ვიდეო
ახალგაზრდა წყვილის ჩხუბი ქუჩაში - ქუთაისიპოსტის ექსპერიმენტი (ვიდეო)
FaceBook
13:41 / 06.12.2017

25 ნოემბერს მსოფლიო ქალთა მიმართ ძალადობის აღმოფხვრის დღეს აღნიშნავს.


სიჩუმის, სტიგმის და სირცხვილის გამო, დღეს ქალზე ძალადობა ადამიანის უფლებათა დარღვევის ყველაზე გავრცელებული ფორმაა. მიუხედავად იმისა, რომ ბოლო წლების განმავლობაში სულ უფრო აქტიურად მიდის ბრძოლა ქალის ფიზიკური, სექსუალური ფსიქოლოგიური ჩაგვრის წინააღმდეგ, პრობლემა აქტუალურობას არ კარგავს.


„ქუთაისიპოსტმა“ ორ ახალგაზრდას სთხოვა, ქუჩაში ქალზე „მსუბუქი“ ძალადობის სცენა გაეთამაშებინა, რათა გაგვეგო, გაიზარდა თუ არა საზოგადოების მგრძნობელობა ამ საკითხის მიმართ, მიიჩნევენ თუ არა ქუჩაში გამვლელები, რომ ქალზე ძალადობა მხოლოდ მოძალადის და მსხვერპლის საქმე არ არის და მათ შეუძლიათ წყვილს მძიმე შედეგები აარიდონ თავიდან.


ექსპერიმენტი ქალაქის ცენტრალურ ნაწილში, ხალხმრავალ ადგილას დავგეგმეთ. სოციალური ექსპერიმენტის მსვლელობის დროს წყვილს 80-მდე ადამიანმა ჩაუარა და ქუჩის საპირისპირო მხარესაც, საიდანაც კარგად ჩანდა ფიზიკური ძალადობის ფაქტი და ისმოდა ჩხუბის ხმა, ბევრი ხალხი ირეოდა.


სოციალურ ექსპერიმენტში მონაწილეობისთვის „ქუთაისიპოსტი მადლობას უხდის თემოს და ლილე ბერიძეს, რომელიც ჩვენი მედიაორგანიზაციის ახალი თანამშრომელია.

რამდენი ადამიანი ჩაერია ჩხუბში და რამდენმა ჩაიარა გულგრილად, ნახეთ ვიდეოექსპერიმენტში:


„ქუთაისიპოსტის“ სოციალური ექსპერიმენტის შედეგი ასეთია: კონფლიქტში ჩარევის სამი ფაქტი, არცერთი ზარი 112-ზე ან ცხელ ხაზზე, მუხედავად იმისა, რომ ბიჭი გოგოს ფიზიკურად ეხებოდა, აჯანჯღარებდა და ხელს ჰკრავდა. ძალადობის აღკვეთის მხოლოდ  სამი მცდელობა, თითქმის ერთსაათიანი ექსპერიმენტის დროს, ცუდი შედეგია.  სავარაუდოდ, თუნდაც 10 წლის წინ, არც ასეთი სურათი იქნებოდა, ვინაიდან ქალზე ძალადობა, „ოჯახის საქმედ“ აღიქმებოდა.


უნდა აღინიშნოს, რომ კვლევების მიხედვით, საზოგადოების მგრძნობელობა ქალზე ძალადობის კუთხით გაზდილია. ეს ოჯახში ძალადობის ფაქტების გამოვლენის მკვეთრად გაზრდილი ციფრით დასტურდება. თუმცა, ეს არ
ნიშნავს, რომ საზოგადოება სრულად არის ინფორმირებული ძალადობის პრევენციის მექანიზმისა და ამაში საკუთარი როლის შესახებ.


ქალზე ძალადობის არაერთი ფორმა არსებობს: ფიზიკური, ფსიქოლოგიური, სექსუალური, ეკონომიკური, იძულება.


მსხვერპლმა და ძალადობის ფაქტის მოწმემ, იმის მიუხედავად, ოჯახის წევრია თუ არა, უნდა დარეკოს 


ცხელ ხაზზე 30 93 09, ან +995 32 116 006 სადაც უფასო კონსულტაციას გაუწევენ, ან მიმართოს სამართალდამცავ ორგანოებს - 112.

Print E-mail
FaceBook Twitter
მსგავსი სიახლეები






ევროპა და ევროპელობა სხვაგვარად აღიქმება და ინტერპრეტირდება
მამებისა და შვილების თაობებში.
18:36 / 01.07.2020
ევროპა და ევროპელობა სხვაგვარად აღიქმება და ინტერპრეტირდება მამებისა და შვილების თაობებში.
ხარაგაულის მუნიციპალიტეტის სოფელ უბისას მცხოვრებლებს გზის,
ბუნებრივი აირის, სამანქანო ხიდის არ არსებობა ერთდროულად აწუხებს.
17:44 / 28.06.2020
ხარაგაულის მუნიციპალიტეტის სოფელ უბისას მცხოვრებლებს გზის, ბუნებრივი აირის, სამანქანო ხიდის არ არსებობა ერთდროულად აწუხებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.