრძოლას, ჰიბრიდული ენერგეტიკული ომი უწოდა.

მისი თქმით, მოწინააღმდეგეთა შორის არიან ადამიანები, რომლებიც გულწრფელ პროტესტს გამოხატავენ, თუმცა, მათ არ აქვთ საკმარისი ინფორმაცია, მეორე მხარეს კი დგანან პოლიტიკოსები და უცხო სახელმწიფოს მიერ წახალისებული ადამიანები, რომლებიც ჰიბრიდულ ენერგეტიკულ ომს აწარმოებენ ქვეყნის წინააღმდეგ.

"ის აჟიოტაჟი და ხმაური რაც არის დაწყებული ნამახვანჰესზე, არის აბსოლუტურად გაუგებარი. იქ არის მოსახლეობა, რომელიც გულწრფელად არის ჩართული ამ პროცესში და მინდა გავმიჯნო ერთის მხრივ, ეს გულწრფელად ჩართული ადამიანები და მეორეს მხრივ, პოლიტიკურად ანგაჟირებულები, ზოგიც პოლიტიკოსი და ზოგიც უცხო სახელმწიფოს მიერ წახალისებული, ინსპირირებული მოქალაქეები, რაც არის საგანგაშო. ჩვენ დღეს ვხედავთ ჰიბრიდული ენერგეტიკული ომის გამოკვეთილ ნიშნებს ჩვენი ქვეყნის წინააღმდეგ", - განაცხადა პრემიერმა.

მან რიონის ხეობის მცხოვრებლებს ის ოთხპუნქტიანი გეგმა შეახსენა, რომელიც ეკონომიკის მინისტრმა, ნათია თურნავამ ქუთაისში 12 მარტის ჩაშლილ შეხვედრაზე წარმოადგინა და რომელიც ჰესის მოწინააღმდეგეებისთვის მიუღებელია.

"მინდა იმ მოქალაქეებისთვის განვმარტო, ვინც გულწრფელად წუხს, იმიტომ რომ ინფორმაცია არ აქვს ზოგს და მეტი კომუნიკაციაა საჭირო, რომ კომპანიასთან მივაღწიეთ შეთანხმებას რამდენიმე პუნქტზე. მათ შორის მინდა გამოვყო, პირველი: კაშხლის მშენებლობის სამუშაოები შეჩერდება 9-დან 12 თვემდე და ამაზე კომპანია დავითანხმეთ; კიდევ ერთხელ გადამოწმდება ყველაფერი კარგად, მათ შორის ჩვენი ექსპერტების, უცხოელი სპეციალისტების მოწვევით; შემოწმდება გარემოს ზემოქმედების ეფექტი, არის თუ არა დამაზიანებელი; ასევე, რიონის ხეობის განვითარებისთვის ამ ეტაპზე შეიქმნება 5 მილიონიანი ფონდი. აქვე მინდა განვმარტო, რომ 30 მილიონი უკვე დახარჯული აქვს კომპანიას კომპენსაციებში. ამას გარდა 840 მილიონი დოლარის ინვესტიციას განახორციელებს ნამახვანჰესში. 2000 კაცი დასაქმდება მშენებლობაზე და 4000-ზე მეტი მეგავატი სიმძლავრის ჰესი შეემატება ჩვენს ენერგოსისტემას. დამისახელეთ კომპანია, რომელიც ამ პანდემიის დროს ამხელა ინვესტიციას შემოიტანს ქვეყანაში. ჩვენ ამას ვეწინააღმდეგებით ჩვენივე სურვილით და ვაფერხებთ ამ სამუშაოებს", - განაცხადა ღარიბაშვილმა.

მან ასევე ისაუბრა კომპანია "ენკასთვის" მიწების გადაცემაზე. მისი თქმით, ეს მეთოდი მსოფლიოში აპრობირებულია და ამ საკითხის მიმართ ანტისახელმწიფოებრივი რიტორიკა უნდა შეწყდეს.

"იქ საუბარი იყო ასევე, ტერიტორიების რამდენიმე წლით იჯარით გადაცემაზე. ეს არის მიღებული პრაქტიკა მთელ მსოფლიოში. შესაბამისად, ეს გაუაზრებელი და ანტისახელმწიფოებრივი რიტორიკა, რომელიც ხელს უშლის ჩვენს მეზობელ სახელმწიფოებთან, ჩვენს ინვესტორებთან ურთიერთობას, უნდა შეწყდეს", - განაცხადა ირაკლი ღარიბაშვილმა.

რიონის ხეობაში პროტესტი გრძელდება. ადგილობრივებმა უკვე 155-ე ღამე გაათიეს კარვებში.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს. გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.

