ახალი ამბები
"მერიამ უარი თქვას კომფორტზე და გაყიდოს ჯიპები" - ენმ
FaceBook
"ნაციონალური მოძრაობა" ქუთაისის მერიის ავტოპარკის შესაკეთებლად ბიუჯეტიდან თანხის ხარჯვას აპროტესტებს და ქალაქის ხელისუფლებას ამ მიზნით გამოცხადებული ტენდერის გაუქმებისკენ მოუწოდებს. პარტიის ქუთაისის ორგანიზაციის ხელმძღვანელის, გიგა შუშანიას თქმით, ქალაქს ავტოპარკის შენახვა ძვირი უჯდება. ამიტომ, უმჯობესია მერიამ გაყიდოს მაღალი გამავლობის ჯიპები და ეს თანხა სოციალური მიმართულებით გადაანაწილოს.

"მერიამ გადაწყვიტა ავტომანქანების შეკეთებაზე დახარჯოს 340 000 ლარი. 440 000 ლარს კი საწვავში ხარჯავს. ჯამში, ავტოპარკის შენახვა მერიას 800 000 ლარამდე უჯდება. მოვუწოდებთ ქალაქის ხელისუფლებას, გაყიდოს ძვირადღირებული ჯიპები და საკუთარი კომფორტის ნაცვლად, ეს თანხა მოხმარდეს ახალი სოციალური პროგრამების დაფინანსებას", - განაცხადა გიგა შუშანიამ.

მისივე თქმით, სრულიად საკმარისი იქნება თუ მერია ჰიბრიდული ტიპის მორიგე ავტომობილებით ისარგებლებს.

ქუთაისის მერიის ავტოპარკი 70 ერთეულ ავტომანაქანას ითვლის.

ქუთაისის მერიამ მის ბალანსზე არსებული ავტომობილების შესაკეთებლად ტენდერი მიმდინარე წლის 14 მარტს გამოაცხადა. ტენდერში შპს "თეგეტა მოტორსმა" გაიმარჯვა, თუმცა, ხელშეკრულება ჯერ-ჯერობით გაფორმებული არ არის.

ამავე თემაზე:

ქუთაისის მერია ავტომანქანების შეკეთებისთვის 340 000 ლარს დახარჯავს

„იარონ საზოგადოებრივი ტრანსპორტით“ - ქუთაისის მერიას ჯიპების გაყიდვისკენ მოუწოდებენ

ქუთაისის მერიის „შავი ჯიპები" (ფოტო)

Print E-mail
FaceBook Twitter
მსგავსი სიახლეები
პარტია
10:48 / 03.08.2020
პარტია "თავისუფალი საქართველოს" თანათავმჯდომარე გოგი წულაია ბიძინა ივანიშვილსა  და  "ქართული ოცნების" შტაბშს ბოქლომსა და ჯაჭვს უგზავნის.
დასავლეთ საქართველოში კვირის
განმავლობაში უმეტესად უნალექო ამინდია მოსალოდნელი.
10:00 / 03.08.2020
დასავლეთ საქართველოში კვირის განმავლობაში უმეტესად უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.