სამართალი
"ეს არის შეკვეთილი საქმე" - ირაკლი მერკვილაძე წაყენებულ ბრალზე
FaceBook
"ეს არის შეკვეთილი საქმე", - ამ სიტყვებით დაიწყო შესავალი სიტყვა სასამართლო პროცესზე ბრალდებულმა  ირაკლი მერკვილაძემ.  ქუთაისის #2 სამშობიაროს მთავარმა ექიმმა,  სხდომაზე,  მის წინააღმდეგ მიზანმიმართულ ქმედებაში ღიად დაადანაშაულა მისი ყოფილი პარტნიორი,  დავით ხონელიძე და საქმეს შეკვეთილი უწოდა.

"ეს საქმე არის ქუთაისის პროკურატურის მიერ შეკვეთილი. მაქვს გონივრული ეჭვი, რომ ეს  შეუკვეთა დავით ხონელიძემ, რომელიც არის ყოფილი პროკურორი და მისი ახლობლები დღემდე მუშაობენ პროკურატურაში. ტარგედიაა ის, რაც მოხდა, მაგრამ უფრო დიდი ტრაგედიაა პაციენტის გარდაცვალებაში მისი მკურნალი ექიმი დაადანაშაულო", - განაცხადა ქუთაისის სააპელაციო სასამართლოში  გამართულ პროცესზე  ირაკლი მერკვილაძემ.

მან დავით ხონელიძე კლინიკის ქონების გაფლანგვაშიც დაადანაშაულა, რაზეც, მისი თქმით, საქმეა აღძრული და სწორედ ეს არის მოტივი  თუ რატომ მოქმედებს დავით ხონელიძე მის წინააღმდეგ.

ყოფილი პარტნიორის ბრალდებაზე კომენტარს არ აკეთებს დავით ხონელიძე. 

ამ წუთებში ქუთაისის სააპელაციო სასამართლოში, ქუთაისის #2 სამშობიაროს მთავარი ექიმის, ირაკლი მერკვილაძის მორიგი პროცესი მიმდინარეობს.

პროცესზე დაცვის მხარის ადვოკატი და ბრალდეული შესავალი სიტყვით წარსდგნენ. ირაკლი მერკვილაძის ადვოკატმა ალქსანდრე თათელიშვილმა ეჭქვეშ დააყენა პირველი ინსტანციის სასამართლოს გადაწყვეტილება და საქმეზე ჩატარებული ექსპერტიზის დაკვნები. ალექსანდრე თათელიშვილის თქმით, ბრალდების მხარის მიერ საქმეზე ჩატარბული ექსპერტიზის ექვსი დასკვნიდან სამი წინააღმდეგობრივია.

ქუთაისის N2 ახალი სამშობიაროს მთავარმა ექიმმა, ირაკლი მერკვილაძემ, 22 წლის ვიოლეტა მატინოვას საკეისრო კვეთა 2013 წელს ჩაუატარა. გოგონა ოპერაციიდან რამდენიმე დღეში გარდაიცვალა.

ირაკლი მერკვილაძე 2018 წლის  26 იანვარს, სასამართლო დარბაზში დააკავეს. მას ორწლიანი პატიმრობა აქვს მისჯილი.

#2 სამშობიაროს მთავარი ექიმის  საქმეზე,  მომდევნო სხდომა 2018 წლის 8 ივნისს გაიმართება. 

ამავე თემაზე:

„ექსპერტიზის დასკვნაში ბევრი წინააღმდეგობაა“ - ირაკლი მერკვილაძის პროცესი სააპელაციო სასამართლოში

ირაკლი მერკვილაძის გათავისუფლების მოთხოვნით საპროტესტო აქციებს აანონსებენ

ირაკლი მერკვილაძის საქმე სააპელაციო სასამართლოში გაასაჩივრეს


ირაკლი მერკვილაძის ადვოკატი საქალაქო სასამართლოს გადაწყვეტილებას გაასაჩივრებს

საკეისრო კვეთის შემდეგ დაღუპული გოგონა და დაპატიმრებული ექიმი

ირაკლი მერკვილაძის დაკავებას ექიმები აპროტესტებენ

Print E-mail
FaceBook Twitter
მსგავსი სიახლეები
ქუთაისში, 30 წლის ქალის
მკვლელობაში ბრალდებულს საქალაქო სასამართლომ ორთვიანი წინასწარი
პატიმრობა შეუფარდა.
15:57 / 22.07.2020
ქუთაისში, 30 წლის ქალის მკვლელობაში ბრალდებულს საქალაქო სასამართლომ ორთვიანი წინასწარი პატიმრობა შეუფარდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.