ვიდეო
ცხოველური ნარჩენები მდინარე რიონში (ვიდეო)
FaceBook
ქუთაისში, ნიკეას ქუჩაზე, მსხვილფეხა რქოსანი პირუტყვის ნარჩენებით მდინარე რიონის დაბინძურების ფაქტს გარემოს ზედამხედველობის დეპარტამენტი იკვლევს.
შემთხვევა რამდენიმე დღის წინ, ადგილობრივმა მცხოვრებმა ფოტოზე ასახა.

მისი მტკიცებით, ფაქტი ნიკეას ქუჩაზე არსებულ ცხოველთა სასაკლაო შპს "ნიკორა 2015"-ის მიმდებარე ტერიტორიაზე მოხდა.

ქუთაისიპოსტი დაინტერესდა რა მდგომარეობაა ამჟამად ამ ადგილზე.



მდინარეში გადაყრილ ცხოველურ ნარჩენებს სანომრე ნიშანი აქვს. ტერიტორიაზე მძაფრი სუნია.


მოქალაქის მიერ გადაღებული ფოტო

როგორც გაირკვა, ნიკეას ქუჩაზე ცხოველთა სასაკლაო შპს "ნიკორა 2015" ოთხი წელია მოქმედებს. საწარმოში უარყოფენ, რომ მდინარეში გადაყრილი დაკლული პირუტყვის ნარჩენები მათ ეკუთვნით. სასაკლაოს ფინანსური მენეჯერის მტკიცებით, ნარჩენების კონსერვაციას სპეციალურად გამოყოფილ, მოსახლეობისგან მოშორებულ ადგილზე ახდენენ.

"ძალიან რთულია ვინმესკენ ხელი გავიშვიროთ, თუმცა ამ ტერიტორიაზე არსებობენ კერძო პირები, რომლებიც კუსტარული წესით ეწევიან მსგავს მომსახურებას და შესაძლებელია, ეს ნარჩენები მათი გადაყრილი იყოს," - ამბობს სასაკლაოს ფინანსური მენეჯერი, ეთო ჩუმაშვილი.

შპს "ნიკორა 2015"-მა ქუთაისიპოსტს უფლება მისცა  სარეგისტრაციო ჟურნალში ბოლო ერთი თვის მონაცემები გადაემოწმებინა. ფოტოზე ასახული დაკლული პირუტყვის ნიშანზე მითითებული ნომერი იქ არ აღმოჩნდა.

სასაკლაოს ფინანსური მენეჯერის მტკიცებით, საწარმოს რეგულარულად ამოწმებს სურსათის ეროვნული სააგენტო და გარემოს ზედამხევდელობის სამსახური.

ქუთაისიპოსტთან საუბარში სურსათის უვნებლობის სააგენტოში აცხადებენ, რომ ნომრის საშუალებით მფლობელის იდენტიფიცირება შესაძლებელია, თუმცა ეს ინფორმაცია კონფიდენციალურია. უწყებაში ფაქტს დანაშაულად აფასებენ და ამბობენ, რომ შეისწავლიან.

ზედამხედველობის დეპარტამენტს ამ შემთხვევის შესახებ ინფორმაცია ქუთაისიპოსტმა მიაწოდა. უწყებაში ამბობენ, რომ ნიკეას ქუჩის იმავე მონაკვეთზე, ცხოველური ნარჩენების დიდი რაოდენობით მდინარის დანაგვიანების ფაქტი, ერთი კვირის წინაც გამოვლინდა. მიაჩნიათ, რომ რიონს სასაკლაოს წარმომადგენლები აბინძურებენ. "ნიკორა - 2015-ს" სამართალდარღვევის ოქმი უკვე შეუდგინეს და ქუთაისის საქალაქო სასამართლოსაც მიმართეს.

ნარჩენების მართვის კოდექსის თანახმად, იურიდიული პირი 20კგ-მდე ნარჩენებით დანაგვიანებისთვის 500 ლარით ისჯება, ხოლო 20კგ-ის ზევით - 1000 ლარით.
გარემოს ზედამხედველობის დეპარტამენტის ინფორმაციით, საქალაქო სასამართლოს გადაწყვეტილებით, შესაძლოა, საწარმოს ტერიტორიის დასუფთავებაც დაევალოს.

რაც შეეხება, მოქალაქის მიერ გადაღებულ ფოტოზე აღბეჭდილ სანომრე ნიშანს, დეპარტამენტში ამბობენ, რომ მისი მფლობელის შესახებ ინფორმაციას მოიკვლევენ და შესაბამის ღონისძიებებს გაატარებენ.



Print E-mail
FaceBook Twitter



მსგავსი სიახლეები
Ხელნაწერები არ იწვიან.


Როგორც აღმოჩნდა, არც ფოტოები.

ფოტომ შეიძლება გამოიაროს დიდი საბჭოთა ტერორის
ხანა, დახვრეტების და დახვრეტილ ადამიანებზე ყველა მასალის
განადგურების საუკუნე. გამოიაროს დიდი ხანძარი, მაინც გადარჩეს და
დარჩეს ისტორიას.

ასე გადარჩა Საქართველოს პირველი რესპუბლიკის
დამფუძნებელი კრების წევრის აპოლონ სულაქველიძის ფოტო.

იგი იმაზე იღბლიანი აღმოჩნდა, ვიდრე მასზე
გამოსახული ადამიანი და ის სახელმწიფოც, რომელსაც ეს ადამიანი
ემსახურებოდა.

