ახალი ამბები
„დახვეწილი არამზადები ხომ არიან? აი ამას ნუ კადრულობთ“ - მეუფე იოანე „ქუთაისიპოსტის“ ჟურნალისტს
FaceBook
ქუთაის-გაენათის ეპარქიის წინამძღოლი მეუფე იოანე, მის მიერ პანაღიას მითვისების შესახებ ბრალდებაზე, ქუთაისიპოსტის ჟურნალისტის შეკითხვამ გააღიზიანა.

მიტროპოლიტმა ჟურნალისტი ეთიკის ნორმების დარღვევაში დაადანაშაულა და უთხრა, რომ "დახვეწილი არამზადების" მსგავსად არ უნდა მოიქცეს.

"თქვენ ასე უტიფრად რატომ მელაპარაკებით? დახვეწილი არამზადები ხომ არიან? აი ამას ნუ კადრულობთ. ადამიანმა იცის სახელები და სანამ არ მივაწექი, უხეშად რომ ვთქვათ, არ გამოთქვა. ჟურნალისტებს ეთიკაც ევალებათ, თქვენ ეთიკას არღვევთ",
- უთხრა ჟურნალისტს იოანე გამრეკელმა.

მას პანაღიას შესახებ ბრალდება არ უარუყვია, თუმცა, თქვა, რომ პანაღია, რომელიც სამმა პირმა მღვდელმთავრობიდან გადაყენებული ჭყონდიდის მიტროპოლიტ პეტრე ცაავასთვის შეუკვეთა, დამკვეთებს არ ეკუთვნის.

"ვისთვისაც იყო გამზადებული ეს პანაღია, ის იყო გადაყენებული მსახური და ეს მას არ ეკუთვნოდა. მე ვუთხარი მათ (დამკვეთებს), ჩემი თუ არ გჯერათ, რომ ეს არ ეკუთვნის მას, მე ვკითხავ პატრიარქსთქვა. პასუხი ასეთია - ახლა არ ეკუთვნის და როცა დაბრუნდება მეუფე პეტრე და აღუდგება მღვდელმსახურება, მაშინ დაუბრუნდება ეს პანაღია. პანაღია ინახება, მოლოდინი არის, რომ მეუფე პეტრე შეინანებს თავის საქციელს და დაბრუნდება ეკლესიაში", - განაცხადა მეუფე იოანემ.

შეკითხვაზე ვისთან არის ახლა პანაღია, მეუფე პასუხობს:

"თქვენ გამომძიებელი ხართ? პროკურორი ხართ? რა კითხვაა ეს? გითხარით, ინახება ეს პანაღია მოლოდინში და ვის ხელშია, არ აქვს მნიშვნელობა. არავინ არ სარგებლობს ამ პანაღიით, არავინ არ იკეთებს, ის ელოდება თავის პატრონს".

მეუფე იოანე არ უარყოფს, რომ პანაღიას შემკვეთებს თანხაც შესთავაზა, თუმცა, ამბობს, რომ მათ არ უნდათ ფულის აღება, რადგან ასეთ შემთხვევაში პანაღია მათი აღარ იქნება.

"არც ფულს იღებენ და არც ჩერდებიან. მაშინ ვინაა მართალი? ვინც საეკლესიო და საერო სამართალზე თანახმაა, თუ ვინც ორივე უგულებელყო?


ქუთაის-გაენათის ეპარქიის მიტროპოლიტი იოანე გამრეკელი ეკლესიასთან დაახლოებულმა პირებმა პანაღიას (მღვდელმთავრის შესამოსელის ნაწილი), მითვისებაში დაადანაშაულეს. მათი თქმით, მეუფემ ჭყონდიდელი მიტროპოლიტის პეტრესთვის (ცაავა) საჩუქრად გადასაცემად გამზადებული პანაღია მიითვისა და დამკვეთებს არ უბრუნებს.



ამავე თემაზე:



Print E-mail
FaceBook Twitter
თეგები: #მეუფე იოანე
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.