ამავე თემაზე:

"ტექნიკა ჯერჯერობით არ მუშაობს"- ხეობის ,,მცველებმა'' ნამოხვანში გადაინაცვლეს

რიონის ხეობის "მცველები" ღამეს ქუთაისის ცენტრში, მანქანებში ათევენ
რიონის ხეობის ,,მცველები'' ნათია თურნავას გადადგომას ითხოვენ

რიონის ხეობის "მცველების" საპროტესტო აქციამ შესაძლოა თბილისში გადაინაცვლოს

ქუთაისში ნამახვანჰესის წინააღმდეგ აქცია დაიწყო

"ნამახვანჰესის“ კაშხლის და წყალსაცავის მშენებლობა იქამდე არ დაიწყება, ვიდრე კვლევების გადამოწმება არ მოხდება"

"ეს არის მოსახლეობის მასხრად აგდება'' - მინისტრებმა ხეობის "მცველებთან" გამართული შეხვედრა დატოვეს

რიონის ხეობაში კომპანია ,,ენკა'' სამუშაოებს აგრძელებს

"დავაკონკრეტოთ პრობლემა რაშია" - ნათია თურნავა ნამახვანჰესის მოწინააღმდეგეებს

რაზე შეთანხმდნენ რიონის ხეობის „მცველები“ და მინისტრები

,,ენკა'' რიონის ხეობაში მუშაობას დროებით აჩერებს

„აუცილებელი პირობაა, რომ შეჩერდეს სამუშაოები“ - რიონის „მცველები“ ხეობაში ჩასულ მინისტრებს

მინისტრები ნამახვანჰესის იმ მოწინააღმდეგეებთან ჩავიდნენ, რომლებმაც შეხვედრაზე უარი თქვეს

რიონის ხეობის "მცველები" მინისტრებთან შეხვედრაზე არ წავიდნენ

ნამახვანჰესის საკითხზე მინისტრები ცაგერში დღეს ჩავლენ

„ჩვენი მხრიდან მშვიდი გარემო უზრუნველყოფილი იქნება“ - შეხვდებიან თუ არა რიონის ხეობის "მცველები" მინისტრებს

„ნამახვანჰესის ხელშეკრულებით სახელმწიფო ინტერესები დათმობილია კერძო კომპანიის სასარგებლოდ“ - EMC

"კარვამდე მაინც მივედით" - ხელჩართული ჩხუბი პოლიციასა და აქტივისტებს შორის (ვიდეო)

ნამახვანჰესის მშენებლობის მოწინააღმდეგეები ხელისუფლებას ულტიმატუმს უყენებენ

ქუთაისში ნამოხვანჰესის მშენებლობის წინააღმდეგ მასშტაბური აქცია მიმდინარეობს
„არასწორ ადგილზე აშენებული ჰესები საფრთხის შემცველია“ - მწერლების მიმართვა ხელისუფლებას

ნამოხვანში, აქციაზე დაკავებულს გირაოს თანხა შეუგროვეს
რიონის ხეობაში ადგილზე, სადაც ჯვარი მოხსნეს, ტექნიკა მუშაობს
პოლიციამ რიონის ხეობაში აქტივისტი დააკავა
"კომპანიის მენეჯერმა უხამსი ჟესტი გვიჩვენა" - ფიზიკური დაპირისპირება რიონის ხეობაში
რიონის ხეობაში ჰესის მშენებლობის მოწინააღმდეგეებმა გზა გადაკეტეს (ვიდეო)
ნამახვანჰესის მშენებლობის მოწინააღმდეგეებს სოფელ ნამოხვანში არ უშვებენ
რიონის ხეობის „მცველები“
"ჯვარი მოთხარეს, ხეობა გაყიდეს" - რიონის ხეობაში პროტესტი გრძელდება
სოფელ ნამოხვანში პოლიციის ძალით მოხსნილი ჯვარი ბაგრატის ტაძარში გადაიტანეს
პოლიცია ნამახვანჰესის მოწინააღმდეგეების კარავის დაშლას ცდილობს (ვიდეო)
დაპირისპირება ნამახვანჰესის მშენებლობაზე (ვიდეო)
გასხვისდა თუ არა რიონის ხეობა 99 წლით - „ენკას“ განმარტება

ავტორი:

მარიამ პატარაია

ავტორის სხვა სტატიები

თეგები: #ირაკლი ღარიბაშვილი #ნამახვანჰესი

მასალის გამოყენების პირობები

ქუთაისიპოსტი

ქუთაისიპოსტი