ახალი ამბები
"მერია ჯერ გაურიგდა კომპანიას და ახლა ხელშეკრულებას უწყვიტავს " - გიგა შუშანია
FaceBook

ქუთაისის საკრებულოს  „ნაციონალური მოძრაობის"  დეპუტატი,  გიგა შუშანია  ქუთაისის მერიას კომპანია "ჯეო სერვისთან " კორუფციულ გარიგებაში ადანაშაულებს.

გიგა შუშანიას თქმით,  მერიამ "ჯეო სერვისს",  რომელმაც ტაბიძის ქუჩაზე სამუშაოები მიატოვა,  ჯერ ტენდერში გამარჯვებია, ახლა კი ხელშეკრულების გაწყვეტით ემუქრება.


ოპოზიციონერი დეპუტატი  მიიჩნევს, რომ სინამდვილეში ქალაქის ხელისუფლება იმ სიტუაციიდან ცდილობს გამოსავლის პოვნას, რომელშიც თავისივე დაუდევრობით აღმოჩნდა.


„ქუთაისის მერი კვლავ აგრძელებს თავის  ტრადიციას და  ცდილობს თავისი მავნებლობა და დანაშაულებრივი საქმიანობა გადაფაროს ტყუილებით.  ამჯერადაც,  საქმე გვაქვს დაუდევრობასთან  და კორუფციულ სქემასთან. მერიამ ტაბიძის ქუჩაზე გამოცხადებულ  ტენდერში შეგნებულად მიუთითა მცირე ვადები და  თანხა, რომ ამ კონკრეტულ კომპანიას მოეგო.  კომპანიამ უკვე წინასწარ იცოდა, რომ მერია ეტაპობრივად თანხასაც დაუმატებდა და ვადებსაც გაუზრდიდა.  თავიდან სამუშაოებისთვის  ორთვიანი ვადა განისაზღვრა, შემდეგ კი 7 აგვისტომდე გადაუწიეს სამუშაოების დასრულების თარიღი და ვითომ დამატებითი სამუშაოების გამოჩენის გამო, დაუმატეს თანხაც. ეს არის ტიპიური კორუფციული გარიგება და ტენდერის მორგება კონკრეტულ  კომპანიაზე“, -  განაცხადა გიგა შუშანიამ.


მისი თქმით, კომპანიებზე ტენდერების მორგების სქემა ქალაქში თითქმის ყველა ინფრასტრუქტურულ პროექტზე ხდება.

ტაბიძის ქუჩაზე სარეაბილიტაციო სამუშაოები ერთი კვირაა შეჩერებულია. ქუთაისის მერიაში განაცხადეს, რომ შპს  „ჯეო სერვისმა“ მის კონტრაქტორს თანხა არ გადაუხადა, რის გამოც კონტრაქტორმა სამუშაოების გაგრძელებაზე უარი თქვა.

ქალაქის მერის, გიორგი ჭიღვარიას თქმით, თუ კომპანია ერთი კვირის ვადაში პრობლემას ვერ მოაგვარებს, მას ხელშეკრულებას გაუწყვიტავენ.

ქუთაისის მერიაში აცხადებენ, რომ ინფორმაცია, თითქოს „ჯეო სერვისს“ სატენდერო თანხა მერიამ არ გადაურიცხა, არასწორია.



ამავე თემაზე:

"სახლებს საძირკველი უჩანს" - რა ხდება ტაბიძის ქუჩაზე (ვიდეო)

"თუ ერთ კვირაში პრობლემა არ მოგვარდა, ხელშეკრულებას შევწყვიტავთ" - ქუთაისის მერია ტაბიძის ქუჩაზე

Print E-mail
FaceBook Twitter
მსგავსი სიახლეები
ფინანსთა სამინისტროს საგამოძიებო
სამსახურის თანამშრომლებმა, ყალბი საგადასახადო დოკუმენტების
დამზადება-გამოყენების გზით, სახელმწიფოს კუთვნილი განსაკუთრებით დიდი
ოდენობით თანხის თაღლითურად დაუფლების მცდელობის ფაქტზე,
პასუხისგებაში ორი პირი მისცეს.
10:18 / 01.12.2021
ფინანსთა სამინისტროს საგამოძიებო სამსახურის თანამშრომლებმა, ყალბი საგადასახადო დოკუმენტების დამზადება-გამოყენების გზით, სახელმწიფოს კუთვნილი განსაკუთრებით დიდი ოდენობით თანხის თაღლითურად დაუფლების მცდელობის ფაქტზე, პასუხისგებაში ორი პირი მისცეს.
20:17 / 30.11.2021
"ხელოვნების ენა, როცა ის კლასიკაა,  სამყაროში არის ერთი. ენობრივი და კულტურული ბარიერი არ არსებობს, იქნება  ეს თეატრი, კინო მუსიკა თუ მხატვრობა", - ამბობს მსახიობი მარიკა სამანიშვილი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.