ახალი ამბები
არასამთავრობო ორგანიზაციები ქუთაისში დეპუტატის ცემის ფაქტზე განცხადებას ავრცელებენ
FaceBook
ექვსი არასამთავრობო ორგანიზაცია ქუთაისის საკრებულოს დეპუტატის, გია უკლებას ცემის ფაქტზე ერთობლივ განცხადებას ავრცელებენ.
განცხადებაში ენჯერო სექტორის წარმომადგენლები აცხადებენ, რომ მსგავსი ძალადობრივი ინცინდენტები ზიანს აყენებს წინასაარჩევნო გარემოს და შესაბამის ორგანოებს გამოძიების  ეფექტურად  ჩატარებისკენ მოუწოდებენ.

"ხელმომწერი არასამთავრობო ორგანიზაციები ვგმობთ 19 სექტემბერს, ქუთაისის საკრებულოს ენმ-ს დეპუტატზე ფიზიკურ თავდასხმას. მიგვაჩნია, რომ დეპუტატების ძალადობრივი ქმედებები საფრთხეს უქმნის საარჩევნო პროცესების მშვიდ და სტაბილურ ვითარებაში წარმართვას. მომავალში მსგავსი ინციდენტების თავიდან აცილების მიზნით, მოვუწოდებთ საგამოძიებო ორგანოებს უზრუნველყონ გამოძიების ეფექტურად წარმართვა და ძალადობაში მონაწილე პირების დასჯა საქართველოს კანონმდებლობის მოთხოვნის შესაბამისად",-ნათქვამია განცხადებაში.

არასამთავრობო ორგანიზაციები ქუთაისის საკრებულოს დეპუტატებს საკუთარი როლისა და თანამდებობრივი მდგომარეობის გააზრებისკენ მოუწოდებენ და წარმომადგენლობით ორგანოში ეთიკის კოდექსის შემუშავების აუცილებლობაზე მიუთითებენ.

"მნიშვნელოვანია ქუთაისის მუნიციპალიტეტის საკრებულოს დეპუტატებმა გაიაზრონ საკუთარი როლი და თანამდებობრივი მდგომარეობა და მიიღონ ეფექტური ზომები მომავალში მსგავსი ძალადობრივი ქმედებების პრევენციისთვის. ამ კუთხით, საჭიროა საკრებულომ შეიმუშაოს საკრებულოს წევრთა ეთიკის კოდექსი.

არასამთავრობო ორგანიზაციები ასევე, მიმართავენ უწყებათაშორის კომისიასაც და შესაბამისი რეკომენდაციების შემუშავებისკენ მოუწოდებენ.

ქუთაისის საკრებულოს დეპუტატს, გია უკლებას უმრავლესობის წევრებმა 19 სექტემბერს სცემეს. დაპირისპირება თავდაპირველად მასსადა"ქართული ოცნების" დეპუტატს, იმედა საღინაძეს შორის დაიწყო, რის შემდეგაც ხელჩართული ჩხუბი დერეფანში გაგრძელდა. უკლებას მმართველი გუნდის რამდენიმე დეპუტატი სცემდა. მათ შორის კახა ბოჭორიშვილი, ნიკოლოზ ჩეჩელაშვილი და ამირან კოპალეიშვილი. ასევე, მერიისა და საკრებულოს აპარატის თანამშრომლები.

ფიზიკური დაპირისპირების შედეგად გია უკლებას სახის არეში დაზიანებები აქვს მიყენებული.

მომხდარზე შსს-მ  გამოძიება სსკ 126-ე მუხლით დაიწყო. 

ამავე თემაზე:

შსს-მ ქუთაისის საკრებულოს დეპუტატის ცემის ფაქტზე გამოძიება დაიწყო


ჩხუბი და დაპირისპირება ქუთაისის საკრებულოში (ვიდეო)

ქუთაისის საკრებულოს ნაცემი დეპუტატი

საკრებულოში "ქუთაისიპოსტის" ჟურნალისტებს საქმიანობაში ხელი შეუშალეს (ვიდეო)
Print E-mail
FaceBook Twitter
მსგავსი სიახლეები
საქალაქო ტრანსპორტით გადასაადგილებლად მგზავრებსა და მძღოლებს მხოლოდ
პირბადის ტარება ევალებათ.
15:50 / 27.05.2020
საქალაქო ტრანსპორტით გადასაადგილებლად მგზავრებსა და მძღოლებს მხოლოდ პირბადის ტარება ევალებათ.
საქართველოს პარლამენტში დღეს პრემიერ-მინისტრ გიორგი გახარიას
მოუსმენენ.
10:15 / 27.05.2020
საქართველოს პარლამენტში დღეს პრემიერ-მინისტრ გიორგი გახარიას მოუსმენენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.