ახალი ამბები
ცენტრალური ბულვარის სამუშაოების დასრულების ვადა ცნობილია, პროექტი კი ჯერ მზად არ არის
FaceBook
ქუთაისში, ცენტრალური ბულვარი სარეაბილიტაციოდ ისე შემოღობეს, რომ რეკონსტრუქციის პროექტი ჯერ არ არსებობს.

ამის შესახებ “ქუთაისიპოსტის” მიერ მუნიციპალური განვითარების ფონდიდან გამოთხოვილ საჯარო ინფორმაციაშია მითითებული.

„რაც შეეხება იმ საკითხს, პარკის თუ რომელ მონაკვეთში იქნება მულტიფუნქციური შეხვედრების ადგილი, გაცნობებთ, რომ, ამ დროისთვის, მიმდინარეობს საპროექტო-სახარჯთაღრიცხვო დოკუმენტაციის მომზადება, შესაბამისად, აღნიშნული ჯერ განსაზღვრული არ არის“, - მოგვწერეს ჩვენს მიერ გაგზავნილი შეკითხვის საპასუხოდ, თუ რა მონაკვეთზე უნდა მოეწყოს მულტიფუნქციური შეხვედრების ადგილი ბულვარში. 

ეს კი იმას ნიშნავს, რომ ცენტრალური ბულვარის რეკონსტრუქციის პროექტის მომზადებაზე ახლა მუშაობენ. სამაგიეროდ, იციან, რომ დაახლოებით 15 მილიონამდე უნდა დაიხარჯოს მისი  რეკონსტრუქციისთვის. 

აღსანიშნავია, რომ ჯერ არ არსებული სამშენებლო პროექტის მიხედვით, რეკონსტრუქცია წლის ბოლოსთვის უნდა დასრულდეს. 

ქუთაისის  ცენტრალური ბულვარის რეკონსტრუქციას მუნიციპალური განვითარების ფონდი ახორციელებს, სამუშაოებს კი შპს „დაგი" შეასრულებს, რომელმაც პარკის კეთილმოწყობისთვის გამოცხადებულ ტენდერში [NAT220025121] გაიმარჯვა. 

სატენდერო დოკუმენტაციის თანახმად, სამუშაოები გასულ წელს უნდა დაწყებულიყო, თუმცა როგორც მგფ-ში განმარტავდნენ, ბაღში განთავსებული ნაგებობის, (კაფე-ბარ ,,სავანეს’’) გამო ვერ ხერხდებოდა, რის შედეგადაც საქმეში მერიაში ჩაერია და საქალაქო სასამართლოში განხორციელებული დავების შედეგად, უკვე გასული წლის 27 დეკემბერს ,,სავანე’’ დაანგრია.

ქალაქის ცენტრალური ბულვარის რეკონსტრუქცია 2018 წელს, ქალაქის მაშინდელი მერის გიორგი ჭიღვარიას დაპირება იყო. დაპირებიდან ერთი წლის შემდეგ, მერიამ ბულვარის რენდერ ვერსია ფეისბუკის ოფიციალურ გვერდზე გამოაქვეყნა, სადაც მოქალაქეებს მათ მიერ მოწონებული ესკიზისთვის ხმა უნდა მიეცათ, თუმცა პროექტის საბოლოო ვარიანტის შემუშავება არ მოხდა.

რატომ ჩაიშალა ბულვარის რეაბილიტაცია წლების წინ - "ქუთაისიპოსტის" მასალა ნახეთ აქ.

ქუთაისის ცენტრალური ბაღი 1821 წელს გაშენდა. ის მუშტაიდის პარკის შემდეგ, სიძველით, მეორეა მთელს ამიერკავკასიაში. ბულვარში სარეკონსტრუქციო სამუშაოები ეტაპობრივად ხორციელდებოდა, თუმცა, მისი არსებობის განმავლობაში, სრული რეკონსტრუქცია არ მომხდარა.


ამავე თემაზე:

ქუთაისის ცენტრალური ბულვარის სარეკონსტრუქციო სამუშაოები დაიწყო

"ქუთაისის ცენტრალური ბაღის რეკონსტრუქცია იწყება და პროექტი ჯერ არ გასაჯაროვებულა’’

"სამუშაოების დასაწყებად დავალება არ გაცემულა" - ქუთაისის ბულვარის რეკონსტრუქციის თარიღი კვლავ უცნობია

რამდენიმეწლიანი დაპირების შემდეგ ქუთაისის ცენტრალური ბულვარის რეკონსტრუქცია იწყება
Print E-mail
FaceBook Twitter
მსგავსი სიახლეები
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ, 17 აპრილს, თითქმის მთელი ღამის განმავლობაში გრძელდებოდა.
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით გამოეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.