ახალი ამბები
ქუთაისის მერიამ "მაკდონალდსის" შესწორებული ესკიზი უკან დააბრუნა
FaceBook
ქუთაისის მერიამ "მაკდონალდსის" შენობის იერსახის შესწორებული ვერსია დაიწუნა და კომპანიის წარმომადგენლებს შენიშვნებით დაუბრუნა.

შენობის კორექტირებული ესკიზი "თ და კ კომპანიამ", რომელიც რესტორანს აშენებს, ადგილობრივ თვითმმართველობაში გასულ კვირას წარადგინა.

ქუთაისის მერიის არქიტექტურის სამსახურის უფროსი, ბაქარ ჭეიშვილი ქუთაისიპოსტთან საუბარში აცხადებს, რომ ე.წ. რენდერის სახით წარმოდგენილ ფოტოკოლაჟში მისაღები არ იყო საათის სიმაღლე და კომპანიის წარმომადგენლებს მისი ამაღლების რეკომენდაცია მისცეს.

ასევე, ქუთაისის მერიის მოთხოვნით ამაღლდება პარაპეტები, ხოლო გამწოვი სისტემა ისე უნდა შეიფუთოს, რომ შენობის გარე ფასადზე არ ჩანდეს.

"ის არის ახალი შენობა და ახალი სტილით უნდა ჩაჯდეს. არ უნდა იყოს მოცულობითი. ჩვენი ერთ–ერთი მთავარი მოთხოვნა კი არის, ის რომ იყოს რაც შეიძლება ბევრი სიმწვანე. როდის შემოიტანენ ახალ ვერსიას, ეს უკვე მათ ინტერესში შედის, თუმცა, გვინდა, რომ მაისისთვის დასრულდეს, რადგან რაგბის ჩემპიონატი იწყება და ბევრი ტურისტი იქნება ქალაში, რომლებსაც არჩევანის საშუალება უნდა ჰქონდეთ",–აცხადებს ბაქარ ჭეიშვილი.

მისივე თქმით, შენობა ორსართულიანი იქნება. რაც შეეხება ე.წ. მაკ დრაივს, ბაქარ ჭეიშვილის განმარტებით, კომპანიის წარმომადგენლები ამ საკითხზე საპატრულო პოლიციასთან უნდა შეთანხმდნენ.

"მაკდონალდსის" ახალი შენობის იერსახე კულტურული მემკვიდრეობის ეროვნულმა სააგენტომაც დაიწუნა და ქუთაისის მერიას მისი შეცვლის რეკომენდაციით მიმართა.

ქუთაისის ცენტრში "მაკდონალდსის" ახალი კვების ობიექტის მშენებლობას ადგილობრივთა ნაწილი არ ეთანხმება. მათთვის მიუღებელია არა მხოლოდ შენობის იერსახე, არამედ, მისი მშენებლობის ადგილიც.

მიუხედავად იმისა, რომ მშენებლობის პროექტი  ამ დრომდე არ არსებობს, ადგილზე მოსამზადებელი სამუშაოები დაწყებულია.

Print E-mail
FaceBook Twitter



მსგავსი სიახლეები
რიონის ხეობის
10:09 / 12.04.2021
რიონის ხეობის "მცველებმა", რომლებსაც პოლიციამ სოფელ ნამოხვანში კარვები დაუშლა, პროტესტის 169-ე ღამე სოფელ გუმათში გაათენეს.
მდინარე რიონში მესამე დღეა ახალგაზრდა მამაკაცს
ეძებენ, რომელიც 10 აპრილს მდინარეში გადახტა.
09:17 / 12.04.2021
მდინარე რიონში მესამე დღეა ახალგაზრდა მამაკაცს ეძებენ, რომელიც 10 აპრილს მდინარეში გადახტა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.