ახალი ამბები
ტყიბულის შახტში დაშავებული მუშები თბილისის დამწვრობის ცენტრში გადაიყვანეს
FaceBook
ტყიბულის შახტში 6 დაშავებული მუშიდან სამი თბილისის დამწვრობის ცენტრში გადაიყვანეს, ორს გადასაყვანად ამზადებენ, ხოლო ერთი ტყიბულის საავადმყოფოში ამბულატრიულ მკურნალობას გადის. ამის შესახებ ქუთაისიპოსტს ტყიბულის რაიონული საავადმყოფოს მენეჯერმა, იური ელიაშვილმა განუმარტა. 

"სულ შემოყვანილი იყო 6 ადამიანი დამწვრობით, აქედან ორი შოკურ მდგომარეობაში იმყოფებოდა. სამი უკვე გადაყვანილია თბილისში, ხოლო ორს ახლა ამზადებენ დამატებითი კვლევისთვის თბილისში გადასაყვანად. ერთი კი ამბულატორიულ მკურნალობაზე იმყოფება ჩვენთან საავადმყოფოში. არცერთი მათგანს სიცოცხლის საფრთხე არ ემუქრებათ", - განმარტა ჩვენთან საუბარში იური ელიაშვილმა. 

ტყიბულში, მინდელის სახელობის შახტში 16 ივლისს, ოთხი მუშა დაიღუპა, ხოლო 6 ადამიანი დამწვრობით საავადმყოფოში გადაყვანეს.  "საქნახშირში" მომხდარზე კომენატს არ აკეთებენ. ქუთაისიპოსტთან საუბარში ამბობენ მხოლოდ იმას, რომ მთელი ადმინისტრაცია დაღუპულების გამოყვანაშია ჩართული.

მინდელის სახელობის შახტში უბედური შემთხვევა ბოლოს 5 აპრილს მოხდა, რასაც 6 ადამიანის სიცოცხლე შეეწირა.

5 აპრილს მინდელის სახელობის შახტში მომხდარი ფაქტის შედეგად ტყიბულში 13 შვილი დაობლდა.

შახტში გარდაცვლილი ექვსი თანამშრომლიდან ყველაზე უმცროსი 25 წლის იყო.

მომხდარზე გამოძიება მაშინაც დაიწყო. თუმცა, პასუხისგებაში ამ დრომდე არავინ მიუცით.

ტყიბულის მინდელის სახელობის შახტში, 2016-2018 წლებში 12 ადამიანი იყო დაღუპული. მათ რიცხვს უკვე 4 მიემატა.

შახტს საქართველოს ინდუსტრიული ჯგუფის შვილობილი კომპანია, "საქნახშირი" მართავს.


ამავე თემაზე:

გამოძიების პირველადი ინფორმაცია - რა მოხდა ტყიბულის შახტში?

ტყიბულის შახტში მომხდარ ფაქტზე შსს-მ გამოძიება დაიწყო

ტყიბულის შახტში 4 მუშა დაიღუპა, არიან დაშავებულებიც
Print E-mail
FaceBook Twitter
მსგავსი სიახლეები
დასავლეთ საქართველოსა და მათ შორის
იმერეთის რეგიონში 6-7 აპრილს წვიმაა მოსალოდნელი.
10:42 / 06.04.2020
დასავლეთ საქართველოსა და მათ შორის იმერეთის რეგიონში 6-7 აპრილს წვიმაა მოსალოდნელი.
თერჯოლის მუნიციპალიტეტის მერმა
ბონდო სოფრომაძემ უფლებამოსილების შეწყვეტის თაობაზე თერჯოლის
საკრებულოს განცხადებით დღეს მიმართა.
15:01 / 01.04.2020
თერჯოლის მუნიციპალიტეტის მერმა ბონდო სოფრომაძემ უფლებამოსილების შეწყვეტის თაობაზე თერჯოლის საკრებულოს განცხადებით დღეს მიმართა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.