პოლიტიკა
„ფეხმოტეხილ ადამიანს ყურადღება არ მიაქციეს“– ქუთაისში სამედიცინო პერსონალის დასჯას ითხოვენ
FaceBook

ქუთაისში მცხოვრები მერაბ კოღუაშვილი,  დედის, ელიკო კოღუაშვილის  გარდაცვალებაში  ზურაბ ცხაკაიას ინტერვენციული მედიცინის ცენტრის სამედიცინო პერსონალს ადანაშაულებს.



მისი თქმით,  პაციენტს, რომელიც კლინიკაში  ბარძაყის ყელის მოტეხილობით შეიყვანეს, ორი საათის განმავლობაში ყურადღება არ მიაქციეს. შემდეგ კი,  მხოლოდ რენტგენოგრამა გაუკეთდა. სხვა დამატებითი კვლევა  არ ჩატარებია. არ მომხდარა  კიდურის ფიქსაცია და  პაციენტისთის  რეკომენდაციაც კი არ დაუწერიათ.


შემთხვევა 2013 წელს მოხდა. მერაბ კოღუაშვილი მეექვსე წელია სამედიცინო პერსონალის ნაწილის, კერძოდ, ორთოპედის, გიორგი ღვინჯილიასა და მიმღები ექიმის, მარიკა ჩიხლაძის  სისხლის სამართლის პასუხისგებაში მიცემას ითხოვს. მისივე თქმით, თუ პროკურატურა საქმეს გულდასმით შეისწვალის, სხვა პირების პასუხისმგებლობაც გამოიკვეთება.

გარდაცვლილის შვილი ამბობს, რომ მთვარი მიზეზი, რის გამოც ექიმებმა დედამისის მიმართ უყურადღებობა გამოიჩინეს, ფულია.


„ორი საათი ფეხმოტეხილ ადამიანს არავინ მიაქცია ყურადღება. მორიგე ექიმი საერთოდ არ ჩამოსულა. შემდეგ, ისე, რომ არავითარი გამოკვლევა არ ჩატარებია, გარდა რენტგენისა,  გვითხრეს წაიყვანეთ სახლში და   10 დღეში მოიყანეთ, როცა მიკროფლორა აღდგებაო. დაგვაიმედეს, არაფერი საშიში არ არისო. სახლში მიყვანიდან მალევე დამძიმდა მდგომარეობა, გაუშავდა ფეხები,  დაკარგა გონება.  წავიყვანეთ ისევ საავადმყოფოში და უკვე გვიანი იყო.  მთავარი მიზეზი იყო ფული. ჩვენ გვქონდა დაზღვევა, მაგრამ გვითხრეს არ  ფინანსდება ეს ოპერაციაო. შემდეგ როგორც ჩვენ  გავიგეთ ეს ოპერაცია ფინანსდება, 15 000 ლარი არის ლიმიტი, მაგრამ ამათ ხელზე უნდოდათ ფულის აღება. ამდენი წელია ვიბრძვით და ჯერ შედეგი არ არის“,–ამბობს მერაბ კოღუშვილი.

80 წლის ელიკო  კოღუაშვილის საქმეს მეექვსე წელია პროკურატურა იძიებს. გამოძიება  116–ე მუხლით მიმდინარეობს, რაც გაუფრთხილებლობით სიკვდილს გულსიხმობს, თუმცა, მომხდარში სამედიცინო პერსონალის  ბრალეულობა ამ დრომდე არ გამოკვეთილა. ექიმებს მხოლოდ  წერილობითი გაფრთხილება მისცა რეგულირების სააგენტომ.  სააგენტოს გადაწყვეტილებას არ დაეთანხმა გარდაცვლილის ოჯახი და საქმე თბილისის საქალაქო სასამართლოში გაასაჩივრა, თუმცა, როგორც პირველი, ასევე, მეორე ინსტანციის სასამართლომ სარჩელი არ დააკმაყოფლა და ძალაში დატოვა რეგულირების სააგენტოს  გადააწყვეტილება.


ელიკო კოღუაშვილის ოჯახის ადვოკატი, ივანე ლომიძე ამბობს, რომ გამოძიება არასწორი მიმართულებით მიდის და მუხლის გადაკალიფიცირება უნდა მოხდეს.

„საქმე უნდა აღიძრას  130–ე მუხლით,  რაც გულისხმობს  მედიცინის მუშაკის მიერ საპატიო მიზეზის გარეშე პაციენტის დაუხმარებლობას. ექიმებმა არაფერი გაკეთეს იმისთვის, რომ ელიკო კოღუაშვილი  გადაერჩინათ და ფეხის მოტეხვით გარდაიცვალა ადამიანი. პროკურტურა  ხელს აფარებს  დამნაშავე პირებს“,–აცხადებს ივანე ლომიძე.

გარდაცვლილის ოჯახმა უკვე მიმართა სახალხო დამცველის ოფისსაც. მერაბ კოღუაშვილი სახალხო დამცელს მოუწოდებს მიმართოს პროკურატურას და მოითხოვოს გამონაკლისის სახით საქმის მასალებზე  წვდომა.

FaceBook Twitter
მსგავსი სიახლეები

ორი თვის წინ მსოფლიო მედიამ
გაავრცელა ინფორმაცია, რომ პრეზიდენტ ტრამპს (შესაბამისად შეერთებულ
შტატებს) კუნძულ „გრენლანდიის“ შეძენა სურს. ამას მაშინვე ხუმრობა
უწოდეს დანიის ყოფილმა თუ მომქმედმა პრემიერ-მინისტრებმა და, დასცინეს
კიდეც.
06:23 / 15.11.2019

ორი თვის წინ მსოფლიო მედიამ გაავრცელა ინფორმაცია, რომ პრეზიდენტ ტრამპს (შესაბამისად შეერთებულ შტატებს) კუნძულ „გრენლანდიის“ შეძენა სურს. ამას მაშინვე ხუმრობა უწოდეს დანიის ყოფილმა თუ მომქმედმა პრემიერ-მინისტრებმა და, დასცინეს კიდეც.

პარლამენტის მიერ პროპორციული საარჩევნო სისტემის
კანონპრროექტის ჩაგდება ქუთაისშიც გააპროტესტეს.
19:20 / 14.11.2019
პარლამენტის მიერ პროპორციული საარჩევნო სისტემის კანონპრროექტის ჩაგდება ქუთაისშიც გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
პარლამენტმა პროპორციულ საარჩევნო სისტემაზე გადასვლასთან დაკავშირებული საკონსტიტუციო ცვლილებები კენჭისყრაზე ჩააგდო.
„ქართული ოცნების“ თავმჯდომარე, ბიძინა ივანიშვილი პროპორციული წესით არჩვნების კანონპროექტის ჩავარდნასთან დაკაშვირებით განცხადებას აკეთებს.
დღეს, 14 ნოემბერს,  ქუთაისში,  მესხიშვილის თეატრის წინ, 19:00 საათზე საპროტესტო აქცია იგეგმება.
პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.
„მაგარი იქნება“,-ასე პასუხობს ქუთაისის მერი შეკითხვას 2020 წლის ბიუჯეტის პროექტზე.
ქუთაისში, ნიკეას ქუჩაზე სამშენებლო ობიექტიდან ორი კვირის წინ გადმოვარდნილი მუშა, გარდაიცვალა.
წყლის პრობლემა, სოფლებში მგლების შემოსევა, მრავალსართულიანი კორპუსების სადარბაზოებში კანალიზაციისა და გაზის გამათბობლის შემოწმება
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით,