ახალი ამბები
ქუთაისში რიონისპირა სახლების რეაბილიტაციის პროექტი მზადდება
FaceBook
ქუთაისში, რიონისპირა სახლების რეაბილიტაციისთვის განახლებული პროექტი მზად არის, რომელსაც კულტურული მემკვიდრეობის დაცვის ეროვნულ სააგენტოს განსახილველად მიმდინარე წლის მაისში წარუდგენენ.
პროექტის ავტორი არქიტექტორი გივი გოგრიჭიანია, რომელმაც წითელი ხიდიდან ჯაჭვის ხიდამდე მონაკვეთის რიონისპირა სახლების რეაბილიტაციის პროექტი პირველად 1992 წელს მოამზადა.

"ხიდებს შორის მოცემული ტერიტორიის ორივე მხარე უნდა აღდგეს, ასევე უნდა დაემატოს ახალი ობიექტები, განთავსდეს თუნდაც კვების ობიექტები. ადგილი საინტერესო უნდა გახდეს ტურისტებისთვის წელიწადის ნებისმიერ დროს. ვფიქრობ, აღდგენის იდეა საინტერესო იქნება, როგორც ადგილობრივი თვითმმართველობისთვის, ასევე, ბიზნესმენებისთვის", - ამბობს არქიტექტორი. ის ამბობს, რომ პროექტი რიონისპირა სახლების მოწესრიგებას და ახალი ობიექტების დამატებას გულისხმობს.

გივი გოგრიჭიანის თქმით, რიონისპირა სახლები ქუთაისში მე-19 საუკუნის ერთადერთი ხუროთმოძღრების ძეგლია, რომლის განახლება აუცილებლად უნდა მოხდეს. გივი გოგრიჭიანის თქმით, რიონისპირა ტერიტორიის რეაბილიტაციისთვის დაახლოებით 6 მილიონი დოლარი იქნება საჭირო.

ქუთაისის მერიაში აცხადებენ, რომ რიონისპირა სახლების რეაბილიტაციის პროექტი ამ დრომდე არც ერთ არქიტექტორს არა წარუდგენია.

თუმცა აღნიშნავენ, რომ საპროექტო წინადადების, თუ ინიციატივის დაყენების შეთხვევაში, რიონისპირა სახლები კერძო საკუთრებაა, რომლის რეაბილიტაციაც მათ
გეგმებში არ შედის.



Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.