ახალი ამბები
კორონავირუსი ქუთაისის კიდევ ერთი სკოლის პედაგოგს დაუდასტურდა
FaceBook
ქუთაისში, მე-15 საჯარო სკოლის პედაგოგს კორონავირუსი დაუდასტურდა.

ქუთაისის საგანმანათლებლო რესურსცენტრის ინფორმაციით,  ინფიცირებულს სკოლის სხვა თანამშრომლებთან კონტაქტი არ ჰქონია და სასწავლო პროცესის განახლებას ხელი არ შეეშლება. 

"დადასტურებული არის ერთი შემთხვევა მე-15 საჯარო სკოლაში და ეს არის პედაგოგი. ამ დილით დაუფიქსირდა ტესტზე დადებითი პასუხი.  მას კონტაქტი სხვა პედაგოგებთან და მით უფრო მოსწავლეებთან არ ქონია, შესაბამისად საფრთხეს არ წარმოადგენს, " - ამბობს რესურსცენტრის უფროსი მაია ცქიტიშვილი.

მისივე თქმით, ქუთაისში კორონავირუსზე ტესტირება ჩატარებული აქვს 160-მდე პედაგოგს, აქედან ნაწილი უკვე დადასტურებულთან კონტაქტია, ნაწილს აჭარაში მოგზაურობის ისტორია ჰქონდა.

თბილისში, რუსთავში, ქუთაისსა და ზუგდიდში 1-ლი ოქტომბრიდან საკლასო ოთახებში სწავლა მხოლოდ 1-ელიდან მე-6 კლასის ჩათვლით მოსწავლეებისთვის აღდგება.

სპეციალური საგანმანათლებლო საჭიროების ყველა კლასის მოსწავლეები, გარდა აჭარის რეგიონისა, 1-ლი ოქტომბრიდან დაუბრუნდებიან სასწავლო პროცესს სკოლებში სპეციალურად მათთვის განკუთვნილ რესურს ოთახში.


ქუთაისში სასწავლო პროცესის განახლება მას შემდეგ გადაიდო, რაც კოვიდ 19-ით ინფიცირების შემთხვევებმა იმატა და 10 სექტემბერს, #32 -ე საჯარო სკოლაში, ვირუსი ერთდროულად 21 პედაგოგს დაუდასტურდა.


ავტორი: ანა ჯიქია
Print E-mail
FaceBook Twitter



მსგავსი სიახლეები
საქართველოს ჯანდაცვის მინისტრის,
ეკატერინე ტიკარაძის თქმით, საცხობები და საკონდიტროები საკოორდინაციო
საბჭოს მიერ დამტკიცებულ შეზღუდვების სიაში არ შედიან.
16:20 / 26.11.2020
საქართველოს ჯანდაცვის მინისტრის, ეკატერინე ტიკარაძის თქმით, საცხობები და საკონდიტროები საკოორდინაციო საბჭოს მიერ დამტკიცებულ შეზღუდვების სიაში არ შედიან.

დასაქმებულები, რომლებმაც სამსახური
დაკარგეს, 6 თვის განმავლობაში 200 ლარიან კომპენსაციას
მიიღებენ.
15:40 / 26.11.2020

დასაქმებულები, რომლებმაც სამსახური დაკარგეს, 6 თვის განმავლობაში 200 ლარიან კომპენსაციას მიიღებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.