კულტურა
ჩემი ხელოვნების პრინციპი სიყვარულის პროპაგანდაა - პერფორმანსი ქუთაისის სამხატვრო გალერეაში ( ვიდეო)
პერფორმანსი მოსკოველმა არტისტმა კატია კანდორმა წარმოადგინა.

ქუთაისში თანამედროვე ხელოვნების საერთაშორისო ფესტივალი "ქარავან არტ ფორუმი 2016"-ის მეორე დღე პერფორმანსს, გამოფენებს და კონფერენციას დაეთმო.

პერფორმანსი მოსკოველმა არტისტმა კატია კანდორმა წარმოადგინა.

მხატვარმა დავით კაკაბაძის გალერეის ეზოში ტილოზე მაყურებლის თვალწინ  აბსტრაქტული ხელოვნების ფერწერული ნამუშევარი შექმნა.  პერფორმანსის დასრულების  შემდეგ მან ნამუშევრის კონცეფცია  ახსნა.

"ჩემი ხელოვნების პრინციპია სიყვარულის, ბედნიერებისა და სიხარულის პროპაგანდა. პერფორმანსის დროს წარმოვადგენ იმას, რომ ცხოვრება მიდის, იცვლება და არაფერია მუდმივი", - აღნიშნა კატია კანდორმა. 

მოსკოველი ხელოვანი საქართველოში პირველადაა და როგორც თავად აღნიშნავს, ქვეყანამ მის ყოველგვარ მოლოდინს გადააჭარბა.

"აქაურობა ძალიან ლამაზია, თბილა და სინათლეა",  - აღნიშნა მხატვარმა.

ქუთაისში თანამედროვე ხელოვნების საერთაშორისო ფესტივალი "ქარავან არტ ფორუმი 2016" მიმდინარე წლის 17 მაისს დაიწყო და 20 მაისამდე გასტანს.

ფესტივალის ფარგლებში დაგეგმილია კონფერენციები, გამოფენები, ასევე ქართული წარმოშობის ფრანგი მხატვრის, ანრი მაჭავარიანის  მასტერ კლასი.

"ქარავან არტ ფორუმი 2016" ანიტა რაჭველიშვილის კონცერტით დაიხურება. მეცო-სოპრანო კომპოზიტორისა და დირიჟორის, ნიკოლოზ რაჭველის ერთობლივ პროექტს წარმოადგენს, რომლის პრემიერა 2014 წელს ნიუ -იორკში გაიმართა.



Print E-mail
FaceBook Twitter
მსგავსი სიახლეები
20 თებერვალს, ქუთაისის ოპერის თეატრის დამაარსებლის თეიმურაზ
კობახიძის დაბადებიდან ასი წლისადმი მიძღვნილი კონცერტი
გაიმართება. 
15:27 / 14.02.2024
20 თებერვალს, ქუთაისის ოპერის თეატრის დამაარსებლის თეიმურაზ კობახიძის დაბადებიდან ასი წლისადმი მიძღვნილი კონცერტი გაიმართება. 
მესხიშვილის თეატრი თებერვლის თვეში ექვს სპექტაკლის
წარმოადგენს. 
15:45 / 31.01.2024
მესხიშვილის თეატრი თებერვლის თვეში ექვს სპექტაკლის წარმოადგენს. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.