ახალი ამბები
ქუთაისის საოლქო საარჩევნო კომისიამ საჩივრების განხილვა დაასრულა
FaceBook
ქუთაისის N 59-ე საოლქო საარჩევნო კომისიამ, ადგილობრივი თვითმმართველობის არჩევნების პირველ ტურში უბნებსა და კომისიაში დაწერილი საჩივრების განხილვა დაასრულა.
ბოლო ორი საჩივარი, რომლებიც "ახალგაზრდა იურისტთა ასოციაციამ" 24 ოქტომბერს შეიტანა, კომისიამ არ დააკმაყოფილა.

არასამთავრობო ორგანიზაცია N68-ე უბანზე შემაჯამებელი ოქმის ბეჭდის ნომრის გადაკეთებას ასაჩივრებდა, რაც მათ თქმით, დარღვევას წარმოადგენს. "საია" უბნის თავმჯდომარისა და მდივნისთვის შენიშვნის გამოცხადებას ითხოვდა, თუმცა, კომისიამ საჩივარი არ დააკმაყოფილა.

კომისიის წევრებმა ასევე, არ გაიზიარეს N 50-ე უბანზე "საიას" მიერ დაწერილი საჩივრის შინაარსი, რომლის მიხედვითაც, შემაჯამებელ ოქმში 5 ბიულეტენით მეტი იყო მითიებული, რაც საჩივრის ავტორთა თქმით, უბნის ბათილობის საფუძველს წარმოადგნდა.

კომისიის წევრებმა სხდომაზე N50-ე უბნის შემაჯამებელი ოქმი წარმოადგინეს, რომელსაც თან ახლდა შესწორების ოქმიც. შესაბამისად, მათი თქმთ, უბნის ბათილობის საფუძველი არ არსებობდა.

საერთო ჯამში, საოლქო კომისიაში სულ 42 საჩივარი შევიდა.

აქედან, კომისიამ არ დააკმაყოფილა 24, დააკმაყოფილა 11, ნაწილობრივ დააკმაყოფილა 3 და განუხილველი დატოვა 4 საჩივარი.

საჩივრების განხილვა საოქლო კომისიაში სამი დღის განმავლობაში მიმდინარეობდა.

ამავე თემაზე:

ქუთაისის საოლქო საარჩევნო კომისია 26 ოქტომბერს "საიას" ორ საჩივარს განიხილავს

"თქვენ ასრულებთ ივანიშვილის დაკვეთას“ - საოლქო კომისიამ "ლეიბორისტების“ საჩივარი არ დააკმაყოფილა

ქუთაისის საოქლო კომისია „ლეიბორისტების“ საჩივარს ხმაურის ფონზე განიხილავს (ვიდეო)

ქუთაისის საოლქო საარჩევნო კომისია 25 ოქტომბერს 20 საჩივარს განიხილავს

ქუთაისის საოლ
ო საარჩევნო კომისიაში დამატებით 14 საჩივარი შევიდა

ქუთაისის N 59-ე საოლქო საარჩევნო კომისიამ საჩივრების განხილვის პროცესი დაიწყო
Print E-mail
FaceBook Twitter



მსგავსი სიახლეები
პარლამენტში, კომიტესტის სხდომაზე, ჰესების
მშენებლობის შესახებ ეკონომიკის და მდგრადი განვითარების მინისტრს,
ნათია თურნავას მოუსმინეს.


მინისტრის განცხადებით, ნამახვანჰესთან
დაკავშირებით გაფორმებულ ხელშეკრულებაში დეტალურად არის გაწერილი
ყველა პროცედურა, თუ როგორ უნდა დაასაბუთოს თითოეული მიწის ნაკვეთის
მიღება და გადაცემა ინვესტორმა კომპანიამ.
13:18 / 09.03.2021
პარლამენტში, კომიტესტის სხდომაზე, ჰესების მშენებლობის შესახებ ეკონომიკის და მდგრადი განვითარების მინისტრს, ნათია თურნავას მოუსმინეს.


მინისტრის განცხადებით, ნამახვანჰესთან დაკავშირებით გაფორმებულ ხელშეკრულებაში დეტალურად არის გაწერილი ყველა პროცედურა, თუ როგორ უნდა დაასაბუთოს თითოეული მიწის ნაკვეთის მიღება და გადაცემა ინვესტორმა კომპანიამ.
"ნამახვანთან დაკავშირებით ერთ-ერთი ყველაზე ხშირად დასმული საკითხი მიწის პრივატიზებაა. აქ მინდა გავმიჯნო, სად ვხედავთ პრობლემას. თუ პრობლემაა ის, რომ მიწა ჰესის ასაშენებლად გადაეცა თურქულ კომპანიას, ამ დისკუსიაში ვერავის წამოგყვებით, იმიტომ რომ საუბარია, ჩვენს სტრატეგიულ პარტნიორზე, მეზობელზე, ევროატლანტიკური ორგანიზაციის წევრ სახელმწიფოზე. თუ პრობლემაა იმაში, რომ მიწა გადაეცა უცხოელ ინვესტორს, რატომ ამდენი და რა მიზნით, ამაზე შეგვიძლია ვისაუბროთ",- განაცხადა ნათია თურნავამ.

