ახალი ამბები
პროტესტის მესამე ღამე რუსული კანონის გასაპროტესტებლად
FaceBook
რუსული კანონის წინააღმდეგ მოქალაქეების მშვიდობიანი პროტესტი, გუშინ, 17 აპრილს, თითქმის მთელი ღამის განმავლობაში გრძელდებოდა.
ადგილზე რიგითი მოქალაქეები, სამოქალაქო აქტივისტები და პოლიტიკური პარტიების წარმომადგენლები იყვნენ შეკრებილები და სკანდირებენ: "არა რუსულ კანონს" , "საქართველო ევროპაში".

აქციის მონაწილეებმა ხელისუფლებას კანონპროექტის გასაწვევად 22:30 საათამდე მისცეს ვადა, მოგვიანებით კი, დემონსტრაციის ნაწილმა მთავრობის ადმინისტრაციასთან გადაინაცვლა.

ისინი პრემიერ-მინისტრს რუსული კანონის გაწვევას და აქციაზე დაკავებულების გათავისუფლებას სთხოვდნენ. ამასთან, პოლიტიკურმა ლიდერებმა ირაკლი კობახიძესთან შეხვედრა მოითხოვეს, თუმცა კობახიძე ადმინისტრაციის შენობიდან არ გამოსულა.

აქციის მიმდინარეობისას, წუხელ, ადმინისტრაციული წესით, კიდევ ორი ადამიანი დააკავეს. ამასთან, კადრებში ჩანს, რომ პოლიციელებმა აქციაზე მანქანაში ძალის გამოყენებით ჩასვეს და ტერიტორიიდან გაიყვანეს "მოქალაქეების" ლიდერი ალეკო ელისაშვილი, რომლის თქმითაც, სამართალდამცავებმა ის სცემეს და ნეკნი აქვს მოტეხილი.

დღეს, 18 აპრილს, რუსული კანონის წინააღმდეგ ფართომასშტაბიანი პროტესტის მეოთხე დღეა. ონლაინმედიის ჟურნალისტებს და მათ, ვინც არ არის მიწვეული „შესაბამისი სტრუქტურული ერთეულების მიერ“,  საკანონმდებლო ორგანოში არც დღეს შეუშვებენ.

საქართველოს პარლამენტში, რომლის უმრავლესობას კანონპროექტი პირველი მოსმენით უკვე მიღებული აქვს, დღეს 11:45 საათზე ბიუროს სხდომაა დანიშნული, ხოლო 12:00 საათიდან პლენარული სხდომა უნდა დაიწყოს.

საერთაშორისო პარტნიორების რჩევის, მოქალაქეთა პროტესტისა და ოპოზიციის წინააღმდეგობის მიუხედავად, საქართველოს პარლამენტის უმრავლესობამ რუსული კანონი პირველი მოსმენით 17 აპრილს მიიღო. მას მხარი 83-მმა დეპუტატმა დაუჭირა.

„უცხოური გავლენის გამჭვირვალობის შესახებ“ კანონპროექტი, რომელიც ფრაქცია "ქართული ოცნების" სახელით არის რეგისტრირებული, შინაარსით გასულ წელს ინიცირებული და საპროტესტო აქციების შედეგად გაწვეული პროექტის ანალოგიურია.

კანონპროექტის მიხედვით, ორგანიზაციებს, რომლებიც დაფინანსების 20%-ზე მეტს უცხოეთიდან იღებენ „უცხოური ძალის ინტერესების გამტარებლის“ სტატუსი მიენიჭებათ. კანონპროექტი უცხოური ძალის ინტერესების გამტარებელ ორგანიზაციად რეგისტრაციის ვალდებულებას ადგენს, რომლის დარღვევისთვის ფინანსური სანქციებია გათვალისწინებული.

ანალოგური შინაარსის კანონი რუსეთშიც მოქმედებს, რაც დამოუკიდებელი მედიასაშუალებებისა და საზოგადოებრივი ორგანიზაციების ფაქტობრივი გაქრობის მიზეზი გახდა.

ამ კანონს, რომლის მიზანიც ქვეყანაში დასავლური დაფინანსების მქონე ორგანიზაციების დისკრედიტაცია და შეზღუდვაა, საქართველოში არაერთი საზოგადოებრივი ჯგუფი ეწინააღმდეგება. ამასთან, წინააღმდეგია აშშ, ევროკავშირი და არაერთი დასავლური ორგანიზაცია.

ფოტო: რადიო თავისუფლება
Print E-mail
FaceBook Twitter
მსგავსი სიახლეები
საქართველოს მთავრობა, რაჭაში, 4,2 მლნ. ლარის ღირებულების კლიმატური
მდგრადობის უზრუნველყოფის სამუშაოებს მსოფლიო ბანკის
ფინანსური მხარდაჭერით ახორციელებს.
16:56 / 27.05.2024
საქართველოს მთავრობა, რაჭაში, 4,2 მლნ. ლარის ღირებულების კლიმატური მდგრადობის უზრუნველყოფის სამუშაოებს მსოფლიო ბანკის ფინანსური მხარდაჭერით ახორციელებს.
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, 27 და 28 მაისს, დასავლეთ
საქართველოში, მაღალი ტემპერატურა, 30-დან 32 გრადუსი დაფიქსირდება.
11:22 / 27.05.2024
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, 27 და 28 მაისს, დასავლეთ საქართველოში, მაღალი ტემპერატურა, 30-დან 32 გრადუსი დაფიქსირდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.