კულტურა
ქუთაისში მსახიობებმა პროექტ "ტელესპექტაკლების" შეწყვეტა გააპროტესტეს
FaceBook
დასავლეთ საქართველოს თეატრალური სპექტრის წარმომადგენლები ქუთაისში ლადო მესხიშვილის სახელმწიფო დრამატულ თეატრში შეიკრიბნენ და აჭარის საზოგადოებრივი მაუწყებლის პროექტ "ტელესპექტაკლების" შეწყვეტა გააპროტესტეს. 

ტელესპექტაკლები აჭარის ტელევიზიაში სამი წლის განმავლობაში გადიოდა. მესხიშვილის თეატრის სამხატვრო ხელმძღვანელის, რეჟისორ კოტე აბაშიძის თქმით, ეს იყო ქართული თეატრისა და აჭარის ტელევიზიის ერთობლივი პროექტი და მისი არსებობა რეგიონების თეატრების განვითარებისთვის სასიცოცხლოდ მნიავნელოვანია. 

"თელავიდან მოყოლებული ხულოს თეატრით დამთავრებული ყოველ შაბათს აჭარის ტელევიზიით მაყურებელს შეეძლო ეხილა შვიდიდან ცხრა საათამდე რომელიმე სპექტაკლი. ეს იყო სახელმწიფოებრივი მნიშვნელობის მატარებელი პროექტი. 53 სპექტაკლია გადაღებული ამ სამი წლის განმავლოაბაში და შვიდი დამოუკიდებელი ტელესპექტაკლია შექმნილი ", - ამბობს კოტე აბაშიძე. 

მისივე თქმით, პროექტი პირველ რიგში შეზღუდული შესაძლებლობის პირებზე იყო გათვლილი, რომლებსაც უყვართ თეატრი, მაგრამ არ აქვთ შესაძლებლობა სახლიდან გავიდნენ. 

ამ ტელესპექტაკლების მნიშვნელოაბზე ისაუბრა სამხატვრო ხელმძღვანელმა, ვასილ ჩიგოგიძემ.

"გაოცებას ვერ ვმალავ. გულწრფელად მჯერა, რომ ბორდი იტყვის, რომ ეს არის რაღაც გაუგებრობა და პროექტი კვლავ გაგრძელდება", - ამბობს ვასილ ჩიგოგიძე. 

საპროტესტო აქციას ესწრებოდნენ მსახიობები და კულტურის სფეროში მოღვაწე ადამიანები დასავლეთ საქართველოს სხვადასხვა თეატრიდან. მათი დღეს სამ საათზე აჭარის ტელევიზიის ბორდთან აქვთ შეხვედრა, სადაც საკითხის განმარტებასა და პროექტის გაგრძელებას მოითხოვენ.
Print E-mail
FaceBook Twitter
მსგავსი სიახლეები
ყველა ბედნიერი ოჯახი ერთმანეთს
ჰგავს, ყოველი უბედური ოჯახი თავისებურადაა უბედური, წერს ლევ ტოლსტოი
„ანა კარენინაში“.
12:32 / 09.02.2020

ყველა ბედნიერი ოჯახი ერთმანეთს ჰგავს, ყოველი უბედური ოჯახი თავისებურადაა უბედური, წერს ლევ ტოლსტოი „ანა კარენინაში“.


ქუთაისში ახალი თეატრალური
სივრცე შეიქმნა. ახალგაზრდა შემოქმედთა ჯგუფმა ალტერნატიული თეატრი
დააფუძნა და სპექტაკლიც წარმოადგინა.
13:25 / 17.01.2020

ქუთაისში ახალი თეატრალური სივრცე შეიქმნა. ახალგაზრდა შემოქმედთა ჯგუფმა ალტერნატიული თეატრი დააფუძნა და სპექტაკლიც წარმოადგინა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.