"ჩხეტო" თავისი ნებით არ წასულა - გულშემატკივრები კახა ჩხეტიანს შეხვდნენ
FaceBook
ქუთაისის "ტორპედოს" ფანკლუბის წევრები, რომლებიც გუნდის აქტიური გულშემატკივრები არიან, წერენ, რომ კლუბიდან გაშვებულ უკვე ყოფილ მთავარ მწვრთნელს შეხვდნენ.

მათი ინფორმაციით, კახა ჩხეტიანი ერთ-ერთი ბოლო მატჩის შემდეგ დაიბარეს და გუნდიდან გაუშვეს.

"დღეს შევხვდით კახა ჩხეტიანს და ასევე ხელმძღვანელობას, უნდა იცოდეთ ყველამ, რომ "ჩხეტო" თავისი ნებით არ წასულა, გორთან წაგებული 0:3 ის შემდეგ დაიბარეს და გუნდიდან გაუშვეს, ისევე,  როგორც თითოეული ჩვენგანისთვის,  ასევე ჩხეტოსთვის ეს იყო მოულოდნელი, რადგან ყველამ ვიცოდით,  რომ ამ სეზონში დავალება იყო ეროვნულ ლიგაში ადგილის შენარჩუნება
", - ამბობენ გულშემატკივრები.

მათი თქმით, კლუბის ხელმძღვანელობა განიხილავს როგორც ქართველი, ასევე, უცხოელი მწვრთნელის კლუბში აყვანას, მანამდე კი კახა ჩხეტიანის მოვალეობას შოთა ბაბუნაშვილი შეასრულებს. 


"ტორპედოს" მთავარი მწვრთნელი, კახა ჩხეტიანი კლუბიდან პირველ ნოემბერს გაუშვეს. კლუბის ხელმძღვანელობამ ამის შესახებ განცხადება მხოლოდ ოფიციალურ გვერდზე გააკეთა, სადაც ნათქვამია, რომ ხელშეკრულების გაწყვეტის მიზეზი გუნდის დაბალი შედეგებია. დამატებითი განმარტება კლუბისთვის მნიშვნელოვან ცვლილებაზე ამ დრომდე არ გაკეთებულა. განმარტება არ გაუკეთებია არც კახა ჩხეტიანს.

მთავარი მწვრთნელის გუნდისთვის ჩამოშორებას შეფასებები მოჰყვა სოციალურ ქსელში. გულშემატკივართა ნაწილი მომხდარს ჩხეტიანის საარჩევნო პროცესში ჩართვას უკავშირებს და მიიჩნევს, რომ იგი გახარიას პარტიის წევრობისთვის დასაჯეს. როგორც ცნობილია, კახა ჩხეტიანი "ტორპედოს" მწვრთნელობის პარალელურად, ადგილობრივი თვითმმართველობის არჩევნებში, ყოფილი პრემიერის გიორგი გახარიას პარტიის "საქართველოსთვის" სახელით, საკრებულოში შესვლისთვის იბრძოდა.

კახა ჩხეტიანი ქუთაისურ კლუბში 2017 წლიდან მუშაობდა. ფინანსური კრიზისის დროს იგი "დინამოში" გადავიდა, შემდეგ კი ისევ "ტორპედოში" დაბრუნდა.

Print E-mail
FaceBook Twitter
მსგავსი სიახლეები
ქუთაისის მერიამ 2021 წლის წარმატებული სპორტსმენები და მწვრთნელები
დააჯილდოვა.
12:37 / 28.12.2021
ქუთაისის მერიამ 2021 წლის წარმატებული სპორტსმენები და მწვრთნელები დააჯილდოვა.
საქართველოს ეროვნული ოლიმპიური კომიტეტის ორგანიზებით, წლის
საუკეთესო სპორტსმენების დაჯილდოების ცერემონია ჩატარდა.
15:08 / 24.12.2021
საქართველოს ეროვნული ოლიმპიური კომიტეტის ორგანიზებით, წლის საუკეთესო სპორტსმენების დაჯილდოების ცერემონია ჩატარდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.