ახალი ამბები
ნამახვანჰესის საწინააღმდეგო აქციაზე პედაგოგებს წასვლას უკრძალავენ
FaceBook
რიონის ხეობაში, ნამახვანჰესის მშენებლობის საწინააღმდეგო აქციაზე საჯარო სკოლის მასწავლებლებს წასვლას უკრძალავენ.
ამის შესახებ "ქუთაისიპოსტს" ცაგერის მუნიციპალიტეტის ერთ-ერთი სკოლის მასწავლებელი უყვება, რომელსაც სკოლის დირექტორმა უთხრა, რომ აქციაზე არ წასულიყო.

"სკოლის დირექტორმა მითხრა, რესურსცენტრიდან გაფრთხილება მივიღე მასწავლებლები ნამახვანჰესის მშენებლობის საწინააღმდეგო აქციაზე არ უნდა წავიდნენ და სოციალურ ქსელში რიონის ხეობის მცველების მხარდასაჭერი კომენტარების წერისგანაც თავი შეიკავონო. დირექტორები, თავის მხრივ, რესურსცენტრის ხელმძღვანელს თათბირზე გაუფრთხილებიათ", - უყვება "ქუთაისიპოსტს" მასწავლებელი, რომლის იდენტიფიცირებას მისივე თხოვნით არ ვახდენთ.

ის ამბობს, რომ ამ გაფრთხილების მიუხედავად აქციაზე მაინც წავიდა.

"მაინტერესებს რა მოხდება, გამიშვებენ თუ არა სკოლიდან".

რატომ არ უნდა წავიდნენ მასწავლებლები საპროტესტო აქციაზე და ვისგან მიიღო მითითება, ამის გასარკვევად "ქუთაისიპოსტი" ცაგერის რესურსცენტრის ხელმძღვანელს ირაკლი სილაგაძეს დაუკავშირდა. თუმცა, მან ჩვენთან სატელეფონო საუბარში უარყო, რომ დირექტორები გააფრთხილა.

"ადამიანის ნება არის თავისუფალი, მასწავლებლები არიან დამოუკიდებლები, თუ უნდათ წავლენ თუ არა, არ წავლენ, მსგავსი აკრძალვა არ ყოფილა", - ამბობს ის.

რიონის ხეობის მცველებს მხარდაჭერას საქართველოს სხვადასხვა კუთხიდან უცხადებენ. მათ შორის არის ცაგერის მუნიციპალიტეტის მოსახლეობა.

მოძრაობა "რიონის ხეობის გადარჩენისთვის" წევრები ხეობაში გიგანტური ჰესების მშენებლობას 175-ე დღეა აპროტესტებენ.

ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.


Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.