პოლიტიკა
"მერია კარგად მუშაობდა, მაგრამ ჩვენ გვინდა უკეთესად ვიმუშაოთ", – გიორგი ჭიღვარია
FaceBook
ქუთაისის მერი  გიორგი ჭიღვარია დღეიდან, მერის უფლებამოსილების შესრულებას შეუდგა. პირველ სამუშაო დღეს  მერიაში მას ქუთაისის ყოფილი მერი, შოთა მურღულია დახვდა, რომელმაც ახალ მერს მერიის მუშაობის სპეციფიკა გააცნო.

გიორგი ჭიღვარია პირველ სართულზე განთავსებულ მომსახურების ბუროს თანამშრომლებს მიესალმა, მოგვიანებით კი მერიის თეთრ დარბაზში ჟურნალისტების შეკითხვებს უპასუხა.

"მერია კარგად მუშაობდა, მაგრამ ჩვენ გვინდა უფრო უკეთესად ვიმუშაოთ", – განმარტა  ქალაქის მერმა. 

მმართველი გუნდის მერობის კანდიდატი, გიორგი ჭიღვარია, ქუთაისის მერად 2017 წლის 12 ნოემბერს, ადგილობრივი თვითმმართველობის არჩევნების მეორე ტურში აირჩიეს. მან პირველ ტურში 50%-იანი ბარიერი ვერ გადალახა. პირველი ტურის შედეგების მიხედვით, გიორგი ჭიღვარიამ ხმების 48.66% მიიღო, ხოლო მისმა კონკურნეტმა "ნაციონალური მოძრაობიდან, გრიგოლ ვაშაძემ -27.04 %.

მეორე ტურში კი, სადაც ქუთაისში რეგისტრირებული 152 561 ამომრჩევლიდან არჩევნებზე მხოლოდ 17.98 % მივიდა, გიორგი ჭიღვარიამ 87.55%-იანი მხარდაჭერა მიიღო. გრიგოლ ვაშაძემ კი ხმების 12.45% დააგროვა.

არჩევნების მეორე ტური, ქუთაისთან ერთად 5 თვითმმართველ თემში ჩატარდა.

გიორგი ჭიღვარია მერის პოსტზე არჩევამდე იმერეთის ვიცე-გუბერნატორი იყო.


Print E-mail
FaceBook Twitter
მსგავსი სიახლეები
ორთვიანი წყვეტის შემდეგ,  საქალაქო
ტრანსპორტმა მუშაობა განაახლა, თუმცა,
პირველივე დღეს
გაფუჭდა #28
მიკროავტობუსი.
10:31 / 29.05.2020
ორთვიანი წყვეტის შემდეგ,  საქალაქო ტრანსპორტმა მუშაობა განაახლა, თუმცა, პირველივე დღეს გაფუჭდა #28 მიკროავტობუსი.
29 მაისიდან ქუთაისში სრულად აღდგა საქალაქო
ტრანსპორტის მოძრაობა.
09:59 / 29.05.2020
29 მაისიდან ქუთაისში სრულად აღდგა საქალაქო ტრანსპორტის მოძრაობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.