კულტურა
მარჯანიშვილი, რომელსაც მინისტრის საჯარო კრიტიკის მიუხედავად, თეატრიდან წასვლა არ სურდა, ახლა ამბობს, რომ შესაბამისი განცხადება საკუთარი სურვილით დაწერა. თუმცა, როგორც ირკვევა რეჟისორი უმუშევარი არ დატოვეს და მისი დასაქმება საკუთარ თავზე ქუთაისის მერიამ აიღო. მარჯანიშვილისთვის შტატი მერიის ქუთაისის კულტურულ, სახელოვნებო და საგანმანათლებლო დაწესებულებათა აიპში შეიქმნა.
ვინ შეიფარა თეა წულუკიანის მიერ დასჯილი ოპერის თეატრის დირექტორი
14:58 / 08.02.2022
ქუთაისის ოპერის თეატრის
დირექტორმა, თორნიკე მარჯანიშვილმა, რომელიც კულტურის მინისტრმა თეა
წულუკიანმა პოლიტიკური შეხედულების გამო აითვალწუნა, თანამდებობა დატოვა.
მარჯანიშვილი, რომელსაც მინისტრის საჯარო კრიტიკის მიუხედავად, თეატრიდან წასვლა არ სურდა, ახლა ამბობს, რომ შესაბამისი განცხადება საკუთარი სურვილით დაწერა. თუმცა, როგორც ირკვევა რეჟისორი უმუშევარი არ დატოვეს და მისი დასაქმება საკუთარ თავზე ქუთაისის მერიამ აიღო. მარჯანიშვილისთვის შტატი მერიის ქუთაისის კულტურულ, სახელოვნებო და საგანმანათლებლო დაწესებულებათა აიპში შეიქმნა.
"დავწერე განცხადება და
წამოვედი, გადავედი კულტურის ააიპში ხელმძღვანელის მრჩევლად.
მერისგანაც იყო შემოთავაზება და ააიპის უფროსისგანაც. გარემოებას ხომ
ხედავს ადამიანი? ამიტომ, ჯობია ისეთ ადგილზე იმუშაო, სადაც უფრო
კარგად გრძნობ თავს, აქ უფრო კარგად ვგრძნობ თავს", -
აცხადებს თორნიკე მარჯანიშვილი ქუთაისიპოსტთან საუბარში.
ოპერის თეატრში თორნიკე
მარჯანიშვილისთვის დისკომფორტული გარემო მას შემდეგ შეიქნა, რაც
გასული წლის აპრილში, კულტურის ახალდანიშნულმა მინისტრმა თეა
წულუკიანმა იგი თანამშრომლების თანდასწრებით საჯაროდ გააკრიტიკა და
თეატრის დატოვება ურჩია. მაშინ თორნიკე მარჯანიშვილი ამბობდა, რომ
მინისტრის სიტყვებით შეურაცხყოფილი იყო, თუმცა, თანამდებობა არ
დაუტოვებია. ერთი წლის შემდეგ კი, მარჯანიშვილს დირექტორობაზე უარის
თქმა მაინც მოუწია.
თორნიკე მარჯანიშვილის თეატრიდან
წასვლას ორი მიზეზით ხსნის ოპერის თეატრის სამხატვრო ხელმძღვანელი
ირინა ლომინაძე. მისი თქმით, მარჯანიშვილის ეს გადაწყვეტილება
მინისტრთან უსიამოვნო საუბარს არ უკავშირდება და რომ თეატრში ორი
შემოქმედის ყოფნა რთულია. გარდა ამისა, თორნიკე მარჯანიშვილი სხვა
საქმეებით იყო დაკავებული და თეატრისთვის ვერ იცლიდა.
"ორი შემოქმედი ერთად
ძალიან ძნელია, მე შემოქმედი ვარ, ის შემოქმედია, ხშირად არ იყო
სამსახურში, 10-დან 6 საათამდე აქ ვერ ვიქნებიო თვითონ თქვა,
მირჩევნია გადავიდე მერიაშიო. ვერ გრძნობდა კომფორტულად აქ თავს, მე
რომ დამჭირდებოდა და მოვიკითხავდი, პირველ საათამდე ვერ მოდიოდა, აქ
უნდა მოვიდეს ისეთი ადამიანი, რომელიც დღე და ღამე სამსახურში იქნება.
მითუმეტეს, რაც თეა წულუკიანმა "აღორძინება" დააანონსა, აქ აქტიური
მუშაობა უნდა დაიწყოს, შემოწმებები იქნება და ამანაც თქვა, რომ
მირჩევნია მერიაში გადავიდეო. ეს რომ პოლიტიკური ყოფილიყო, მერიაში
ვინ მიიღებდა სამუშაოდ?", - ამბობს ირინა
ლომინაძე.
გასულ წელს, კულტურის მინისტრმა
თეატრის დირექტორს საპარლამენტო არჩევნებში სხვა პარტიის სახელით
მონაწილეობა არ აპატია და ქუთაისში ვიზიტის დროს, თანამშრომლების
თანდასწრებით მკაცრად გააკრიტიკა.
"ნაციონალებთან" რომ
წასულიყავი, გასაგებია, მაგრამ ჩვენივე გუნდიდან წასულებს როგორ
შეუერთდი, რეჟისორი ხართ თუ პოლიტიკოსი. მე თქვენ ადგილზე ახლავე
დავტოვებდი თანამდებობას", - უთხრა თეა წულუკიანმა თორნიკე
მარჯანიშვილს შეხვედრაზე.
თორნიკე მარჯანიშვილი ოპერისა და
ბალეტის თეატრის დირექტორად 2014 წელს დაინიშნა. 2020 წელს იგი
"ქართული ოცნების" გუნდიდან გამოყოფილი დეპუტატების პარტია "ჩვენი
საქართველო - სოლიდარობის ალიანსში" გაწევრიანდა და ქუთაისის
მაჟორიტარი დეპუტატობისთვის ბრძოლაში ჩაერთო. მას საარჩევნო კამპანიის
დროს თანამდებობა არ დაუტოვებია. თორნიკე მარჯანიშვილმა არჩევნებში
ხმების 0.92% მიიღო.
მსგავსი სიახლეები
11:12 / 09.03.2024
ქუთაისში, 10 მარტს, ფილმის ,“ქუთაისის კათოლიკეები - უწინ და დღეს”,
პრეზენტაცია გაიმართება.
15:27 / 14.02.2024
20 თებერვალს, ქუთაისის ოპერის თეატრის დამაარსებლის თეიმურაზ
კობახიძის დაბადებიდან ასი წლისადმი მიძღვნილი კონცერტი
გაიმართება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები