ახალი ამბები
თეთრ ხიდს, შესაძლოა, რეაბილიტაცია ისევ ჩაუტარდეს
FaceBook
თეთრ ხიდზე, რომელიც მისი რეაბილიტაციის დღიდან არაერთხელ დაზიანდა, ზამთარში კი მასზე გადაადგილება სიცოცხლისთვის საშიშია, შესაძლოა, საფარი შეიცვალოს.

სამ წელიწადში ისტორიული ხიდის განმეორებით რეაბილიტაციაზე ქალაქის მერი სოსო ხახალეიშვილი ალაპარაკდა.  საკრებულოს სხდომაზე მერმა თქვა, რომ თეთრი ხიდი საზოგადოებაში ქილიკის მიზეზი აღარ უნდა იყოს. 

"თეთრი ხიდის იმდროინდელი რეაბილიტაცია იყო ძალიან თამამი და წინ გადადგმული ნაბიჯი.  მე  ვფიქრობ, რომ ის თემა და ქილიკი, რომელიც მოჰყვება თოვლის გაწმენდა - არგაწმენდას, უნდა დასრულდეს. არ ვიცი კანონი რამდენად მოგცემს იმის შესაძლებლობას, რომ რეაბილიტაცია ჩავატაროთ, რადგან მისი რეაბილიტაციიდან სულ რამდენიმე წელია გასული. ფაქტია, რომ რაღაც უნდა მოვიფქროთ ყველამ ერთად, იმიტომ,  რომ ამ ხიდის მომავლის პასუხისმგებლობა ერთობლივადაა მისაღები. მოკლედ, დეტალები გასავლელია და გადაწყვეტილება მისაღებია", - განაცხადა ქალაქის მერმა. 


თეთრ ხიდზე, რომელსაც მასშტაბური რეკონსტრუქცია 2018 წელს ჩაუტარდა, მალევე დაზიანდა ზედაპირი, არაერთხელ დაიბზარა შუშები, თოვლის დროს კი,  მოცურების საფრთხის გამო, მასზე გადაადგილება შეუძლებელია.


ისტორიული ხიდის სამუშაოები ადგილობრივ ბიუჯეტს 435 997 ლარი დაუჯდა. საბოლოოდ, ხიდის არც ვიზუალი და არც შესრულებული სამუშაოების ხარისხი აღმოჩნდა მისაღები. ქუთაისის მერიასა და სამუშაოების  შემსრულებელ კომპანია "ალმა-რუსს"  შორის, 2018 წელს დაწყებული დავა დღემდე გრძელდება. მერია კომპანიას ხელშეკრულების შეუსრულებლობას  ედავება, რის გამოც, "ალმა-რუსს" ჯარიმა ერთხელ უკვე დაერიცხა.




Print E-mail
FaceBook Twitter
მსგავსი სიახლეები
ქუთაისში, მოქალაქეებს ტრანსპორტით მგზავრობის გაძვირებული ტარიფის
გადახდა უკვე 10 დღეში მოუწევთ.
12:29 / 03.02.2023
ქუთაისში, მოქალაქეებს ტრანსპორტით მგზავრობის გაძვირებული ტარიფის გადახდა უკვე 10 დღეში მოუწევთ.
ორთვიანი მსჯელობის შემდეგ, ქუთაისის მერიამ
ტრანსპორტით მგზავრობის გაძვირების შესახებ გადაწყვეტილება მაინც
მიიღო.
10:24 / 03.02.2023
ორთვიანი მსჯელობის შემდეგ, ქუთაისის მერიამ ტრანსპორტით მგზავრობის გაძვირების შესახებ გადაწყვეტილება მაინც მიიღო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.