ახალი ამბები
რეჟისორ გიორგი სიხარულიძეს საპატიო ქუთაისელის წოდებას მიანიჭებენ
FaceBook
8 ნოემბერს ქუთაისის მესხიშვილის თეატრში დაჯილდოების ცერემონიალი გაიმართება.

რეჟისორს და მესხიშვილის თეატრის ყოფილ  სამხატვრო ხელმძღვანელს გიორგი სიხარულიძეს, ქუთაისის მერი შოთა მურღულია საპატიო ქუთაისელის წოდებას მიანიჭებს. დაჯილდოების ცერემონიალი სპექტაკლის „უბედურება“ (დავით კლდიაშვილის ამავე სახელწოდების პიესის მიხედვით)  შემდეგ გაიმართება. კლდიაშვილის „უბედურება“ გიორგი სიხარულიძის სამხატვრო ხელმძღვანელის ამპლუაში, მესხიშვილის თეატრში დადგმული ბოლო სპექტაკლია.

გიორგი სიხარულიძის ქუთაისში მოღვაწეობის დროს, 2007 წლიდან 2017 წლამდე მესხიშვილის თეატრში მოეწყო მცირე სცენა, ლიტერატურული სალონი, დასს შეემატა 12 ახალგაზრდა მსახიობი, დაიდგა 47 სპექტაკლი, ათეულობით ბენეფისი და იუბილე. გიორგი სიხარულიძის სამხატვრო ხელმძღვანელობის დროს ქუთაისის თეატრში სპექტაკლი დადგა 18-მა მოწვეულმა რეჟისორმა.

გიორგი სიხარულიძის რეჟისურით და ხელმძღვანელობით, გაკეთდა ქუთაისის მთავარი დღესასწაულის, ,,გვირილობის" ახალი და მასშტაბური ფორმატი, რომელიც დღემდე ქალაქის სავიზიტო ბარათია.

ასევე, 8 ნოემბერს, თერჯოლის მუნიციპალიტეტის ინიციატივით, გიორგი სიხარულიძეს გადაეცემა კლდიაშვილის მედალი, დავით და სერგო კლდიაშვილების შემოქმედების პოპულარიზაციისთვის (ეს მედალი 2017 წელს გადაეცა საქართველოს პრემიერ-მინისტრს გიორგი კვირიკაშვილს, დავით კლდიაშვილის სახლ-მუზეუმის რეაბილიტაციაში განსაკუთრებული წვლილისთვის).

გიორგი სიხარულიძემ მესხიშვილის თეატსრი მიმდინარე წლის სექტემბერში დატოვა. გიორგი სიხარულიძე მიხეილ თუმანიშვილის სახელობის კინომსახიობთა თეატრის სამხატვრო ხელმძღვანელად დაინიშნა. აღნიშნული დანიშვნა კულტურისა და ძეგლთა დაცვის სამინისტროს მიერ, პროფესიული თეატრების სამხატვრო ხელმძღვანელების პოზიციებზე გამოცხადებული  კონკურსის საფუძველზე განხორციელლდა. თუმანიშვილის თეატრში მან ამ პოსტზე ქეთი დოლიძე ჩაანაცვლა.
Print E-mail
FaceBook Twitter
მსგავსი სიახლეები
,,ქუთაისიპოსტზე
02:04 / 14.07.2020
,,ქუთაისიპოსტზე" გამოქვეყნებული მასალის შემდეგ – კანალიზაციით და შლამით სავსე ისტორიული აბანო ქუთაისში წლების განმავლობაში მოუვლელი, უძველესი ბუნებრივი აბანოები მოწესრიგდება.
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.