პოლიტიკა
მუსიკის და კულტურული დედაქალაქი – რაზე ისაუბრა პრეზიდენტმა ქუთაისში
FaceBook
ქუთაისში სტუმრად მყოფმა სალომე ზურაბიშვილმა ქუთაისის განვითარებაზე მისი ხედვები ადგილობრივი თვითმმართველობის წარმომადგენლებსა და უნივერსიტეტის აკადემიურ პერსონალს წარუდგინა.

ზურაბიშვილის თქმით, პრეზიდენტის უფლებები შეზღუდულია, მაგრამ მას შეუძლია ჰქონდეს თავისი ხედვა და რომ ქუთაისის მომავალს ის საქართველოს კულტურულ დედაქალაქად გახდომაში ხედავს. მისი თქმით, ქუთაისმა უნდა დაიბრუნოს ეს სტატუსი.

ზურაბიშვილმა, ასევე, აღნიშნა, რომ პარლამენტის დაკარგვით ქუთაისს არაფერი დაუკარგავს. მისივე თქმით, პარლამენტის შენობაზე დახარჯული თანხით წყალტუბოს განვითარება იყო შესაძლებელი.

"ჩემი ხედვაა, რომ საკონფერენციო დარბაზად გადაკეთდეს პარლენტის შენობა, სადაც საერთაშორისო დონის კონფერენციები ჩატარდება. ეს ძალიან გვაკლია საქართველოში. რაც პრეზიდენტი გავხდი, ხშირად მომდის შეტყობინებები და ითხოვენ სხვადასხვა ფორუმის მოწყობას. არსად ასეთი ადგილი, გარდა ბათუმისა, არ არის. იმისთვის რომ ასეთი ცენტრი მოეწყოს, პარლამენტის შენობაში შესაბამისი ინფრასტრუქტურა არსებობს. შეიძლება ცოტა გადაკეთება დასჭირდეს, მაგრამ პრაქტიკულად ყველაფერია იქ, რაც საჭიროა," - განაცხადა ზურაბიშვილმა.

აკაკი წერეთლის სახელმწიფო უნივერსიტეტში სიტყვით გამოსვლისას, მან, აგრეთვე, აღნიშნა, რომ ქუთაისი მუსიკის დედაქალაქიცაა და სირცხვილია, რომ მუსიკის დედაქალაქში საკონცერტო როიალი არ არსებობდეს.

"ასევე, არ შეიძლება საქართველოს კულტურის დედაქალაქში იყოს ასეთი დანაგვიანებული ადგილები. ეს არის მიუღებელი, ვიცი რომ ამაზე მუშაობენ, მაგრამ ეს უნდა იყოს უფრო ეფექტური. თუ დღეს ტურისტი ამ ქალაქს ნახევარ დღეში ათვალიერებს, ამისთვის 3-4 დღე უნდა დასჭირდეს და თუ ამას დავისახავთ მიზნად, აუცილებლად გამოვა", – განაცხადა ზურაბიშვილმა.

უნივერსიტეტში სიტყვით გამოსვლის შემდეგ საქართველოს პრეზიდენტის ვიზიტი იმერეთში დასრულდა. ზურაბიშვილი იმერეთს 9 თებერვალს ეწვია. ვიზიტის პირველი დღე 9 თებერვალს წყალტუბოში დაიწყო, რომელიც 10 თებერვალს ქუთაისში დაასრულა.

Print E-mail
FaceBook Twitter
მსგავსი სიახლეები
18:32 / 24.01.2020

"ნაციონალური მოძრაობის" ერთ-ერთი ლიდერი  გრიგოლ ვაშაძე პარტიის ქუთაისის ოფისში  თანაპარტიელის  ლევან ხაბეიშვილის ცემის ფაქტს გამოეხმაურა.

„სამაიას“ გასაყიდად გამოტანის
შემდეგ მხატვრის ფეისბუკ ფეიჯზე არ წყდება აგრესიული და
შეურაცხმყოფელი კომენტარები - „შენს სისხლს დავლევ“ „ჩექმის ქუსლით
ხარ საცემი“, „თითები აქვს დასამტვრევი“და ასე შემდეგ.
16:24 / 24.01.2020
„სამაიას“ გასაყიდად გამოტანის შემდეგ მხატვრის ფეისბუკ ფეიჯზე არ წყდება აგრესიული და შეურაცხმყოფელი კომენტარები - „შენს სისხლს დავლევ“ „ჩექმის ქუსლით ხარ საცემი“, „თითები აქვს დასამტვრევი“და ასე შემდეგ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.