ახალი ამბები
,,არ ხორციელდება სადეზინფექციო სამუშაოები" - შრომის ინსპექცია ქუთაისში სავაჭრო მოლების დაჯარიმებაზე
FaceBook
შრომის პირობების ინსპექტირების დეპარტამენტმა ქუთაისში ხუთი სავაჭრო მოლი დააჯარიმა.


დეპარტამენტის უფროსის, ბექა ფერაძის განცხადებით,  ადგილზე არ ხორციელდებოდა  სადეზინფექციო სამუშაოები, არ ხდებოდა ტემპერატურის სკრინინგი, რამაც მათი დაჯარიმება გამოიწვია.

,,ქუთაისში, მონიტორინგის ფარგლებში ინსპექტირების პროცესი გრძელდება. შევამოწმეთ სავაჭრო მოლები, სადაც დარღვევები დაფიქსირდა.  მონიტორინგი გრძელდება ბაზრების ტერიტორიაზეც“, - განაცხადა ბექა ფერაძე
მ. მისივე თქმით, შემოწმების შედეგად გაფრთხილება მიეცა აგრარულ ბაზრებსა და ბაზრობებს.


შრომის ინსპექციის მიერ ჯარიმის გამოწერას აპროტესტებს სავაჭრო ცენტრ ,,გრანდმოლის" ადმინისტრაცია. დაწესებულება  10 000 ლარითაა დაჯარიმებული. სავაჭრო ცენტრის ხელმძღვანელი თანხის გადახდას არ აპირებს და ამბობს, რომ მას ძვირიანი თერმოსკრინინგის აპარატის შეძენას აიძულებენ, რისი სახსრებიც არ აქვს. 

კორონავირუსის გამო, ქვეყანაში დაწესებული მკაცრი შეზღუდვების შემდეგ, სავაჭრო ცენტრებმა და ღია სივრცის მქონე რესტორნებმა მუშაობა პირველი ივნისიდან განაახლეს. დაწესებულებაში შესვლა პირბადეებით და სავალდებულო თერმოსკრინინგის შემდეგ არის ნებადართული.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

ჯანდაცვის მსოფლიო ორგანიზაციამ კორონავირუსის პანდემია 2020 წლის 11 მარტს გამოაცხადა. ვირუსის აფეთქება 2019 წლის დეკემბერშიჩინეთის პროვინცია უჰანში დაიწყო.










Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.