ქუთაისიპოსტი

ქუთაისში მიმდინარე მცირე ფესტივალი "ვენტილაცია" დასრულდა. "პრაქსისის" სახელოსნოში ბოლო ივენთი პოეტ დათო ყანჩაშვილს (იორიკი), მხატვარ ქრისტინე რობაქიძეს და მუსიკოს Chi Cho-ს დაეთმოთ.

"ვენტიალციაზე“ გავინიავეთ გულები და ემოციები", -აღნიშნავენ "ვენტილაციის" მონაწილეები.
განიავებასთან ერთად გარკვეული სურათიც შექმნეს,სადაც, როგორც აღმოჩნდა, პოეზიამ განსაკუთრებული ფონი შექმნა. "პოეზია მუშაობს საოცრად, ყველაზე ეფექტური პოეზია აღმოჩნდა", - აღნიშნავს ფესტივალის ერთ -ერთი ორგანიზატორი ტარიელ დათიაშვილი.
წლევანდელი "ვენტილაცია" დასრულდა, თუმცა ძიების პროცესი გრძელდება, ასევე ღიაა სივრცე ისეთი ადამიანებისთვის ""რომელთაც არა აქვთ სივრცე, სადაც შეუძლიათ საკუთარი თავი აჩვენონ, გვანახონ, რას და როგორ აკეთებენ.შესაბამისად ძიების პროცესი გრძელდება", - ამბობს ტარიელ დათიაშვილი.
რას და როგორც აკეთებდნენ "ვენტილაციაზე" მნიშვნელოვან და ხარისხიან სამუშაოდ ესახებათ პროექტის მხარდამჭერებს,შვეიცარიის განვითარებისა და თანამშრომლობის სააგენტოს წარმომადგენლებს.
"ვენტილაცია" მეორედ დაფინანსდა ეს ერთადერთი გამონაკლისი იყო იმიტომ, რომ სააგენტოში  ყოველთვის ცდილობენ სხვადახსვა პროექტი მოიცვან, თუმცა თვითონ ამ პროექტის ხარისხი შარშან იმდენად კარგი იყო და იმდენად დადებითი გამოხმაურება ქონდა როგორც მონაწილე, ისე დამსწრეების მხრიდან, რომ წელსაც დაფინანსდა. მნიშვნელოვანია რომ რეგიონებში გაკეთდეს ასეთი პროექტები და კულტურის გაცვლა მოხდეს. ამ პროექტებით ბევრი ხალხი დაუკავშირდა ერთმანეთს", - აღნიშნა კულტურისა და მენეჯმენტის ლაბორატორიის აღმასრულებელმა დირექტორმა თამრიკო ჯანაშიამ.
პროექტი ხორციელდება "სამხრეთ კავკასიის ხელოვნებისა და კულტურის რეგიონული პროგრამის" ფარგლებში. პროგრამის ფინანსურ მხარდაჭერას უზრუნველყოფს შვეიცარიის განვითარებისა და თანამშრომლობის სააგენტო (SDC).
ეკა კუხალაშვილი