ახალი ამბები
ამავე თემაზე:
ქუთაისში აქციის მონაწილეებსა და პოლიციას შორის დაპირისპირება მოხდა
15:08 / 09.03.2021
ქუთაისის მერიის წინ შეკრებილ
აქტივისტებსა და სამართალდამცავებს შორის დაპირისპირება მოხდა.
აქციის მონაწილეები ჯერ ქალაქის მერთან, სოსო
ხახალეიშვილთან შეხვედრას ითხოვნდნენ. უარის შემდეგ მათ მერიის
შენობის წინ წარწერების დატოვება სცადეს, რისი უფლებაც პოლიციამ არ
მისცა.
"გვინდოდა ბატონი მერისთვის გვეკითხა, არის თუ
არა ბერა ივანიშვილი მანიაკი. მერი არ შეგვხვდა, რის შემდეგაც
გადავწყვიტეთ იგივე ტექსტი დაგვეწერა ასფალტზე, რისი უფლებაც პოლიციამ
არ მოგვცა", - ამბობს აქციის ერთ-ერთი მონაწილე.
ქუთაისის მერიის წინ საპროტესტო აქცია ბერა
ივანიშვილსა და ირაკლი ღარიბაშვილს შორის სატელეფონო ჩანაწერის
გამოქვეყნებას მოჰყვა.
ტელეკომპანია
“პირველის” მიერ 6 მარტს გავრცელებულ ჩანაწერებში, სავარაუდოდ,
საუბარია იმ ადამიანების სხვადასხვა ფორმით დასჯასა და ბოდიშის მოხდის
იძულებაზე, რომლებმაც სოციალურ ქსელებში ბერა ივანიშვილის მიმართ
უარყოფითი/უცენზურო კომენტარები დაწერეს. მისივე ცნობით, აღნიშნულ
პროცესებთან დაკავშირებით ბერა ივანიშვილი კონსულტაციებს გადის როგორც
ანზორ ჩუბინიძესთან, ისე ირაკლი ღარიბაშვილთან.
ჩანაწერების
გავრცელებიდან მეოთხე დღეს პროკურატურამ განაცხადა, რომ გამოძიება
მხოლოდ ფარული ჩანაწერების მოპოვება-გავრცელებაზე
დაიწყო.
“საქართველოს გენერალურ პროკურატურაში საჯაროდ
გავრცელებული ფარული ჩანაწერების საფუძველზე, გამოძიება დაიწყო კერძო
საუბრის უნებართვო ჩაწერის ან/და მიყურადების, ასევე კერძო
კომუნიკაციის ჩანაწერის, ტექნიკური საშუალებით მოპოვებული ინფორმაციის
უკანონოდ გამოყენებისა და გავრცელების ფაქტებზე, საქართველოს სისხლის
სამართლის კოდექსის 158-ე მუხლის 1-ლი და მე-2 ნაწილებით
გათვალისწინებული დანაშაულის ნიშნებით.
საქმეზე მიმდინარე გამოძიების ფარგლებში,
ჩატარდება ყველა საჭირო საგამოძიებო და საპროცესო მოქმედება ჩანაწერის
მოპოვების და გავრცელების კანონიერების დასადგენად. გავრცელებული
ჩანაწერების ავთენტურობის დადგენის მიზნით დაინიშნება შესაბამისი
ექსპერტიზები. გამოძიების შედეგების შესახებ ეცნობება საზოგადოებას” –
აცხადებენ უწყებაში.
ამავე თემაზე:
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები