ბლოგები
ქართველი, რომელიც ამერიკის ხუთ პრეზიდენტს იცავდა
FaceBook
ლევან გოპაძე - წლების წინ ეს სახელი და გვარი არაფერს მეუბნებოდა.
უბრალოდ, ისიც იმ 300 კაციან სიაში ეწერა, ვის საფლავებსაც ამერიკაში დავეძებდი.

ძებნის კვალმა ლოს ანჯელესში მიმიყვანა, მაგრამ საინტერესო თურმე წინ მელოდა.

სასაფლაოს დირექციამ თავიდანვე მომწერა, რომ ის ღირსეულთა სექციაში იყო დაკრძალული, ეს სექცია დახურული გახლდათ და მხოლოდ "ოქროს გასაღებით" შევძლებდი იქ შესვლას. ეს გასაღები გააჩნდათ მხოლოდ ოჯახის წევრებს, ხოლო სხვა მსურველებს, სპეციალური ნებართვა ესაჭიროებოდათ ამ სექციის კურატორი სამინისტროსაგან - პენტაგონისაგან.

ასეც მოვიქეცი, მივწერე თხოვნის წერილი და ნებართვამაც არ დააყოვნა.

ალბათ, სიტყვებით ძნელია გამოხატო ის ემოცია, რაც ამ განსასვენართან შესვლისას დამეუფლა. გარდაცვალებიდან 40 წლის თავზე, მან პირველი სტუმარი, - ქართველი სტუმარი მიიღო…



შემდეგ იყო, რომ დავიწყე ამ ადამიანის შესახებ მოკვლევა. თუ ვინ იყო, რატომ ერგო იქ დაკრძალვის პატივი... მოვიძიე მისი შვილი, ამერიკაში ერთ-ერთი კომუნიკაციების უზარმაზარი კომპანიის პრეზიდენტი და სამეთვალყურეო საბჭოს თავმჯდომარე, რომელმაც მხოლოდ ის იცის, რომ ქართველია.

გარდაცვლილი ლევან გოპაძე ამერიკის საიდუმლო დაცვის სამსახურის (Secret Service) ერთ-ერთი დიდი თანამდებობის პირი აღმოჩნდა. 1951 წლიდან დაიწყო მისი კარიერა და ბოლოს, იმ ჯგუფის ხელმძღვანელი გახლდათ, რომელიც ამერიკის პრეზიდენტს იცავდა ქვეყნის გარეთ გასვლისას.

ლევან გოპაძის ზურგი შეერთებული შტატების ხუთი პრეზიდენტის, - ტრიუმანის, ეიზენჰაუერის, კენედის, ჯონსონისა და ნიქსონის სიცოცხლეს იცავდა.

თუმცა, ეს კიდევ არაფერი. ჩემი გაოცება გამოიწვია შემთხვევამ, რომელიც თავს გადამხდა.

ერთი დრო კენედის მკვლელობის შესახებ წიგნების კითხვით ვიყავი გატაცებული. ვკითხულობდი ჰაროლდ ვეისბერგის გამოძიებათა ციკლს "ვარენ-რეპორტის" შესახებ, კონსპირაციის თეორიაზე კენედის მკვლელობის საქმეში.

და, უცბად, ლევან გოპაძის გვარს არ მოვკარი თვალი? რომ იტყვიან, სკამზე ავხტი.



მთელი თავი ეძღვნება აგენტ ლევან გოპაძის დაკითხვას მარინა ოსვალდისას, ლი ჰარვი ოსვალდის, კენედის მკვლელის მეუღლისა. მარინა ოსვალდი მხოლოდ და მხოლოდ იმ პირობით დათანხმდა დაკითხვას, თუ მას ლეონ გოპაძე წარმართავდა.

ამერიკაში სხვა გოპაძეებიც მოღვაწეობდნენ. ლეონის ძმისა და ბიძაშვილის შესახებ სხვა დროს ვისაუბროთ.
FaceBook Twitter
მსგავსი სიახლეები

ეს ფოტო ჩემს მეხსიერებაში,
პირველად, მგონი 20 წლის წინათ, ახალი ჩამოსული რომ ვიყავი
ნიუ-იორკში, მაშინ გაჩნდა.
08:39 / 16.06.2019

ეს ფოტო ჩემს მეხსიერებაში, პირველად, მგონი 20 წლის წინათ, ახალი ჩამოსული რომ ვიყავი ნიუ-იორკში, მაშინ გაჩნდა.


ვიღაც შემეკამათება, ჩხუბი და
დაძაბულობა არცერთ საქმეში არ ვარგაო.


გაურკვევლობა, მთლად
უარესიაო.
ქვემოთ, რასაც
მოგიყვებით, სრულებით
საპირისპიროს ამტკიცებს.
08:27 / 15.06.2019

ვიღაც შემეკამათება, ჩხუბი და დაძაბულობა არცერთ საქმეში არ ვარგაო.

გაურკვევლობა, მთლად უარესიაო.

ქვემოთ, რასაც მოგიყვებით, სრულებით საპირისპიროს ამტკიცებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში, ლადო მესხიშვილის თეატრის წინ, 19:00 საათზე, რუსული ოკუპაციის წინააღმდეგ მორიგი საპროტესტო აქცია გაიმართება.
"თავისუფლებასთან წააგებთ", "რუსეთი ოკუპანტია", "პარლამენტი ოკუპირებულია"
სამტრედიის რაიონულმა სასამართლომ შვიდი წლის გოგონას გაუპატიურებაში ბრალდებული დამნაშავედ სცნო.
ქუთაის-გაენათის ეპარქიის წინამძღოლი, მიტროპოლიტი  კალისტრატე, ბაგრატის ტაძარში გადაასვენეს.
ქუთაისის ელექტრომობილების საწარმოს მშენებლობის პროექტს წარადგენენ. ღონისძიება ქუთაისში, დავით აღმაშენებლის მოედანზე 22:00 საათზე დაიწყება.
ქუთაისის საკრებულოს დეპუტატმა ნანა კოსტავამ, რომელიც სიძულვილის ენაში არის დადანაშაულებული, ფრაქცია "ქართული ოცნება-კონსერვატორები"  დატოვა.
თეთრ ხიდზე მინა, წინასწარი შეტყობით, განზრახ არის დაზიანებული.
მამაკაცი, რომელმაც ბინაში, სადაც მისი ოჯახის წევრებს ეძინათ, სავარაუდოდ, ცეცხლი განზრახ გააჩინა, უგონო მდგომარეობაშია.