ჯანდაცვა
აქტიური ცხოვრების წესი სქოლიოზის მთავარი პრევენციაა
FaceBook
"აუცილებელია ბავშვმა  იმოძრაოს მეტი, იაროს ფეხშიშველი სილაზე,  ქვიშაზე , მიწაზე"

ქუთაისის საჯარო და კერძო სკოლებში ჩატარებული კვლებების შედეგად მოსწავლეთა 70%-ში გამოვლენილ სქოლიოზისა და ბრტყელტერფიანობის პათოლოგიებს სპეციალისტები კონკრეტული მიზეზებით ხსნიან.
ქუთაისის 38 საჯარო და 8 კერძო სკოლაში დაწყებით კალსებში გამოკვლეული 8843 მოსწავლიდან 3300 მოსწავლის პროფილაქტიკური კვლევები ქუთაისის #1 პირველადი ჯანდაცვის ცენტრში ჩატარდა. აღნიშნული ცენტრის ორთოპედი, მარიამ მიქიაშვილი ამბობს, რომ ხერხემლის გამრუდება შეიძლება იყო თანდაყოლილი, ასევე, შეძენილი პათოლოგია.
"ხერხემლის დეფორმაცია არ ჩნდება, ის ვითარდება და 90%-ში 5 წლის ასაკიდან უკვე იწყებს ჩამოყალიბებას. სქოლიზი ეს ხერხემლის სვეტის, ზურგის კუნთების ასიმეტრიაა. თუ ორგანიზმი დისპლაზიურია, ქსოვილის ან ორგანოს განვითარება დარღვეულია, აუცილებლად ვითარდება ხერხემლის დეფორმაცია. 5 წლის ასაკიდან იმატებს ბავშვის აქტიურობა, ვითარდება ჯდომის და წოლის ჩვევები, რაც იწვევს კუნთების ჯგუფის არათანაბარ დატვირთვას. ამ ყველაფერს ემატება სკოლაში ცუდი ჯდომის მანერა, მძიმე ნივთების ტარება, რაც შემდგომში ამ პათოლოგიის ჩამოყალიბებას უწყობს ხელს," - ამბობს ორთოპედი მარიამ მიქიაშვილი.
ქუთაისის მერიის დაფინანსებით საჯარო და კერძო სკოლებში სქოლიოზის, ბრტყელტერფიანობის, კრიპტორხიზის, თიაქრის და რეფრაქციის გამოსავლენად ჩატარებულ ჩატარებულ კვლევებში სქოლიოზის პათოლოოგის საკმაოდ მაღალი მაჩვებელი გამოვლინდა. ორთოპედი მარიამ მიქიაშვილი მშობლებს ურჩევს შვილები კომპიუტერული თამაშებიდან ცხოვრების ჯანსაღ წესზე გადაიყვანონ.
"აუცილებელია ბავშვმა იმოძრაოს მეტი, იაროს ფეხშიშველი სილაზე, ქვიშაზე , მიწაზე. სქოლიოზის პროფილაქტიკისთვის ძალიან კარგი საშუალებაა ცურვა, რაც ქუთაიში საკმაოდ ძვირია. ამიტომ, აუცილებელია საცურაო აუზების წარმომადგენლებმა განსაზღვრონ შესაბამისი ფასები ბავშვებისთვის" -ამბობს მარიამ მიქიაშვილი.
ორთოპედის თქმით ქუთაისის მერიის მიერ ჩატარებული პროექტი აუცლებლად უნდა გაგრძელდეს და მასში მონაწილეობა ყველა მოსწავლემ უნდა მიიღოს. "ხერხემლის გამრუდება ითვლება მწვავე პათოლოგიად და მასზე არ ვრცელდება სადაზღვევო კომპანიების მომსახურება. ის არაა ერთჯერადად შეძენილი პრობლემა, ის მიმდინარეობს ზრდის შესაბამისად. ასეთი პროექტებით კი დროულად მოხდება პათოლოგიის გამოვლენა," - ამბობს მარიამ მიქიაშვილი.
ქუთაისის მერიის მიერ განორციელებული პროექტის შედეგების შესახებ მშობლები ინფორმაციას სასწავლო წლის ბოლომდე მიიღებენ, მათ ასევე მიეცემათ რეკომენდაციები შემდგომი საპროფილაქტიკო და სამკურნალო ღონისძიებების შესახებ.
პროფილაქტიკური კვლევები ქუთაისის ადგილობრივი ბიუჯეტიდან დაფინანსდა, რისთვისაც 20 000 ლარი დაიხარჯა.

ბაია მიქაბერიძე

Print E-mail
FaceBook Twitter



მსგავსი სიახლეები
პირბადე და დისტანციური თერმომეტრი
ის ატრიბუტებია, რომლებიც პანდემიამ ყოველდღიურობას
შემატა.
09:50 / 12.06.2020
პირბადე და დისტანციური თერმომეტრი ის ატრიბუტებია, რომლებიც პანდემიამ ყოველდღიურობას შემატა.
კლინიკა „ლჯ და კომპანიის“ ადმინისტრაციის გადაწყვეტილებით, ბავშვთა
დაცვის საერთაშორისო დღეს, პროფილაქტილკის მიზნით, უფასო აქცია
გაიმართება.
 
12:45 / 29.05.2019
კლინიკა „ლჯ და კომპანიის“ ადმინისტრაციის გადაწყვეტილებით, ბავშვთა დაცვის საერთაშორისო დღეს, პროფილაქტილკის მიზნით, უფასო აქცია გაიმართება.

 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.