ახალი ამბები
"მაკდონალდსის" ცენტრალურ ოფისს ქუთაისიდან წერილი, შესაძლოა, აღარ გაუგზავნონ
FaceBook
ქუთაისში მოქმედი არასამთავრობო ორგანიზაციები და პოლიტიკური პარტიები, "მაკდონალდსის" ცენტრალურ ოფისს ერთობლივ მიმართვას, სავარაუდოდ, აღარ გაუგზავნიან. ქუთაისის დემოკრატიული ჩართულობის ცენტრში გამართული შეხვედრა, სადაც ქუთაისის ცენტრში "მაკდონალდსის" ახალი კვების ობიექტის არსებული პროექტი დოკუმენტურად უნდა გაეპროტესტებიათ, შედეგის გარეშე დასრულდა.

დისკუსიაზე კომპანიისთვის გასაგზავნი ტექსტის შინაარსზე მსჯელობაც არ ყოფილა.

დისკუსიის ორგანიზატორი "ევროპა ჩვენი სახლიას" წარმომადგენელი, გია გოქაძე ამბობს, რომ შეხვედრის მიზანი მართალია ვერ შესრულდა, თუმცა, მნიშვნელოვანი იყო ის, რომ პოლიტიკური პარტიები და არასამთავრობო სექტორი ქალაქისთვის მნიშვნელოვან საკითხზე მსჯელობისთვის ერთ მაგიდასთან შეიკრიბა.

"გვინდოდა ერთად დავმჯდარიყავით და საერთო ძალისხმევით გვემოქმედა. მე მქონდა წერილის ჩემი ვარიანტი, მაგრამ აღარ გამივრცელებია, რადგან გვინდოდა ყველა მოსულიყო, ვინც მოვიწვიეთ. ამ რაოდენობითაც შეიძლებოდა დოკუმენტის მიღება, მაგრამ თუ უფრო მეტი ვიქნებოდით, უკეთესი იქნებოდა. შედეგის გარეშე დასრულდა, მაგრამ ვიმსჯელეთ იმაზე, რომ ყველასთვის მიუღებელია ასეთი ფორმით "მაკდონალდსი", ეს არის აქ მთავარი", – ამბობს გია გოქაძე.

დემოკრატიული ჩართულობის ცენტრში გამართულ დისკუსიაზე, პოლიტიკური პარტიებისა და არასამთავრობო ორგანიზაციების წარმომადგენელთა ნაწილმა განაცხადა, რომ "მაკდონალდსის" არსებული პროექტის გაპროტესტება დაგვიანებულია, ნაწილი კი მიიჩნევს, რომ ჯერ კიდევ არის შესაძლებელი მისი არქიტექტურის შეცვლა, თუმცა, როგორი უნდა იყოს "მაკდონალდსის" ახალი კვების ობიექტი იმისთვის, რომ ქალაქის ცენტრალური ნაწილის საერთო იერსახეში ჩაჯდეს, ამის შესახებ შეხვედრაზე არც ერთ მათგანს არ უსაუბრია.


ამავე თემაზე:

ქუთაისის მერიამ "მაკდონალდსის" შესწორებული ესკიზი უკან დააბრუნა

ქუთაისის ცენტრალურ მოედანზე არსებულ საათს სხვა ადგილზე გადაიტანენ


ქუთაისში სასულიერო პირები "მაკდონალდსის" მშენებლობას აპროტესტებენ

გია თევდორაძე ქუთაისში "მაკდონალდსის" მშენებლობაზე – ეს არის უზნეობის გამოვლენა

გოგი წულაია: "მაკდონალდსის" სახით ქუთაისში კიდევ ერთი სიმახინჯე გვექნება

ქუთაისში "მაკდონალდსის" მშენებლობის გამო 112 გამოიძახეს

ქუთაისელები ცენტრალური მოედნიდან ე.წ ქუჩის საათის გადატანაზე – გამოკითხვა (ვიდეო)

Print E-mail
FaceBook Twitter



მსგავსი სიახლეები
19:13 / 27.02.2021
"ქართული ოცნების" დაპირების მიხედვით, ქუთაისს უკვე ხუთი წელია ოლიმპიური სტანდარტების საცურაო აუზი უნდა ჰქონდეს, თუმცა, ჯერ სამუშაოებიც არ დაწყებულა.
ნამახავანჰესის მშენებლობის წინააღმდეგ მორიგი
მასშტაბური აქცია ქუთაისში  28 თებერვალს
გაიმართება.
18:14 / 27.02.2021
ნამახავანჰესის მშენებლობის წინააღმდეგ მორიგი მასშტაბური აქცია ქუთაისში  28 თებერვალს გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.