ახალი ამბები
არასაკმარისი საინფორმაციო კამპანიის გამო, მგზავრების ნაწილისთვის კვლავ გაუგებარია, როგორ უნდა გამოიყენონ გადახდის ახალი სისტემა. მათთვის კი, ვინც მოწყობილობის გამოყენება იცის, პრობლემაა საჭირო ნომინალის ხურდის არქონა. იმის გათვალისწინებით, რომ ყველა მგზავრს არც პლასტიკური ბარათი აქვს, მძღოლისთვის კი თანხის მიწოდება აკრძალულია, მოქალაქეთა ნაწილი მგზავრობის საფასურს ვერ იხდის.
ქუთაისის სატრანსპორტო კომპანია საკასო აპარატების გაუქმებას მერიასთან შეუთანხმებლად აპირებს
14:41 / 03.02.2022
ქუთაისის მუნიციპალურ ტრანსპორტში,
საკასო აპარატები არაეფექტური აღმოჩნდა.
არასაკმარისი საინფორმაციო კამპანიის გამო, მგზავრების ნაწილისთვის კვლავ გაუგებარია, როგორ უნდა გამოიყენონ გადახდის ახალი სისტემა. მათთვის კი, ვინც მოწყობილობის გამოყენება იცის, პრობლემაა საჭირო ნომინალის ხურდის არქონა. იმის გათვალისწინებით, რომ ყველა მგზავრს არც პლასტიკური ბარათი აქვს, მძღოლისთვის კი თანხის მიწოდება აკრძალულია, მოქალაქეთა ნაწილი მგზავრობის საფასურს ვერ იხდის.
თუმცა, თანხის გადახდას ხშირად ვერც ის მგზავრები ახერხებენ, ვისაც
საჭირო მონეტებიც აქვს, პლასტიკური ბარათიც და ორივე აპარატის
გამოყენება იცის, რადგან მოწყობილობები ხშირად ფუჭდება. შესაბამისად,
თანხა, რომელიც მოქალაქეებმა ვალით შეძენილი ავტობუსებით
მგზავრობისთვის უნდა გადაიხადონ, ბიუჯეტს აკლდება.
მუნიციპალურ ტრანსპორტში, მხოლოდ
მგზავრობის ღირებულების გადახდის თვალსაზრისით არსებული უამრავი
პრობლემის მოგვარება, სატრანსპორტო კომპანიამ საკასო აპარატების
გაუქმებით გადაწყვიტა. კომპანიის დირექტორმა გიორგი გიორგობიანმა
"ფეისბუქის" პირად გვერდზე დაწერა, რომ ე.წ. ხურდის აპარატები
არაკომფორტულია და კომპანია შეეცდება გადახდის ეს სისტემა
გააუქმოს.
"აუცილებლად
გავითვალისწინებთ ჩვენი თანაქალაქელების მოთხოვნას საკასო აპარატებთან
დაკავშირებით. რა თქმა უნდა, არაკომფორტულია ხურდის აპარატები,
პანდემიის პერიოდში დამატებითი რისკია. შესაბამისად, ვეცდებით
გავაუქმოთ! რა თქმა უნდა, ყველა გადაწყვეტილება შეთანხმდება
ჩვენს მომხმარებლებთან", - წერს გიორგი
გიორგობიანი.
როგორც ირკვევა, კომპანიის
დირექტორის ეს განცხადება ქუთაისის მერიასთან შეთანხმებული არ იყო.
თვითმმართველობაში ამბობენ, რომ საკასო აპარატების გაუქმების საკითხი
არ განიხილება. თავად გიორგობიანს მის განცხადებაზე დამატებითი
განმარტება არ გაუკეთებია.
ქუთაისის მუნიციპალურ ავტობუსებში
გადახდის ახალი მეთოდი გასული წლიდან დაინერგა. იმის მიუხედავად, რომ
კომპანიას საკმარისი დრო ჰქონდა მგზავრების ინფორმირებისა და ახალი
სისტემის გამოცდისთვის, მოქალაქეებისთვის კომფორტული გარემოს შექმნა
მაინც ვერ მოახერხა. თვეების შემდეგაც, ავტობუსებში პრობლემაა თანხის
გადახდა. ამ მიზეზით შეწყვიტა კომპანიამ ავტობუსებში კონტროლიორების
მუშაობაც, რომლებსაც უბილეთო მგზავრები უნდა გამოევლინათ და
დაეჯარიმებინათ.
გაუმართავი სისტემის გამო, ქალაქის
ბიუჯეტი ვალით ნაყიდი ავტობუსებისგან შემოსავალს ვერ იღებს.
ქუთაისის მერიამ, ახალი მუნიციპალური ავტობუსები გასულ წელს შემოიყვანა. ამისთვის თვითმმართველობამ 23 მილიონი ლარი ისესხა, რომელიც 10 წელი უნდა იხადოს.
ქუთაისში სულ 10 საავტობუსო ხაზია, რომელზეც 60 ავტობუსი მუშაობს.
ქუთაისის მერიამ, ახალი მუნიციპალური ავტობუსები გასულ წელს შემოიყვანა. ამისთვის თვითმმართველობამ 23 მილიონი ლარი ისესხა, რომელიც 10 წელი უნდა იხადოს.
ქუთაისში სულ 10 საავტობუსო ხაზია, რომელზეც 60 ავტობუსი მუშაობს.
მსგავსი სიახლეები
16:03 / 27.04.2024
იმერეთში და სხვა რეგიონებში ნარკოდანაშაულისთვის 18
პირი დააკავეს, მათ შორის, 8 ნარკორეალიზატორი.
14:06 / 27.04.2024
2 მაისს, ქუთაისში გვირილობის აღსანიშნავად, სხავდასხვა ღონისძიებები
გაიმართება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები