კულტურა
„გოდოს მოლოდინში“ - პრემიერის მოლოდინი მესხიშვილის თეატრში
FaceBook
მესხიშვილის თეატრში სემუელ ბეკეტის "გოდოს მოლოდინში" სპექტაკლზე მუშაობა მიმდინარეობს. 

დადგმა მსახიობ და რეჟისორ რეზი ქაროსანიძეს ეკუთვნის. ეს მისი მეორე სპექტაკლია, რომელსაც რეჟისორის ამპლუაში გააკეთებს.

პირველი სპექტაკლი "ბუზები" იყო. უფრო ადრე  "ანტიგონეს" დადგმის სურვილი, რომელიც ვერ განხორციელდა. მიზეზი პანდემია გახდა, თუმცა პანდემიამვე დაბადა სპექტაკლი "ბუზები".

პიესის არჩევას წინ უძღოდა პროცესი, რომელსაც რეჟისორი " ყველაზე საინტერესოს" უწოდებს. 

"პიესის არჩევამდე პერიოდია ძალიან საინტერესო. არასდროს მიფიქრია რომ ეს პერიოდი იქნებოდა საინტერესო  პირველ  სპექტაკლზეც ეს დამემართა და მეორეზეც.  რაღაც ისე გადაგაქვს  ცხოვრებაში ძიების პროცესი და ისე აღმოჩნდები ყველა ამ გმირის მოთამაშე ქუჩაში იქნები თუ სახლში, რომ ეს ძალიან საინტერესოა". 
იგივე პანდემიის შემდგომმა პერიოდმა მოიტანა "დონ ჟუანზე" მუშაობის სურვილი. სიკვდილზე სიცოცხლის გამარჯვება, ჩაკეტილისა და აკრძალულის მიმართ პროტესტი მასშტაბური ზეიმით უნდა განხორციელებულიყო.

"დონ ჟუანის" ზეიმის განცდა ისე ძლიერი მქონდა, რომ მთლიანად მომიცვა. თეატრის ფოიეში მინდოდა ამის გაკეთება. სპექტაკლს დიდ მასშტაბებში ვხედავდი  თავისი მუსიკით, დეკორაციით, კოსტიუმებით. ოდესმე გავაკეთებ ამ სპექტაკლს. მერე მოხდა ისე, რომ სხვადასხვა მიზეზის გამო დრო თეატრმა ძალიან  გაწელა .  "დონ ჟუანის" პრემიერა  8- 9 თვის წინ  უნდა მქონოდა. ვადების ცვლამ და დროის გასვლამ  ზეიმს ფერები გაუხუნა. ის ადამიანური რესურსი  რაც მე მყავდა, ის ბიჭები და გოგონები, რომელთათვისაც კონკრეტული ვადა მქონდა ნათქვამი, თარიღების ცვლილების გამო წავიდნენ, ასე გამომეცალა ჩემი "დონ ჟუანი" ხელიდან". 

ზეიმის შემდგომი ფაზა დიდი სევდაა, განუხორციელებელი ზეიმის შემდგომი ნაბიჯი კი დეპრესია. 

"ეს ზეიმი ჩემში მთლიანად გაქრა. დამეწყო პროტესტის განცდა და ეს პროტესტის განცდა ისე გაბლაგვებული იყო რომ გადამივიდა დეპრესიაში. ზუსტად ბეკეტისეულ დეპრესიაში".

რეზი ქაროსანიძისთვის სემუელ ბეკეტის პიესის არჩევა იმ ყოფამ და ყოველდღიურობამ განაპირობა რაშიც უწევს ცხოვრება მას და სხვა ახალგაზრდებს. უძრაობა ქალაქში, ცვლილებების შეუძლებლობის განცდა, შემოქმედებითი "ბერმუდის სამკუთხედი", სადაც იკარგები და ძნელად ახერხებ გამოსვლას. დაკარგული დრო, რომელიც ყველაზე ძალიან გენანება და ა.შ. 

ამ რეალობამ ახალი შემოქმედებითი პროტესტი დაბადა. 

" მივხვდი რომ (პროტეტის) ამოხეთქვის დრო არ უნდა დამეკარგა და ბეკეტმა ამის საშუალება მომცა", - ამბობს სპექტაკლის რეჟისორი. 

ბეკეტის "გოდოს მოლოდინში" ძალიან ბევრჯერ დადგმული პიესაა. რაც ერთი მხრივ ცდუნებას აჩენს ნახო ყველა ეს დადგმა, რომელიც თავის მხრივ იმის საშიშროებასაც ქმნის, რომ მოექცე რომელიმე ინტერპრეტატორის გავლენის ქვეშ. ამიტომ რეზი ქაროსანიძეს თავისი დამოკიდებულება აქვს კლასიკური და აღიარებული პიესების მიმართ - მათ მხოლოდ მაშინ ნახულობს როდესაც საკუთარ დადგმას განახორციელებს. 

თუმცა სპექტაკლებამდე არსებობს დიდი ავტორის სახელგანთქმული პიესა, რომელიც თავის მხრივ იმის ხაფანგს აჩენს მთლიანად მას დაემორჩილო.

"პიესასაც  რომ კითხულობ გიტოვებს ეს ავტორი კლოუნადის  განცდას, ინტელექტუალურ  ირონიას საკუთარი თავის და სამყაროს მიმართაც. მასხარად გაქცევს ამ ტრაგედიაში. რაც არავითარ შემთხვევაში არ მომინდა. სურვილი გამიჩნდა ბეკეტი "სხვა პროტესტით" მელაპარაკა... ჩვენ, მეგობრებს, თანამოაზრეებს, რაც გვაგდებდა დეპრესიაში და თან არ გვაშორებდა ერთმანეთს ეს იყო ფრენის სურვილი. ჩვენ გვინდოდა ფრენა და არ ვიცოდით როგორ გვეფრინა.  ისე მოხდა, რომ, როდესაც გადავწყვიტე სად მოხდებოდა სპექტაკლის მოქმედება პილოტებად წარმოვიდგინე "გოდოს"  პერსონაჟები, რომლებიც ზეციდან ვარდებიან", - ამბობს რეზი ქაროსანიძე.

რეზი ქაროსანიძეს და მისი პერსონაჟებს სპექტაკლში სხვა მოლოდინის შექმნის სურვილი აქვთ. 

"ყველაზე მთავარი ის არის ჩემთვის, რომ მე არ ველოდები (გოდოს) გადასარჩენად. მე ველოდები გოდოს იმისთვის რომ მოვკლა, ვესროლო. ეს ბიჭებიც ხომ  იმიტომ ჩამოვარდნენ ამ უდაბნოში რომ ღმერთები მოკლან დ ა საკუთარ თავზე აიღონ პასუხისმგებლობა"., - ამბობს რეზი ქაროსანიძე.
Print E-mail
FaceBook Twitter
მსგავსი სიახლეები
ფესტივალი
15:09 / 29.05.2023
ფესტივალი "თეატრალური იმერეთი 2023"  13 ივნისს მესხიშვილის თეატრში გაიხსნება. 
ქუთაისელი ანა ფიფია ახალგაზრდა მუსიკოს შემსრულებელთა საერთაშორისო
კონკურსის გრან-პრის მფლობელი გახდა.
12:27 / 10.05.2023
ქუთაისელი ანა ფიფია ახალგაზრდა მუსიკოს შემსრულებელთა საერთაშორისო კონკურსის გრან-პრის მფლობელი გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.