ქუთაისიპოსტი

დასაქმებულები, რომლებმაც სამსახური დაკარგეს, 6 თვის განმავლობაში 200 ლარიან კომპენსაციას მიიღებენ.

გადაწყვეტილება უწყებათშორისმა საბჭომ მიიღო და პრემიერ-მინისტრმა რამდენიმე წუთის წინ გააჟღერა.

 

„ადამიანები, რომლებიც ფორმალურად იყვნენ დასაქმებული, თუმცა დაკარგეს სამსახური, 1200 ლარს მიიღებენ 6 თვის განმავლობაში, თვეში 200 ლარის ოდენობით. პროგრამა აღდგება 1 იანვრიდან“, - განაცხადა გიორგი გახარიამ.

მისი თქმით, აღნიშნული პროგრამით უკვე ისარგებლა 125 ათასმა ადამიანმა და ფიქრობენ, რომ ეს მაჩვენებელი ახლაც შენარჩუნდება.

ინფორმაციისთვის, 200-ლარიან დახმარებას 6 თვის განმავლობაში იღებდნენ ისინი, ვინც covid-19-ის პანდემიის გამო უმუშევრად დარჩნენ და კომპანიამ უხელფასო შვებულებაში გაუშვა.

პროგრამის პირველი ტალღა 1 დეკემბერს სრულდება.

დღეს პრემიერ-მინისტრმა   კოვიდპანდემიის გამო დაწესებული შეზღუდვები გაახმოვანა. ასევე,  ისაუბრა იმ კომპენსაციებზე, რომლებსაც სხვადასხვა სოციალური ჯგუფები მიიღებენ.