ნათია თურნავას თქმით, ნამახვანჰესის მშენებლობის მოწინააღდგეებმა უნდა დააკონკრეტონ რაშია პრობლემა.

"თუ პრობლემაა ის, რომ ეს არის უცხო ქვეყნის ინვესტორი და არა ქართველი ინვესტორი, შეგახსენებთ, რომ რიონის ხეობას თუ გავყვებით, "ენერგო-პროს", ჩეხურ კომპანიას აქვს საკმაოდ დიდი და მოცულობითი აქტივები - შაორი, გუმათი, რიონი, თავისი წყალსაცავებით და რა? მოიკიდა კისერზე ეს მიწა და გაიტანა ჩეხეთში თუ 6 500 კაცი დაასაქმა საქართველოში. აქედან გამომდინარე, უნდა დავაკონკრეტოთ პრობლემა რაშია", - განაცხადა მინისტრმა საკომიტეტო მოსმენაზე.

ნათია თურნავამ, ჰესის მშენებლობის მოწინააღდგეებს შესთავაზა შეექმნათ სპეციალური კომისია, სადაც მათი ნდობით აღჭურვილი პირები მიიღებენ მონაწილეობას და გადაიხედება გადაცემული მიწა.

"შეგვიძლია შევქმნათ სპეციალური კომისია, სადაც თქვენი ნდობით აღჭურვილი პირები მიიღებენ მონაწილეობას და გადავხედოთ თოთოეულ მიწას. თუ აღმოჩნდება, რომ რაღაც გადის პროექტის გარეთ, კომპანიას აქვს ვალდებულება დააბრუნოს უკან, მაგრამ მე მგონია, რომ ყველაფერი მაქსიმალურად დასაბუთებულია. ასევე, მომავალში გადასაცემ თითოეულ მიწის ნაკვეთზე შეგვიძლია ასეთივე წესით ვიაროთ", – განაცხადა ეკონომიკის მინისტრმა ნათია თურნავამ.
ჰესების მშენებლობის განხილვას, მდინარე რიონზე დაგეგმილი ჰესების მშენებლობის შეჩერების პეტიციის ავტორებიც ესწრებიან. პეტიციაზე 10 135 მოქალაქეს აქვს ხელი მოწერილი.

როგორც პეტიციის ავტორები აცხადებენ, რიონის ხეობა საფრთხეშია და ონისა და ნამახვანის კასკადების მშენებლობა საფრთხის წინაშე აყენებს არა მხოლოდ რიონის ხეობასა და ბუნებას, არამედ რაჭის, ლეჩხუმისა და ქუთაისის მოსახლეობას. პეტიციაში ნათქვამია, რომ არც ონის და არც ნამახვანის კასკადის პროექტებში სათანადოდ არ შესწავლილა და უგულებელყოფილია სეისმური რისკები.
პეტიციის ავტორები ჰოდროელექტროსადგურებთან დაკავშირებული ხელშეკრულებების გასაჯაროებას ითხოვენ.

5 მარტს, რიონის ხეობაში პრემიერ-მინისტრის დავალებით ეკონიმიკისა და სოფლის მეურენეობის მინისტრები ჩავიდნენ. შეხვედრის შედეგად გადაწყდა, რომ მომავალი კვირის ბოლომდე კომპანია "ენკა" ჰესის სამშენებლო სამუშაოებს შეაჩერებს.

თუ სამუშაო პროცესის შეჩერების შესახებ პირობა შესრულებული არ იქნება, ხეობის მცველები 14 მარტის გეგმას, რომელიც ქუთაისში ფართომასშტაბიანი აქციის გამართავს გულისხმობს, განახორციელებენ.

რიონის ხეობაში ჰესის წინააღმდეგ პროტესტი ოთხ თვეზე მეტია გრძელდება. ადგილობრივებმა 9 მარტს კარავში 135-ე ღამე გაათენეს. ხელისუფლებამ ჰესის მოწინააღმდეგეებთან შეხვედრის საჭიროება მხოლოდ მას შემდეგ დაინახა, რაც 28 თებერვალს ქუთაისში ფართომასშტაბიანი აქცია გაიმართა, სადაც ხეობის მცველებმა მთავრობას ორკვირიანი ულტიმატუმი წაუყენეს. იმ შემთხვევაში თუ ნამახვანჰესის მშენებლობა არ შეჩერდება, აქტივისტები ქუთაისის პიკეტირებით იმუქრებიან.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს. გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლების დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.
რაჭა-ლეჩხუმში ჰესების მშენებლობასთან
დაკავშირებით პარლამენტის დარგობრივი ეკონომიკისა და ეკონომიკური
პოლიტიკისა და გარემოს დაცვისა და ბუნებრივი რესურსების კომიტეტების
ერთობლივ სხდომაზე მინისტრებს მოუსმენენ.
11:11 / 09.03.2021
რაჭა-ლეჩხუმში ჰესების მშენებლობასთან დაკავშირებით პარლამენტის დარგობრივი ეკონომიკისა და ეკონომიკური პოლიტიკისა და გარემოს დაცვისა და ბუნებრივი რესურსების კომიტეტების ერთობლივ სხდომაზე მინისტრებს მოუსმენენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.