ახალი ამბები
ხუთწლიანი დაპირების შემდეგ ქუთაისის ბულვარის რეკონსტრუქციისთვის ტენდერი გამოცხადდა
FaceBook
ქუთაისის ცენტრალური ბულვარის ხუთი წლის წინ დაანონსებული რეაბილიტაცია მიმდინარე წელს დაიწყება.


ბაღის რეკონსტრუქციისთვის საჭირო საპროექტო-სახარჯთაღრიცხვო დოკუმენტაციის მომზადების მიზნით, საქართველოს მუნიციპალური განვითარების ფონდმა სახელმწიფო შესყიდვა (NAT220007680) გამოაცხადა, რომელზეც წინადადების მიღება ხვალ, 5 მაისს დაიწყება.

სატენდერო დოკუმენტაციის მიხედვით, სამუშაოების ღირებულება (საპროექტო ხარჯთაღრიცხვა და შემდეგ რეაბილიტაცია) 13 500 000 ლარს შეადგენს, თუმცა, გამოცხადებული ტენდერის პრეისკურანტის სავარაუდო ღირებულება 308 002 ლარია.

ტენდერის გზით გამარჯვებულმა კომპანიამ, ქალაქის ცენტრალური ბაღის და მის მიმდებარედ შენობების (დაზუსტებული არ არის რომელ შენობებზეა საუბარი) დეტალური საპროექტო-სახარჯთაღრიცხვო დოკუმენტაცია უნდა მოამზადოს.

ქალაქის ცენტრალური ბულვარის რეკონსტრუქცია 2018 წელს, ქალაქის მაშინდელი მერის გიორგი ჭიღვარიას დაპირება იყო. მერიას დაპირებიდან ერთი წლის შემდეგ ჰქონდა მისი განხორციელების მცდელობა, სადაც ცენტრალური ბაღის დიზაინის შერჩევაზე საზოგადოებას უნდა ემსჯელა. მერიამ ბულვარის რენდერ ვერსია ფეისბუკის ოფიციალურ გვერდზეც გამოაქვეყნა, სადაც მოქალაქეებს მათ მიერ მოწონებული ესკიზისთვის ხმა უნდა მიეცათ, თუმცა, პროექტის საბოლოო ვარიანტის შემუშავება არ მოხდა.

ნახეთ ქუთაისის ცენტრალური ბულვარის მაშინდელი ესკიზი.

რატომ ჩაიშალა ბულვარის რეაბილიტაცია წლების წინ  "ქუთაისიპოსტის"  მასალა ნახეთ აქ.

ქუთაისის ცენტრალური ბაღი 171 წლისაა. ბულვარში ეტაპობრივად ხორციელდებოდა სარეკონსტრუქციო სამუშაოები, თუმცა, მისი არსებობის განმავლობაში, სრული რეკონსტრუქცია არ მომხდარა.

Print E-mail
FaceBook Twitter
მსგავსი სიახლეები
საქართველოს ევროკავშირთან დაახლოებას მოაქვს სურსათის უვნებლობის
სახელმწიფო კონტროლის ეფექტიანი სისტემა;
11:39 / 15.07.2024
საქართველოს ევროკავშირთან დაახლოებას მოაქვს სურსათის უვნებლობის სახელმწიფო კონტროლის ეფექტიანი სისტემა;
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, 17 ივლისამდე, დასავლეთ
საქართველოში, ცხელი და უნალექო ამინდია მოსალოდნელი.
10:40 / 15.07.2024
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, 17 ივლისამდე, დასავლეთ საქართველოში, ცხელი და უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.