ახალი ამბები
,,დაისაჯოს კანონდამრღვევი კორუმპირებული მერი" - ხმაური ზესტაფონის მერიაში
FaceBook
ამ წუთებში ხმაურია ზესტაფონის მერიაში. ზესტაფონის ადგილობრივ თვითმმართველობაში დაპირისპირება  მას შემდეგ დაიწყო რაც მერის, კახაბერ მახათაძის გადადგომის მოთხოვნით აქციის მონაწილეები შენობაში  შევიდნენ. 



მერობის ყოფილი კანდიდატი გიორგი გაბრიჭიძე მოქალქეებთან ერთად შენობაში შევიდა და ზესტაფონის მერის გადადგომის მოთხოვნით მერის მისაღებში მჯდომარე აქცია დაიწყო. თავდაპირელად მათ მერის კაბინეტთან მისვლის საშუალებას არ აძლევდნენ. თუმცა, დაცვის მოთხოვნას არ დაემორჩილნენ. აქციის მონაწილეებმა პროტესტის ნიშნად კარები გადაკეტეს.

,,დაისაჯოს კანონდამრღვევი, კორუმპირებული მერი" - ამ მოთხოვნით და ტრანსფარანტებით მოქალაქეები მერის მისაღებში იმყოფებიან.

გიორგი გაბრიჭის თქმით, ზესტაფონის მერის  წინააღმდეგ რამდენიმე სისხლის სამართლის საქმეა აღძრული და მას არ აქვს უფლება იყოს ზესტაფონის მერი. მოქალაქეები მოუწოდებენ მერს დატოვოს დაკავებული პოზიცია, წინააღმდეგ შემთხვევაში მჯდომარე აქციის შეწყვეტას არ აპირებენ.

,,ზესტაფონის ფეროს ხელშეკრულება აქვს გაფორმებული ქობულეთში ერთ-ერთ სასტუმროსთან, რომელიც მახათაძის და მისი ძმის ბიზნესია. თანამშრომლები კი ზაფხულში ქარხნის ბიუჯეტით იქ ისვენებენ. მივმართავ იმერეთის გუნერნატორს და მაჟორიტარ დეპუტატს, შეგვხვდეს და დაინტერესდეს ზესტაფონის მერის წინააღმდეგ დაწყებული სისხლის სამართლის საქმეებით და მის მიმართ არსებული პრეტენზიებით" - განაცხადა დავით გოგლიჩიძემ.

თავად  ზესტაფონის მერი  ამ დროისთვის შენობაში არ იმყოფება, მერიაში კი განმარტავენ, რომ აქციის მონაწილეებთან კახაბერ მახათაძე მივა და დაელაპარეკება.

ადგილზე ჩვენი ჟურნალისტი იმყოფება, რომელიც მოვლენათა განვითარების შესახებ ინფორმაციას მოგვაწვდის.

კახაბერ მახათაძე მერად 2017 წლის ადგილობრივი თვითმმართველობის არჩევნების შედეგად "ქართული ოცნების" კვოტით აირჩიეს. თუმცა, მას ზეტაფონის პირველი პირის პოზიცია მანამდეც ეჭირა.
Print E-mail
FaceBook Twitter
მსგავსი სიახლეები
წყალტუბოში, არასრულწლოვნის მიმართ შესაძლო
გარყვნილ ქმედებაზე  მოზარდს ექსპერტიზა უტარდება.
15:33 / 29.09.2020
წყალტუბოში, არასრულწლოვნის მიმართ შესაძლო გარყვნილ ქმედებაზე  მოზარდს ექსპერტიზა უტარდება.
,,ნაციონალური მოძრაობის
11:20 / 29.09.2020
,,ნაციონალური მოძრაობის" ქუთაისის მერობის კანდიდატი გიგა შუშანია  მერიის დაქვემდებარულ შპს   ,,პარკინგსერვისს" კორუფციულ გარიგებაში ადანაშაულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.