აპოლონ სულაქველიძე ზესტაფონის სოფელ სვირში
დაიბადა. გლეხის ოჯახში. გააჩნდა ორი კლასის განათლება, თუმცა
გამოირჩეოდა ლიდერის თვისებებით.

1905 წლიდან მუშაობდა რუსეთის
სოციალ-დემოკრატიულ მუშათა პარტიის იმერეთის კომიტეტში ბუდუ
მდივანთან, ნოე რამიშვილსა და რაფიელ ჩიხლაძესთან ერთად.

მონაწილეობდა 1905 წლის რევოლუციურ
მოძრაობაში.
18:13 / 25.02.2021
Ხელნაწერები არ იწვიან.


Როგორც აღმოჩნდა, არც ფოტოები.

ფოტომ შეიძლება გამოიაროს დიდი საბჭოთა ტერორის ხანა, დახვრეტების და დახვრეტილ ადამიანებზე ყველა მასალის განადგურების საუკუნე. გამოიაროს დიდი ხანძარი, მაინც გადარჩეს და დარჩეს ისტორიას.

ასე გადარჩა Საქართველოს პირველი რესპუბლიკის დამფუძნებელი კრების წევრის აპოლონ სულაქველიძის ფოტო.

იგი იმაზე იღბლიანი აღმოჩნდა, ვიდრე მასზე გამოსახული ადამიანი და ის სახელმწიფოც, რომელსაც ეს ადამიანი ემსახურებოდა.

აპოლონ სულაქველიძე ზესტაფონის სოფელ სვირში დაიბადა. გლეხის ოჯახში. გააჩნდა ორი კლასის განათლება, თუმცა გამოირჩეოდა ლიდერის თვისებებით.

1905 წლიდან მუშაობდა რუსეთის სოციალ-დემოკრატიულ მუშათა პარტიის იმერეთის კომიტეტში ბუდუ მდივანთან, ნოე რამიშვილსა და რაფიელ ჩიხლაძესთან ერთად.

მონაწილეობდა 1905 წლის რევოლუციურ მოძრაობაში.

"Სოციალ -დემოკრატი იყო. გამორჩეული აკადემიური ცოდნა არ გააჩნდა, მაგრამ გახლდათ დიდი გავლენის მქონე მუშებისა დ ა გლეხების წრეებში. Რეპრესირებული იყო მეფის ხელისუფლებიდან", - ამბობს საბჭოთა წარსულის კვლევის ლაბორატორიის მკვლევარი დავით ხვადაგიანი.

Რეპერესიებს საკუთარ სოფელში შეეფარა.

თუმცა საქართველოს დამოუკიდებლობის გამოცხადების შემდეგ კვლავ გააქტიურდა.

1919 წლის 12 მარტიდან აირჩიეს საქართველოს რესპუბლიკის დამფუძნებელი კრების წევრად.

1921 წლის იანვარში ჩამოაყალიბა ოპოზიციური ჯგუფი "სხივი", რომელიც პარტიას აკრიტიკებდა იდეური პრინციპების დარღვევის, სახელმწიფო მმართველობის წარუმატებელი კურსისა და პარტიაში შიდა დემოკრატიის შესუსტების გამო.

1921 წლის 11 თებერვლის დამფუძნებელი კრების სხდომაზე საჯაროდ განაცხადა საქართველოს სოციალ-დემოკრატიული მუშათა პარტიის დატოვებისა და "დამოუკიდებელი სოციალ-დემოკრატიული პარტია - სხივის" შექმნის შესახებ; მათ ცალკე ოპოზიციური ფრაქცია შეადგინეს დამფუძნებელ კრებაში.

თუმცა მალე მთავრობა და დამფუძნებელი კრების დეპუტატები სხვა დიდი პრობლემის -
ოკუპაციისა და პირველი რესპუბლიკის დასასრულის წინაშე დადგნენ .



აპოლონ სულაქველიძე ორჯერ დააპატიმრა საბჭოთა ხელისუფლებამ. Პირველად კონტრრევოლუციური აქტივობებისთვის, Მეორედ - "ტროცკისტობის" ბრალდებით.

Მესამედაც მოუნდომეს დაჭერა, მაგრამ აპოლონი გარდაცვლილი დახვდათ.

"როდესაც დაიწყო პოლიტიკური მოწინააღმდეგეების დაპატიმრება და დევნა აპოლონსაც მიადგნენ, მაგრამ გარდაცვლილი დახვდათ." Ჩეკას" ფხიზელ თვალს რატომღაც გამორჩა აპოლონის გარდაცვალების ფაქტი. Რადგან დასაპატიმრებელი არავინ იყო ჩხრეკა აღარ ჩაატარეს. Სტალინის თანახმად არ არსებობდა ადამიანი არ არსებობდა პრობლემაც. ამით გადარჩა მისი არქივი, რომელიც მოგვიანებით ხანძარმა იმსხვერპლა", - ამბობს დავით ხვადაგიანი.

არქივი განადგურდა, მაგრამ ფოტო ხანძრის ალმა გამოისროლა. ფოტო გადარჩა, ტერორის, დავიწყების, იქამდე ფიზიკის ყველა კანონის საპირისპიროდ.

ფოტოები არ იწვიან და არც დავიწყების უფლებას იძლევიან.




სტატიაში გამოყენებულია „საბჭოთა წარსულის კვლევის ლაბორატორიის“ მასალები

16:19 / 23.02.2021
"ნაციონალური მოძრაობის" თავმჯდომარე ნიკა მელია სპეციალური დანიშნულების რაზმმა 23 თებერვალს გამთენიისას დააკავა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.