ახალი ამბები
ენგურის ხიდზე, სავარაუდოდ, ასაფეთქებელი მოწყობილობის გადატანის მცდელობაზე ერთი პირი დააკავეს
FaceBook
21 მაისს, ენგურის ხიდზე, რუსების მიერ ოკუპირებულ ტერიტორიაზე, უცხო ქვეყნის მოქალაქე დააკავეს.
თვითმხილველების თქმით, მამაკაცს ჩანთაში ასაფეთქებელი მოწყობილობა ჰქონდა. ის ენგურის ცენტრალურ ხიდზე, ქართულ-აფხაზურ ადმინისტრაციულ საზღვარზე მყოფი ადამიანების თვალწინ, დღის საათებში დააპატიმრეს.

ეთერი (სახელი შეცვლილია) გვიყვება, რომ ფაქტს, პირობით საზღვარზე, თავად შეესწრო.

"ჩემს რიგს ვუცდიდი, როცა დავინახე, მამაკაცმა როგორ მიაწოდა საბუთები მესაზღვრეს და ზუსტად ამ დროს მოხდა მისი დაკავება. როგორც კი ხელი გააწვდინა ეგრევე დაავლეს ხელი ფეხებსა და ხელებში. როგორც გავიგეთ ხელყუმბარა ჰქონია თან".

კიდევ ერთი თვითმხილველის თქმით, ეჭვმიტანილი რუსმა მესაზღვრეებმა დააკავეს. მოგვიანებით ადგილზე სოხუმიდან სპეციალური დანიშნულების რაზმიც ჩავიდა. მისი თქმით, მამაკაცი სოხუმში გადაიყვანეს.

გალელების თქმით, ამ ფაქტის შემდეგ ენგურის ხიდზე მიმოსვლა გამკაცრებულია.

ინფორმაციის გადამოწმების მიზნით, ქუთაისიპოსტი საქართველოს სახელმწიფო უსაფრთხოების სამსახურს დაუკავშირდა, სადაც გვითხრეს, რომ აღნიშნულზე ინფორმაციას არ ფლობდნენ.

"ტერიტორია არ არის ჩვენ მიერ კონტროლირებადი და შესაბამისად, ინფორმაცია არ გვაქვს, - გვიპასუხეს უწყებაში.

თვითმხილველთა ინფორმაციით, ვიდრე მამაკაცს რუსი მესაზღვრეები დააკავებდნენ, მან ქართველი სამართალდამცველების მიერ კონტროლირებადი პირობითი საზღვარი გადალახა.
Print E-mail
FaceBook Twitter
მსგავსი სიახლეები
ქუთაისში 56 წლის მამაკაცი დაიკარგა.
16:14 / 11.08.2022
ქუთაისში 56 წლის მამაკაცი დაიკარგა.
დანია უკრაინის დასახმარებლად დამატებით €110 მილიონს გამოყოფს.
15:18 / 11.08.2022
დანია უკრაინის დასახმარებლად დამატებით €110 მილიონს გამოყოფს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.