ახალი ამბები
ქუთაისის მერიის „შავი ჯიპები" (ფოტო)
FaceBook
ქუთაისის მერიის მიერ მოწოდებული ინფორმაციით, მერიის ბალანსზე ჯიპის კატეგორიის შვიდი ავტომანქანა ირიცხება. მათგან, სამით,  ქალაქის მერი და მისი ორი მოადგილე სარგებლობს. ქალაქის მერი, გიორგი ჭიღვარია 2011 წლის TOYOTA LENDCRUISER-ით გადაადგილდება, რომელიც ქუთაისის მერიას ინფრასტრუქტურის სამინისტრომ გადასცა.


ქალაქის მერის, გიორგი ჭიღვარიას ჯიპი

ასევე, 2011 წლის WOLKSWAGEN TIGUAN-ით სარგებლობს მერის მოადგილე, იუზა უგულავა. ეს ავტომობილი ადრე მერიის ააიპ „სპეციალური სერვისების“ ყოფილ ხელმძღვანელს, გელა გაგუას ეკუთვნოდა.


მერის მოადგილის, იუზა უგულავას ავტომანქანა

ქალაქის ვიცე-მერს, გიორგი იობაშვილს კი, 2008 წლის ვერცხლისფერი TOYOTA PRADO -ს ჯიპი ემსახურება, რომელიც მერიას იმერეთის გუბერნიამ გადასცა.


ვიცე-მერის, გიორგი იობაშვილის ავტომანქანა

ორი ჯიპი ჰყავს მერიის კეთილმოწყობის სამსახურს, რომელშიც ქალაქის ხელისუფლებამ ჯამში 35 470 ლარი გადაიხადა.



კეთილმოწყობის სამსახურის ჯიპები

ჯიპის კატეგორიის კიდევ ერთი MITSUBISHI AIRTEK ემსახურება მერიის მატერიალურ-ტექნიკური უზრუნველყოფის განყოფილებას.

მერიის ბალანსზე არსებული ავტოანაქანებიდან ყველაზე ძვირადღირებული GRAND CHEROKEE-ს ჯიპი კი, რომელშიც მერიას 23 850 ლარი აქვს გადახდილი, არ ფუნქციონირებს. მერიის ინფორმაციით ავტომანქანა დაზიანებულია.


23 850 ლარიანი ჯიპი, რომელიც არ ფუნქციონირებს

ქუთაისის მერიის ბალანსზე სულ 24 ავტომანქანა ირიცხება. მათგან 15 მერიამ სხვადასხვა წლებში ადგილობრივი ბიუჯეტის სახსრებით შეიძინა, რამაც ჯამში 196 924 ლარი შეადგინა. ცხრა ავტომანქანა კი მერიას სახელმწიფოსგან და კერძო კომპანიებისგან გადაეცა.

სახელმწიფო უწყებებში "შავი ჯიპების ეპოქის" დასრულება დაანონსა პრემიერ-მინისტრმა, გიორგი კვირიკაშვილმა. 

"დროა, საქართველოში შავი ჯიპების ეპოქა დავასრულოთ, რადგან ეს ყველას აღიზიანებს და არ დაგიმალავთ, მეც, მათ შორის.
ეს არის გარკვეულად დამკვიდრებული პრაქტიკა და ვფიქრობ, როდესაც საუბარი იქნება ავტოპარკის შეცვლაზე, ჩვენ ამ შავ ფერზე უარი უნდა ვთქვათ", - განაცხადა პრემიერმა.  



Print E-mail
FaceBook Twitter
მსგავსი სიახლეები
ქუთაისი–სამტრედიის გზაზე, 
აეროპორტთან ახლოს, ავტომანქანა გზის გამყოფ ბეტონის ჯებირს
შეეჯახა.
13:35 / 19.01.2020

ქუთაისი–სამტრედიის გზაზე,  აეროპორტთან ახლოს, ავტომანქანა გზის გამყოფ ბეტონის ჯებირს შეეჯახა.

ქართველი სპორტსმენები
იმერეთიდან, ლაშა ტალახაძე და ბექა ლომთაძე,  2019 წლის
საუკეთესო სპორტსმენები გახდნენ.
12:13 / 19.01.2020

ქართველი სპორტსმენები იმერეთიდან, ლაშა ტალახაძე და ბექა ლომთაძე,  2019 წლის საუკეთესო სპორტსმენები გახდნენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.