"19 წლამდელთა გაყვანა რომ მოგვიწიოს, ჩემპიონატს არ ჩავშლით"- კახა ჩხეტიანი
FaceBook

,,ტორპედოს’’ მთავარი მწვრთნელი კახა ჩხეტიანი კლუბში შემქნილი კრიზისის მიზეზებზე საუბრობს.

ის ამბობს, რომ გუნდში ფინანსური პრობლემებია, რის გამოც ფეხბურთელების კვებასაც ვერ უზრუნველყოფენ.

 

"შეუძლებელი იყო ვარჯიშის ჩატარება.  ფეხურთელები,  რომლებიც სხვადსხვა ქალქიდან არიან ჩამოსულები, ბაზაზე ცხოვრობდნენ და უბრალოდ საჭმელსაც ვერ ჭამდნენ, არ იყო ამის  თანხები. ძველმა სპონსორმა  შეწვიტა დაფინანსება და ახლა  გუნდი,  რომელიც ევროტურნირებისთვის ემზადებოდა,  პრაქტიკულად დაიშალა",–ამბობს კახა ჩხეტიანი. 

მისი თქმით, კრიზისის მიუხედავად, გუნდი ჩემპიონატში მაინც მიიღებს მონაწილეობას, თუმცა, საბოლოოდ,  გუნდის მთავარი მწვრთნელი შექმნილ კრიზისში ერთადერთ გამოსავლად სპონსორის გამოჩენას მიიჩნევს. 

"19 წლამდელების გაყვანაც რომ მოგვიწიოს, მაინც გავალთ და ჩემპიონატს არ ჩავშლით. ფეხბურთის ფედერაცია არ არის ის ორგანიზაცია, რომელიც  მთლიანად მის თავზე აიღებს გუნდის სპონსორობას, არც ქუთაისის მერიას აქვს  იმის უფლება, რომ გუნდს დაეხმაროს. ერთადერთი გამოსავალი არის ის, რომ გამოჩნდეს ისეთ ადამიანი, ვისაც ფეხბურთი უყვარს და ამ გასაჭირში დაუდგება გუნდს გვერდით", –ამბობს ჩხეტიანი.

"ტორპედოს" ფეხბურთელებმა ვარჯიშის შეწყვეტის შესახებ განცხადება 9 ოქტომბერს გააკეთეს. მათი თქმით, გაუსაძლისი პირობების გამო დროებით შეხვედრებში მონაწილეობაზე უარის თქმის გადაწყვეტილება მიიღეს და მოედანზე მანამდე არ დაბრუნდებიან, ვიდრე კლუბს სპონსორი არ გამოუჩნდება.


ტორპედოში“ რამდენიმე თვეა  ფინანსური კრიზისია.  სახელფასო დავალიანების გამო, მიმდინარე წლის გაზაფხულიდან ქუთაისური კლუბი წამყვანმა ფეხბურთელებმა დატოვეს.  კლუბის გულშემატკივრები, ფინანსების მოსაძიებლად,  ფეხბურთის ფედერაციასა და ფეხბურთის განვითარების ფონდთან შუამდგომლობის ვალდებულებას ქუთაისის მერს აკისრებენ. მათი თქმით, ადგილობრივ ხელისუფლებას კლუბში არსებულ პრობლემებზე დროული რეაგირება რომ  მოეხდინა,  მდგომარეობა ასე არ გამწვავდებოდა.



Print E-mail
FaceBook Twitter
მსგავსი სიახლეები
ქუთაისის საკრებულოს ფრაქცია
11:40 / 20.05.2020
ქუთაისის საკრებულოს ფრაქცია "ნაციონალური მოძრაობის" თავმჯდომარე, გიგა შუშანია საფეხბურთო კლუბ "ტორპედოს" ინვესტორისთვის გადაცემას მოითხოვს.
ეროვნულ ლიგაში
 გუნდის გარეშე დარჩენილი საფეხბურთო კლუბი  „ტორპედო“
უმძიმეს ვითარებაში იმყოფება. კლუბი ყველა წამყვანმა ფეხბურთელმა
დროებით დატოვა და ფინანსური კრიზისის პირობებში მოედანზე გასვლას არ
აპირებს.
12:59 / 21.10.2019

ეროვნულ ლიგაში  გუნდის გარეშე დარჩენილი საფეხბურთო კლუბი  „ტორპედო“ უმძიმეს ვითარებაში იმყოფება. კლუბი ყველა წამყვანმა ფეხბურთელმა დროებით დატოვა და ფინანსური კრიზისის პირობებში მოედანზე გასვლას არ აპირებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.