კულტურა
„ნიკოს“ მიერ შესრულებული კიდევ ერთი კედელი ქუთაისში
FaceBook
ქუთაისის ქუჩებში „ნიკოს“ მიერ შესრულებული კიდევ ერთი ნამუშევარი გამოჩნდა.

ლ. ასათიანის ქუჩის ერთ-ერთი შენობის კედელზე შემსრულებლის, Ksyu-ს შთაბეჭდილებებით შექმნილი საფოსტო მარკაა დახატული, ბროწეულებისა და წეროების სიმბოლოებით.


,
„ეს ჩემი პირველი პერსონალური კედელია საქართველოში და მინდოდა სწორედ ამ ქვეყნის შესახებ დამეხატა, ამესახა ჩემი პირველი შთაბეჭდილებები საფოსტო მარკაზე. ბროწეული ჩემი ყველაზე მკაფიო პირველი შთაბეჭდილებაა, ის განასახიერებს თუ რაოდენ შინაარსიანია ცხოვრება აქ. მეორე კი წეროა - რომელიც პირველად ველურ ბუნებაში, გურიაში ვნახე. ის განასახიერებს თავისუფლებას, რითიც გაჯერებულია ჰაერი საქართველოში.

დიდი მადლობა ქუთაისელებს და ქალაქს, მათი მეგობრობისა და სტუმართმოყვარეობისათვის და ნიკოს მთელ გუნდს მხარდაჭერისთვის", - აღნიშნულია „ნიკოს“ მიერ გავრცელებულ ინფორმაციაში.

აღსანიშნავია, რომ ქუთაისში, ბალახვანში არსებული „შავი პრინცის“ „ძებნილებისადმი“ მიძღვნილი გრაფიტიც „ნიკოს“ მიერაა შესრულებული. შენობის კედელზე ქართულ ჰიპ-ჰოპში გავრცელებული ერთ-ერთი ყველაზე ცნობილი ფრაზა: "შავი პრინცის ძმები, ძებნილები და ჯერონიმოა“ დატანილი.

ქუჩის ხელოვნების მოძრაობა „ნიკო“ 5-6 წლის წინ შეიქმნა. მისი მიზანი ქალაქების გაფერადება და ქუჩის ხელოვნების განვითარებაა ."ნიკო" ქმნის ისეთ პლატფორმას, სადაც დამწყებ თუ გამოცდილ ხელოვანებს აქვთ საშუალება, წარმოაჩინონ თავიანთი ნამუშევრები და ამავე დროს ქალაქებს ახალ-ახალი ღირსშესანიშნაობები შემატონ.

ფოტო: Nick Paniashvili


Print E-mail
FaceBook Twitter
მსგავსი სიახლეები
მესხიშვილის თეატრი თებერვლის თვის აფიშას აქვეყნებს. 
12:56 / 01.02.2023
მესხიშვილის თეატრი თებერვლის თვის აფიშას აქვეყნებს. 
ქუთაისის თოჯინების თეატრში ახალ სპექტაკლზე მუშაობენ.
11:19 / 31.01.2023
ქუთაისის თოჯინების თეატრში ახალ სპექტაკლზე მუშაობენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.