პოლიტიკა
ვანში "ქართული ოცნების" კოორდინატორებმა ხმის მიცემის კაბინებთან ვიდეოკამერა დაამონტაჟეს
FaceBook
ვანში, სოფელ შუამთის 22-ე საარჩევნო უბანზე "ქართული ოცნების" მხარდამჭერებმა კამერა ხმის მიცემის კაბინების თავზე დაამონტაჟეს.


ფაქტი უბანზე მყოფი ოპოზიციური პარტიების დამკვირვებლებმა დააფიქსირეს და მისი მოხსნა მოითხოვეს.

მათი თქმით, კამერა კაბინაში შესული ამომრჩევლის მიერ ბიულეტენების შემოხაზვის პროცესს იღებდა, რაც კანონით აკრძალულია. ფაქტის გაპროტესტებისა და საჩივრის დაწერის შემდეგ, ადგილზე ვანის საოლქო საარჩევნო კომისიის თავმჯდომარე მივიდა.

ზაზა გიორგაძის თქმით, კამერა ხმის მიცემის პროცესს არ ასახავდა და ამომრჩევლის მიერ დაფიქსირებული არჩევანის ფარულობა დაცული იყო. ამის მიუხედავად, საუბნო კომისიის თავმჯდომარის გადაწყვეტილებით, კამერა მალევე მოხსნეს და სხვა ადგილზე გადაიტანეს.

"ქართული ოცნების" საარჩევნო შტაბში არ უარყოფენ, რომ კამერა ხმის მიცემის კაბინებთან ახლოს დაამონტაჟეს, თუმცა აცხადებენ, რომ ამით ამომრჩევლის უფლება არ დარღვეულა.

ვანის მუნიციპალიტეტი 22-ე სამაჟორიტარო ოლქში შედის.  სამტრედიის, წყალტუბოსა და ხონის ჩათვლით ოლქში რეგისტრირებულია 144 150 ამომრჩეველი და გახსნილია 183 საარჩევნო უბანი.

მე-10 მოწვევის პარლამენტის არჩევნები, 29 ივნისს მიღებული საკონსტიტუციო ცვლილების მიხედვით, შერეული საარჩევნო სისტემით ტარდება. ეს იმას ნიშნავს, რომ ქვეყანას 30 მაჟორიტარი ეყოლება ნაცვლად 73-ისა. 1%-იანი ბარიერი შედარებით მცირე მხარდაჭერის მქონე პარტიებს პარლამენტში შესვლის საშუალებას მისცემს.

31 ოქტომბერს, პარლამენტის პარალელურად, იმერეთის სამ მუნიციპალიტეტში მერის არჩევნებიც მიმდინარეობს.

ქუთაისში მერობისთვის რვა კანდიდატი იბრძოლებს, ხარაგაულში ხუთი, ხოლო თერჯოლაში მერობის  ოთხი კანდიდატი.





Print E-mail
FaceBook Twitter



მსგავსი სიახლეები
საქართველოს ეკონომიკის და მდგრადი განვითარების
მინისტრის, ნათია თურნავას განცხადებიდან, მეორე
დღეს Wizz
Air-ი აცხადებს, რომ  ზუსტად არ იცის როდის აღადგენს ფრენებს.


დაბალბიუჯეტიან ავიაკომპანია Wizz Air-ი,
აცხადებს, რომ ამ ეტაპზე ფრენების აღდგენის ზუსტი თარიღის დასახელება
რთულია. კომპანიის განმარტებით, ტარიღის დასახელების მიზეზი 
ქვეყნების მთავრობების გადაწყვეტილებაა, რომლებიც სხვადასხვა
შეზღუდვით ვირუსის გარცელების შეჩერებას ცდილობენ.
11:25 / 05.03.2021
საქართველოს ეკონომიკის და მდგრადი განვითარების მინისტრის, ნათია თურნავას განცხადებიდან, მეორე დღეს Wizz Air-ი აცხადებს, რომ  ზუსტად არ იცის როდის აღადგენს ფრენებს.


დაბალბიუჯეტიან ავიაკომპანია Wizz Air-ი, აცხადებს, რომ ამ ეტაპზე ფრენების აღდგენის ზუსტი თარიღის დასახელება რთულია. კომპანიის განმარტებით, ტარიღის დასახელების მიზეზი  ქვეყნების მთავრობების გადაწყვეტილებაა, რომლებიც სხვადასხვა შეზღუდვით ვირუსის გარცელების შეჩერებას ცდილობენ.

"Wizz Air-ი" საქართველოდან ფრენებს განაახლებს როგორც კი რეგულაციები და შეზღუდვები ამის საშუალებას მისცემს და მოთხოვნაც გამოჩნდება. ამ ეტაპზე ძალიან ადრე იქნება ფრენების განახლების ზუსტ თარიღზე კომენტარის გაკეთება. ფრენების განახლების თარიღით სპეკულაციას არ დავიწყებ, რადგან ვითარება ყველა ქვეყნის ბაზარზე ძალიან ცვალებადია, რადგან მთავრობები კოვიდ-19-ის გავრცელების შესაკავებლად, ცდილობენ, რაც შეუძლიათ ყველაფერი გააკეთონ. "Wizz Air-ი" კვლავ ერთგულია საქართველოსი და ქუთაისიდან ფრენებს აღადგენს როგორც კი ვითარება ამის შესაძლებლობას მისცეს,"-აცხადებს კომპანიის კომუნიკაციების მენეჯერი ანდრას რადო.

კორონავირუსის პანდემიის გამო რეგულარული ფრენების შესრულება გასული წელს, მარტში შეწყდა.

საქართველოს მთავრობამ, რეგულარულ საჰაერო მიმოსვლაზე დაწესებული შეზღუდვა პირველი თებერვლიდან მოხსნა და გაიზარდა იმ ქვეყნების რაოდენობაც, საიდანაც უცხო ქვეყნის მოქალაქეები მხოლოდ პისიარ ტესტის საფუძველზე შემოდიან.

2020 წლის აგვისტომდე რეგულარული ფრენები არ აღდგენილა.
ეკონომიკისა და სოფლის მეურნეობის მინისტრები
ცაგერში ნამახვანჰესის მშენებლობის მოწინააღმდეგეებს
შეხვდებიან.
10:55 / 05.03.2021
ეკონომიკისა და სოფლის მეურნეობის მინისტრები ცაგერში ნამახვანჰესის მშენებლობის მოწინააღმდეგეებს შეხვდებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.