ახალი ამბები
ქუთაისის საბავშვო ბაღების ნაწილი მომავალი კვირიდან მუშაობას შეაჩერებს
FaceBook
ქუთაისში საბავშვო ბაგა-ბაღები, სადაც საარჩევნო უბნებია გახსნილი, დროებით მუშაობას შეაჩერებს.

გადაწყვეტილება 31 ოქტომბერს დაგეგმილ საპარლამენტო არჩევნებს უკავშირდება. ქუთაისის ბაგა-ბაღების გაერთიანების ხელმძღვანელის, დავით წიტაიშვილის განცხადებით, ქუთაისის საბავშვო ბაღები ფუნქციონირებას 26 ოქტომბრიდან ანახლებენ, ორშაბათს გახდება ცნობილი, არჩევნების გამო, რა ვადებში შეჩერდება სააღმზრდელო პროცესი ქუთაისის ბაღებში.

ქუთაისის N59 საოლქო საარჩევნო კომისიის ინფორმაციით, საარჩევნო უბნები 29 საბავშვო ბაღშია გახსნილი.

ესენია: მე-2,
მე-3, მე-4, მე-5, მე-6, მე-7,მე-8, მე-9, მე-10, მე-11,მე-12,მე-13,მე-14,მე-15,მე-16, ე-17,მე-18,მე-19 მე-20,21-ე,23-ე,24-ე, 25-ე, 27-ე, 29-ე,30-ე,32-ე,33-ე, 36-ე,37-ე საბავშვო ბაღები.

ქუთაისის ბაღებში სწავლა 12 ოქტომბერს უნდა დაწყებულიყო, თუმცა სწავლის განახლება მას შემდეგ გადაიდო, რაც ვირუსი ერთ-ერთი ბაღის გამგეს და ბაღების რამდენიმე თანამშრომელს დაუდასტურდა. ​

ქუთაისში სულ  37 საბავშვო ბაღია. 

საარჩევნო უბნები  ბაღების გარდა, გახსნილია სკოლებშიც, რის გამოც 37 საჯარო სკოლის მოსწავლე 26 ოქტომბრიდან ონლაინ სასწავლო პროცესში ჩაერთვება.

ქალაქში სულ 123 საარჩევნო უბანია გახსნილი, 155 236 ამომრჩეველია რეგისტრირებული. საპარლამენტო არჩევნები საქართველოში 31 ოქტომბერს გაიმართება.
Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.