კულტურა
"კარგი იქნებოდა, დასის მიერ არჩეული კანდიდატი ყოფილიყო სამხატვრო ხელმძღვანელის პოსტზე"
FaceBook
ქუთაისის ლადო მესხიშვილის დრამატული თეატრის სამხატვრო ხელმძღვანელის წარდგენაზე, მინისტრის მიერ შერჩეული კანდიდატურით უკმაყოფილება გამოთქვა თეატრის ერთ-ერთმა მსახიობმა. ინგა კაკიაშვილმა მიხეილ გიორგაძეს,  რომელიც შეხვედრას ესწრებოდა,  უთხრა, რომ უმჯობესი იქნებოდა თუ პოსტზე არა კოტე აბაშიძეს, არამედ,  თეატრის მიერ არჩეულ მსახიობს, ენდი ძიძავას შეარჩევდა.

"კარგი იქნებოდა,  დასის უმრავლესობის მიერ არჩეული კანდიდატი ყოფილიყო ამ პოსტზე, მაგრამ რაც არის არის. ამ მილოცვებს კი აჯობებდა თეატრის განვითარების 4 წლიანი გეგმა წარმოედგინა ბატონ კოტეს. ვისმენთ თქვენს დაპირებებს წლიდან წლამდე და არ გვინდა, რომ კვლავ ფუჭი იმედები მოგვცეთ",-განაცხადა ინგა კაკიაშვილმა სამხატვრო ხელმძღვანელის წარდგენაზე.

კულტურის მინსტრმა, მიხეილ გიორგაძემ  მსახიობის შენიშვნა არ გაიზიარა და განაცხადა, რომ  კანონის მიხედვით კანდიდატურის შერჩევა სამინისტროში, კონკურსის საფუძველზე ხდება და თუ მსახიობებს ასეთი არჩევანის გაკეთება უნდათ, მაშინ კანონმდებლობაა შესაცვლელი.

კოტე აბაშიძისთვის მისივე დასის მსახიობის პრეტენზია მოულოდნელი არ იყო, თუმცა, მისი თქმით, იგი არ იყო ვალდებული დასს შეხვედროდა და წინასწარ გაეცნო თეატრის განვითარების 4 წლიანი გეგმა. 

"ვიცი, რომ არსებობს გარკვეული წყენა, რადგან მე თავიდანვე არ ვთქვი, რომ კონკურსში ვიღებდი მონაწილეობას. მე მაშინ ვიქნებოდი ვალდებული დასისთვის გამეცნო ჩემი პროგრამა, თუ თეატრის შიდა არჩევნებში მივიღებდი მონაწილეობას, მაგრამ მე  განაცხადი შევიტანე სამინისტროში, პირდაპირ კონკურსში და ვთვლი, რომ მე ვიყავი უკონკურენტო არსებულ კანდიდატებს შორის", - განაცხადა კოტე აბაშიძემ. 



Print E-mail
FaceBook Twitter
მსგავსი სიახლეები
ქუთაისის მესხიშვილის თეატრში 12-დან 26 ივნისის ჩათვლით. ფესტივალი
თეატრალური იმერეთი 2024 გაიმართება. 
10:02 / 04.06.2024
ქუთაისის მესხიშვილის თეატრში 12-დან 26 ივნისის ჩათვლით. ფესტივალი თეატრალური იმერეთი 2024 გაიმართება. 
ქუთაისელი მუსიკოსი გიორგი არაბიძე 2024 წლის (მე-2 სეზონის)
ბრიტანეთისა და საფრანგეთის ,,კომპოზიციის საერთაშორისო კონკურსების
12:25 / 08.05.2024
ქუთაისელი მუსიკოსი გიორგი არაბიძე 2024 წლის (მე-2 სეზონის) ბრიტანეთისა და საფრანგეთის ,,კომპოზიციის საერთაშორისო კონკურსების" გამარჯვებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.